ຄຣູ-ນັກຮຽນຖ້າເງິນເດີນ ສວນສນາມ

ມະນີຈັນ
2015-12-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ການສວນສະໜາມໃນວັນຊາດ ທີ 2 ທັນວາ
ການສວນສະໜາມໃນວັນຊາດ ທີ 2 ທັນວາ
RFA/NY

ນັກຮຽນ ແລະ ຄຣູ ອາຈານ ຢູ່ ມະຫາວິທຍາ ສຸພານຸວົງ ແຂວງ ຫຼວງພຣະບາງ ຍັງ ບໍ່ທັນໄດ້ ເງິນ ເບັ້ຽລ້ຽງ ການໄປ ເດີນ ສວນ ສະໜາມ ເນື່ອງໃນ ໂອກາດ ວັນຊາດ ທີ 2 ທັນວາ ຜ່ານມາ. ດັ່ງ ນັກສຶກສາ ຄົນນຶ່ງ ຜູ້ທີ່ ບໍ່ປະສົງ ອອກຊື່ ໄດ້ກ່າວ ຕໍ່ ເອເຊັຽ ເສຣີ ວ່າ:

"ອາຈານ ແລະ ນັກຮຽນ ຢູ່ ມະຫາວິທຍາໄລ ສຸພານຸວົງ ເນາະ ໄດ້ໄປ ເດີນ ສວນສະໜາມ ເນາະ ເພິ່ນ ບອກວ່າ ຊິໃຫ້ເງິນ ມື້ 20,000 ກີບ ວ່າຊັ້ນເນາະ ແຕ່ວ່າ ຫລັງຈາກ ວັນຊາດ ຜ່ານໄປ ຫຼາຍວັນ ເງິນ ກະຍັງ ບໍ່ທັນໄດ້ ຈັກກີບ ລະ ກະການໄປ ເດີນ ສວນສະໜາມ ນີ້ ນ່າ ເອົາລົດ ຈັກ ໄປກະຍັງ ໄດ້ ເສັຽຄ່າ ຈອດລົງ ຈອດລົດ ອີກເນາະ ກະ ຮອດມື້ນີ້ ກະ ຍັງບໍ່ເຫັນ ວ່າຫຍັງ".

ນອກຈາກນີ້ ເຂົາເຈົ້າຍັງ ສົງໄສວ່າ ງົບປະມານ ດັ່ງກ່າວນີ້ ໄປຢູ່ໄສ ດັ່ງ ນັກຮຽນ ທ່ານ ນີ້ ໄດ້ກ່າວ ອີກວ່າ:

"ຮອດມື້ນີ້ ກະນັກຮຽນ ເນາະ ກະຕ້ອງໄດ້ ລໍາບາກ ດື່ນເດິກ ລຸກເຊົ້າ ກວ່າ ປົກກະຕິ ເນາະ ພາກັນໄປ ເດີນ ສວນສະໜາມ ນີ້ແຫລະ ກະບໍ່ຮູ້ວ່າ ເງິນນີ້ ຣັຖບານ ເອົາໄປໄວ້ ໃສ ຄົງ ຊິເອົາໄປ ເຮັດ ຟຸມເຟືອຍ ແນວອື່ນ ຫລື ວ່າ ເອົາໄປຕີ ກອຟ ແນວອື່ນ ເຮົາກະບໍ່ຮູ້ ອີງຕາມ ການ ສັນນິຖານ ເນາະ ອັນນີ້ ຕາມເຮົາ ສັນນິຖານ ເບິ່ງເນາະ".

ນັກຮຽນ ແລະ ຄຣູ ອາຈານ ຕ້ອງໄດ້ມີ ການຝຶກຊ້ອມ ການເດີນ ສວນສະໜາມ ເປັນ ເວລາ 5 ວັນ ຊຶ່ງ ແຕ່ລະມື້ ເຂົາເຈົ້າ ຕ້ອງໄດ້ລຸກ ແຕ່ 5 ໂມງເຊົ້າ. ອີງຕາມ ການໃຫ້ ສໍາພາດ ຂອງ ນັກຮຽນ.

