ຊາວລາວວ່າຄ່າທຳນຽມທາງ ແພງຫຼາຍ

ອຸ່ນແກ້ວ ສຸກສະຫວັນ
2017-09-27
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ຍວດຍານພາຫະນະ ທີ່ພວມສັນຈອນ ຕາມເສັ້ນທາງຕ່າງໆ ໃນນະຄອນຫຼວງວຽງຈັນ.
ຍວດຍານພາຫະນະ ທີ່ພວມສັນຈອນ ຕາມເສັ້ນທາງຕ່າງໆ ໃນນະຄອນຫຼວງວຽງຈັນ.
ຖ່າຍຮູບໂດຍ: ລຊ ຖ່າຍເມື່ອປີ 2017

ຊາວລາວເຫັນວ່າ ການກຳນົດເສັຍຄ່າທຳນຽມທາງ ປະຈຳປີ ຕາມຣັຖບັນຍັດ ຂອງປະທານປະເທດ ລົງວັນທີ 20 ກັນຍາ 2017 ແມ່ນສູງ ກວ່າຣາຄາເດີມຫຼາຍ. ປະເພດຣົດສ່ວນຕົວ ທີ່ມີຄວາມແຮງ ແຕ່ 2,001 ຫາ 2,500 ຊີຊີ; ເຈົ້າຂອງຣົດ ຕ້ອງເສັຍຄ່າທຳນຽມທາງ ບໍ່ເກີນ 80 ພັນກີບຕໍ່ປີ, ແຕ່ໃນລາຄາໃໝ່ ເຈົ້າຂອງຣົດຕ້ອງໄດ້ເສັຍ ຄ່າທຳນຽມເຖີງ 250ພັນກີບຕໍ່ປີ ຊຶ່ງແພງກວ່າເກົ່າຫຼາຍເທົ່າ. ດັ່ງຊາວລາວ ທ່ານນຶ່ງ ໄດ້ກ່າວຕໍ່ ເອເຊັຽເສຣີ ໃນວັນທີ 27 ກັນຍາ 2017 ນີ້ວ່າ:

“ຄືຕາມຄວາມເປັນຈິງ ໂຕນີ້ມັນກະຢາກແພງເນາະ ສຳລັບຄວາມຄິດ ຂອງຂ້າພະເຈົ້າເນາະ. ຖ້າສົມມຸດວ່າມັນຂຶ້ນ ຢູ່ທີ່ວ່າປະມານ ແສນນຶ່ງ ຫຼືວ່າແສນຊາວພັນກີບ ນີ້ນ່າມັນກະ ເປັນຣາຄາທີ່ເໝາະສົມເນາະ, ກະບໍ່ກ້າວກະໂດດ ຂັ້ນຫຼາຍປານໃດ. ຄືທີ່ຜ່ານມາກະຕາມ ປະເພດເນາະ ປະມານແປດສິບພັນກີບ ຕໍ່ປີຫັ້ນນ່າ, ລະບາດນີ້ມາຂຶ້ນ ເກືອບສາມເທົ່າໂຕ ເລີຍ ປະຊາຊົນມັນກະຢາກຂັດຂ້ອງ, ຫຼາຍໆຄົນມັນກະຢາກ ຂັດຂ້ອງ ຫັ້ນແຫຼະ”.

ສ່ວນວ່າຣົດຂົນສົ່ງສິນຄ້າຂນາດ 50 ໂຕນ ເສັຍຄ່າທໍານຽມທາງພຽງແຕ່ 5 ແສນກີບເທົ່ານັ້ນ ໃນຂະນະທີ່ຣົດບັນທຸກໜັກ ເປັນສາເຫດຫລັກ ທີ່ເຮັດໃຫ້ຖນົນຫົນທາງ ເປ່່ເພໄວ. ດັ່ງປະຊາຊົນ ທ່ານນີ້ ກ່າວອີກວ່າ:

