ຂ.ຜົ້ງສາລີຊື້ໄຟຟ້າ ຈາກຈີນ ແລະວຽດນາມ

ໄມຊູລີ
2017-06-05
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ນຶ່ງໃນບັນດາເຂື່ອນນໍ້າອູ ທີ່ສ້າງໂດຍ ບໍຣິສັດຈາກ ປະເທດຈີນ
ນຶ່ງໃນບັນດາເຂື່ອນນໍ້າອູ ທີ່ສ້າງໂດຍ ບໍຣິສັດຈາກ ປະເທດຈີນ
Screen captured Nam Ou river cascade hydropower stations in Laos

ປັຈຈຸບັນແຂວງຜົ້ງສາລີ ຕ້ອງຊື້ໄຟຟ້າ ຈາກປະເທດຈີນ ແລະວຽດນາມ ເຖິງແມ່ນວ່າ ເຂື່ອນນໍ້າອູ 4 ແລະ 5 ສ້າງສໍາເຣັດ ແລ້ວກໍຕາມ, ຍ້ອນວ່າ ໄຟຟ້າທີ່ຜລິດຈາກ ເຂື່ອນຖືກ ສົ່ງໄປຂາຍ ຢູ່ຈີນ ແລະ ວຽດນາມ, ຍ້ອນພາຍໃນແຂວງ ບໍ່ມີສະຖານີ ຫມໍ້ແປງໄຟ ເພື່ອ ປັບ ກະແສໄຟ ແລະ ນອກຈາກນັ້ນ ການຜລິດ ກະແສໄຟຟ້າ ພາຍໃນແຂວງເອງ ກໍຍັງບໍ່ ສາມາດຜລິດໄດ້ພຽງພໍກັບ ຄວາມຕ້ອງການຂອງ ປະຊາຊົນ. ດັ່ງເຈົ້າໜ້າທີ່ ການໄຟຟ້າ ທ່ານນຶ່ງ ກ່າວວ່າ:

“ຕົວໄຟຟ້າເຮົາຊົມໃຊ້ນີ້ ຊົມໃຊ້ຢູ່ ຜົ້ງສາລີນີ້ ຍັງບໍ່ມີ ສະຖານີເທື່ອເນີ ເຮົາຊື້ໄຟນີ້ ຈາກຊື້ມາແຕ່ຈີນ ກັບດຽນບຽນ ແຂວງຜົ້ງສາລີເຮົາ ຍອດອູ ຊື້ຢູ່ນໍາເຊີນເນີ ຂອງແຂວງ ຂອງ ປະເທດຈີນ”.

ທ່ານວ່າ ປັດຈຸບັນ ກະແສໄຟຟ້າ ພາຍໃນແຂວງຜົ້ງສາລີ ສາມາດຜລິດໄດ້ ຈາກເຂື່ອນນໍ້າອູ 5 ເມືອງບຸນໃຕ້ ແຕ່ຕ້ອງສົ່ງ ກະແສໄຟຟ້າ ໄປຍັງເມືອງນາໝໍ້ ແຂວງອຸດົມໄຊ ເພື່ອ ປັບກະແສໄຟຟ້າແຮງສູງ ເປັນ 220 ໂວລ ກ່ອນຈະສົ່ງກະແສໄຟຟ້າ ໄປຕາມບ້ານເຮືອນຂອງ ປະຊາຊົນ ໄດ້.

ເຖິງຢ່າງໃດກໍຕາມ ທາງການລາວ ມີແຜນຈະສ້າງ ສະຖານີ ໝໍ້ແປງໄຟ ເພື່ອຮອງຮັບ ໄຟຟ້າ ຢູ່ເຂື່ອນ ນໍ້າອູ 4 ໃນປີໜ້າແລ້ວ ຍ້ອນວ່າ ປັຈຈຸບັນ ທາງຜູ້ພັທນາ ໂຄງການຍັງ ຄວບຄຸມ ການຜລິດໄຟຟ້າຢູ່:

“ເພີ່ນວ່າປີໜ້າໃຫ້ໄດ້ຊົມໃຊ້ ເຂື່ອນນໍ້າອູ 4 ເນີ ສນອງຢູ່ໃນແຂສງ ແຂວງຜົ້ງສາລີ ເຮົານີ້ ເພາະວ່າເຮົາຍັງບໍ່ມີ ສະຖານີ ຮັບຮອງເທື່ອ ເພີ່ນຂື້ນແຜນແລ້ວ ຕົວງົບປະມານ ຂອງໄຟຟ້າລາວ”.

ປັຈຈຸບັນເຂື່ອນໄຟຟ້ານໍ້າອູ 4 ແລະ 5 ສ້າງສໍາເຣັດແລ້ວ ແລະໄດ້ເປີດທົດລອງ ຜລິດກະແສໄຟຟ້າ ແລ້ວ, ຄື ເຂື່ອນນໍ້າອູ 5 ສາມາດຜລິດ ກະແສໄຟຟ້າ ໄດ້ປະມານ 80 ເມກະວັຕ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມວ່ນ

ຈາກ ທ່າແຂກ

ເຂື່ອນໄຟຟ້າມີມາກມາຍກ່າຍກອງ ຢູ່ທຸກລຳນ້ຳຢູ່ໃນລາວ ແມ່ນມັນສ້າງມາເພື່ອເຮັດຫຽັງ, ເວົ້າແຈ້ງໆແລ້ວ ເປັນການທຳລາຍດັບສູນຫມົດ ທຸກສິ່ງທຸກຢ່າງ ບໍ່ວ່າທຳມະຊາດ, ບັນສິ່ງແວດລ້ອມ, ຊີວິດຂອງມະນຸດໃຫ້ສຸດລົງມາເທື່ອລະກ້າວ, ສ້າງຂຶ້ນມາແລ້ວຍັງໄປຊື້ໄຟຟ້າ ຈາກປະເທດອື່ນມາໃຊ້ອີກ, ນີ້ລະຄິດພະດິດສ້າງ ຂອງພວກກຳອຳນາດ ຂອງພັກ-ລັຖ ສປປລາວ ເປັນໂລກຈິດ ຈົກຫ້າລ້າງສິບແທ້ໆ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 06, 2017 01:44 PM

(

This is the proof of bad governance. Lao gorvenment has been bragging for some time now about achievements. Acheivements of Lao government are just mirage and dream
that have turned to nightmares.Throw in a towel and sell your counrty to China and Vietnam. You're a bunch of idiot leaders who have put your country in ruins.Or better you might shoot yourselves.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 06, 2017 01:25 PM

ເຕັມຫນ້າ