ບັນຫາ ການຈ່າຍເງິນ ໃຫ້ແກ່ ຜູ້ທີ່ໄປ ເດີນ ສວນສະໜາມ ບໍ່ຄົບຕາມ ຈໍານວນ ກໍເກີດຂຶ້ນ ຢູ່ ນະຄອນຫຼວງ ວຽງຈັນ ເຊັ່ນ ດຽວກັນ. ທີ່ຜ່ານມາ ກໍມີຂ່າວ ວ່າ ນັກຮຽນ ແລະ ທະຫານ ທີ່ໄປ ຊ້ອມ ເດີນ ສວນສະໜາມ ກໍໄດ້ເງິນ ພຽງແຕ່ ມື້ລະ 15,000 ກີບ ເທົ່ານັ້ນ ໃນຂນະ ທີ່ ຂໍ້ຕົກລົງ ຈາກ ຄນະອະນຸ ກໍາມະການ ຈັດງານ ວັນຊາດ ໄດ້ ຣະບຸ ຄ່າໃຊ້ຈ່າຍ ເດີນ ສວນສະໜາມ ມື້ລະ 35,000 ກີບ ຕໍ່ ຄົນ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

no name

ບ໋່ຕອ້ງເອົາເງີນແລ້ວ ເພື່ອຊື່ສຽງ. ກ໋່ຮູ້ຢູ່ຕົວ ເພີ່ນຕົວະ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 13, 2015 02:48 PM

ຄ.ນະຄຳມ່ວນ

ຈາກ ທ່າແຂກ

ສປປລາວ ຂອງພວກເຮົາ ຍັງບໍທັນເປັນປະທດ ພັດທະນາເທື່ອ, ຈົ່ງຢ່າຟ້າວ ລໍຄອຍຄວາມຫັວງນຳ ຂັ້ນເທິງເທື່ອ, ໄດ້ກິນອີ່ມນູ່ງອູ່ນ ກໍ່ວ່າດີແລ້ວ, ເວລາໄດ ສປປລາວ ເຮົາ, ເປັນປະເທດ ພັດທະນາແລ້ວ ຈຶ່ງຄ່ອຍຖາມເພິ່ນ, ພ້ອມທັງ ຈະໄດ້ກິນແຊບ ນຸ່ງງາມດອກ, ປັດຈຸບັນນີ້ ຂໍໃຫ້ເພິ່ງຕົນເອງ ແລະກຸ້ມຕົນເອງ ໄປເສັຍກ່ອນ, ເປັນການດີທ່ີສຸດ ຂອງພວກເຮົາ ທີ່ ເປັນປະຊາຊົນ ທຳມະດາສາມັນ ຢູ່ໃນລະບອບ ປະຊາທິປະໄຕ ລວມສູນ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 13, 2015 02:37 PM

(

ອົດເອົາເນີ ລູກຫລານເອີຍ. ຂັ້ນເທິງຫັ້ນ ເພິ່ນຂີ້ຕົວະຕະລອດ. ຕົວະມາໄດ້ 40 ປີແລ້ວ. ຕົວະແຕ່ພວກເຈົ້າ ບໍ່ທັນເກີດພຸ້ນແລະ. ບໍ່ເຊື່ອ ຖາມພໍ່ຖາມແມ່ເຈົ້າເນີ. ຢູ່ນຳລະບອບນີ້ ມີແຕ່ຕົວະກັບຕົວະ. ຖ້າເຈົ້າຢາກເປັນໃຫຍ່ ເປັນໂຕ ຕ້ອງເປັນຄົນ ຂີ້ຕົວະເກ່ງໆ ຈຶ່ງຈະກ້າວຫນ້າ ໃນ ສປປ ລາວ. ຖ້າບໍ່ດັ່ງນັ້ນ ເຂົາວ່າເຈົ້າ ໂງ່.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 11, 2015 04:59 PM

LAONOR

YES THAT MONEY LAODENG USE FOR PLAY GOLF


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 11, 2015 04:58 PM

ເຕັມຫນ້າ