"ມາສົມທຽບໃສ່ກັບຣົດບັນທຸກ ທີ່ວ່າເຂົາບັນທຸກໜັກ ຫຼາຍໆໂຕ່ນຊີ້ນ່າ, ຣົດສິບລໍ້ຣົດແກ່ດິນ ຊີ້ເບາະ ຈ່າຍກະພຽງແຕ່ຫ້າແສນກີບ ຊີ້ນ່າ, ໂຕນີ້ຣາຄາມັນຄື ມັນຂັດໆກັນຈັ່ງໃດ ບຸແຫຼະ. ຄັນຊິຂຶ້ນມັນກະຕ້ອງຂຶ້ນ ຫຼາຍຄືກັນ ນ້ຳໜັກ ມັນກະຫຼາຍເນາະ ເຂົາກະໃຊ້ທາງ ຫຼາຍກ່ອນ ກັນຫັ້ນແຫຼະ. ບາດນີ້ການໃຊ້ທາງ ມັນກະຊຸດໂຊມ ໄວເນາະ ຖ້າສົມມຸດວ່າ ເຂົາໃຊ້ຣົດໃຫຍ່ໆ ຫຼາຍໆ ຫັ້ນນ່າ”.

ກ່ຽວກັບເລື້ອງນີ້ ໜັງສືພິມວຽງຈັນທາມສ ສະບັບວັນທີ່ 27 ຕຸລາ ໄດ້ອ້າງຄຳສຳພາດຂອງ ທ່ານ ສົມດີ ດວງດີ ຣັຖມົນຕຼີ ກະຊວງການເງິນ ວ່າ: ທ່ານ ຈະປຶກສາຫາລືກັບ ເຈົ້າໜ້າທີ່ ກົມອາກອນກ່ຽວກັບ ການປະຕິບັດ ຣັຖບັນຍັດ ສະບັບໃໝ່ ຊ້າສຸດ ກໍພາຍໃນເດືອນຕຸລາ.

ທ່ານ ສົມດີ ກ່າວຕື່ມອີກວ່າ ກະຊວງການເງິນໄດ້ ມີແຜນການເກັບຄ່າທຳນຽມທາງ ໃຫ້ມີປະສິດທິຜົນ ໂດຍເຈົ້າຂອງຣົດ ຈະຕ້ອງຈ່າຍຜ່ານ ລະບົບທະນາຄານເທົ່ານັ້ນ. ນອກຈາກນີ້ ກະຊວງການເງິນ ຈະປະສານງານ ກັບເຈົ້າໜ້າທີ່ຕຳຣວດ ຈະຣາຈອນ ເພື່ອຮັບປະກັນ ການຈັດຕັ້ງ ປະຕິບັດ ຣັຖບັນຍັດ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

ຄົນລາວຮັກປະເທດຊາດ

ຈາກ ປາກເຊ

ຄ່າທໍານຽມທາງ ບໍ່ແພງ . ຄວນເຜີ້ມຂື້ນອີກຕື່ມ ທຸກໆຄົນ ມີເງິນຊື້ລົດ ກໍ່ຕ້ອງມີເງິນຈ່າຍຄ່າທໍານຽມທາງ ການເສຽຄ່າທໍານຽມທາງ ຄິດໄລ່ເປັນໜຶ່ງປີ. ບໍ່ແມ່ນເປັນເດືອນ. ລາຄາເບຍລາວ ໜຶ່ງລາງ ໜຶ່ງແສນກີບສ້າງສັນກັນແຕ່ລະມື້ ໝົດຮອດ ຫ້າ-ຫົກລາງ ບໍ່ເຫັນຈະຈົ່ມວ່າ. ຄວນປະຢັດເງິນ ຊື້ເບຍດື່ມ ໃນວັນນັ້ນ, ເອົາມາເສຽຄ່າທໍານຽມທາງ ໃນປີນີ້ ຈະດີກວ່າ .( ຂໍຂອບໃຈ )


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 02, 2017 02:40 PM

(

Bye bye Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 02, 2017 02:38 PM

ເຕັມຫນ້າ