ລູກຄ້າ Asianface ຍັງບໍ່ໄດ້ ເງິນຄືນ

ສິດນີ
2017-05-25
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ປະຊາຊົນທີ່ເຂົ້າມາບໍຣິສັດ ເອຊຽນເຟັສ ເພື່ອຖອນເງິນຝາກລົງທຶນ
ປະຊາຊົນທີ່ເຂົ້າມາບໍຣິສັດ ເອຊຽນເຟັສ ເພື່ອຖອນເງິນຝາກລົງທຶນ
RFA/SO

ປະຊາຊົນລາວຫລາຍຄົນ ຜູ້ທີ່ລົງທຶນຊື້ຫຸ້ນ ຈາກບໍຣິສັດ ASIANFACE ທີ່ບໍຣິຫານຈັດການໂດຍ ທ້າວ HUOT SOVAN ຊາວກຳພູຊາ ໃນຈຳນວນເງິນ ທັງຫມົດປະມານ 14 ລ້ານໂດລາ ເທົ່າເຖິງປັດຈຸບັນ ຍັງບໍ່ໄດ້ ເງິນຂະເຈົ້າຄືນເທື່ອ ຫຼັງຈາກ ທາງການລາວ ໄດ້ໂຈະການ ເຄື່ອນໄຫວ ແລະ ການດຳເນີນ ກິຈການ ຂອງ ບໍຣິສັດ ດັ່ງກ່າວ ໃນມື້ວັນທີ 23 ພຶສພາ ຜ່ານມາ. ຄະດີດັ່ງກ່າວ ກໍຍັງບໍ່ມີ ຄວາມຄືບຫນ້າ ເລີຍ. ດັ່ງປະຊາຊົນຜູ້ເສັຽຫາຍ ທ່ານນຶ່ງເວົ້າວ່າ:

"ຍັງເທື່ອເຈົ້າ ຍັງເທື່ອດຽວນີ້ ເພິ່ນກຳລັງ ສອບສວນຢູ່ ແຕ່ວ່າສັ່ງໂຈະຫັ້ນ ຄ່ອຍເຫັນແຈ້ງ ນ້ອຍນື່ງ ແຈ້ງເຣື້ອງຂອງທຸຣະກິດ ຂອງຂະເຈົ້າ ຊື່ໆ ແຕ່ວ່າຄະດີນີ້ ຍັງສືບຕໍ່ຢູ່ບໍ".

ກະຊວງອຸດສາຫະກັມ ແລະການຄ້າ ໄດ້ສັ່ງໂຈະກິຈການ ຂອງບໍຣິສັດ ດັ່ງກ່າວ ຫລັງຈາກມີການສືບສວນ ຈາກເຈົ້າຫນ້າທີ່ ກປສ ນະຄອນ ຫລວງວຽງຈັນ ທາງກະຊວງ ກໍໃຫ້ກົມທະບຽນ ຖອນໃບອະນຸຍາດ ເປີດບໍຣິສັດໃນລາວ.

ຜູ້ເສັຽຫາຍ ອີກທ່ານນຶ່ງ ຜູ້ທີ່ບໍ່ປະສົງ ອອກຊື່ເວົ້າວ່າ ທ່ານເອງ ກໍລົງທຶນ ບໍ່ຕ່ຳກວ່າ 1 ແສນໂດລາ ເພາະທາງບໍຣິສັດ ໃຫ້ຄ່າຕອບແທນ ປະມານ 30% ຕໍ່ຈຳນວນເງິນ ທີ່ລົງທຶນ ໂດຍບໍ່ຄິດວ່າ ຈະຖືກຕົ້ມຕຸ໊ນ ຫລືຫລອກລວງ ແບບນີ້ ທ່ານກ່າວວ່າ:

"ໂອ້ຫລາຍໃດ ຍັງບໍ່ໄດ້ນໍ ເພິ່ນຍັງລົມກັນຢູ່ ຍັງບໍ່ມີຂໍ້ຕົກລົງ ເທື່ອເນາະ ທີ່ວ່າເຣື້ອງ ທຸຣະກິດ ເພິ່ນຫັ້ນ ເພິ່ນສັ່ງໂຈະຊົ່ວຄາວ ຍັງບໍ່ມີການ ແຈ້ງປິດ ແມ່ນລະຍັງ ບໍ່ທັນແລ້ວ".

ນອກຈາກ ບໍຣິສັດນີ້ແລ້ວ ທີ່ທາງການລາວ ສັ່ງປິດ ຍັງມີບໍຣິສັດ ທີ່ກ່ຽວຂ້ອງ ກັບບໍຣິສັດ ດັ່ງກ່າວ ທີ່ຖືກສັ່ງໂຈະ ນຳອີກເປັນຕົ້ນ ບໍຣິສັດ ອະສັງຫາຣິມມະຊັບ CAMLAO ທີ່ຄົນລາວ ເປັນເຈົ້າຂອງ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

(

You stupid Lao government you are accomplice of foreign mafia who stole money from Lao people. You welcomed them and you sold them concessions. You pocket the money now they made Lao people pay for your greed.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 28, 2017 06:01 PM

ເຕັມຫນ້າ