ຊາວຊຽງເງິນຕ້ອງຍ້າຍ ຈາກທາງ ຣົດໄຟ

ສິດນີ
2017-06-22
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ການກໍ່ສ້າງທາງຣົດໄຟ ລາວ-ຈີນ ຢູ່ແຂວງຫຼວງພຣະບາງ
ການກໍ່ສ້າງທາງຣົດໄຟ ລາວ-ຈີນ ຢູ່ແຂວງຫຼວງພຣະບາງ
RFA/NY

ປະຊາຊົນຈຳນວນ 120 ຄອບຄົວ ຢູ່ບ້ານບວມອໍ້ ເມືອງຊຽງເງິນ ແຂວງຫລວງພຣະບາງ ຈະໄດ້ຖືກ ໂຍກຍ້າຍ ຍ້ອນການສ້າງ ເສັ້ນທາງ ຣົດໄຟ ລາວ-ຈີນ ຈະຜ່ານເຂດ ດັ່ງກ່າວ ແຕ່ປະຊາຊົນ ຍັງບໍ່ຮູ້ວ່າ ຈະຖືກໂຍກຍ້າຍ ແລະ ຈະໄດ້ຄ່າຊົດເຊີຍ ເທົ່າໃດ. ດັ່ງ ເຈົ້າຫນ້າທີ່ ທ້ອງຖິ່ນ ທ່ານນຶ່ງ ກ່າວໃນວັນທີ 21 ມິຖຸນາ ນີ້ວ່າ:

"ຖືກທາງແຣວຣົດໄຟຫັ້ນແນ່ ຈຳນວນ 120 ຄອບຄົວ ຜົລສຳຣວດທັງຫມົດຫັ້ນ 442 ເຮົາກໍມີ ຄຳຕອບເທົ່ານັ້ນ ຕ້ອງໄດ້ໂຍກຍ້າຍຫມົດ ຈັດສັນຍາມໃດ ບໍ່ຮູ້ເທື່ອ".

ທ່ານກ່າວຕື່ມວ່າ ນອກຈາກນັ້ນຍັງມີອີກ 58 ຄອບຄົວ ທີ່ຈະເສັຽທີ່ດິນ ໃຫ້ແກ່ໂຄງການ ຣົດໄຟລາວ-ຈີນ ສ່ວນໃຫຍ່ເປັນດິນປູກຝັງ ຂອງ ຊາວບ້ານ ຊຶ່ງໃນປັດຈຸບັນ ຊາວບ້ານ ຜູ້ທີ່ຈະໄດ້ຮັບ ຜົລກະທົບ ຍັງບໍ່ມີ ປະຕິກິຣິຍາ ແນວໃດ ຍ້ອນວ່າ ຫາກໍຮູ້ຂ່າວ ເມື່ອບໍ່ດົນມານີ້.

ເຈົ້າໜ້າທີ່ໂຍທາທິການ ແລະການຂົນສົ່ງ ແຂວງຫຼວງພຣະບາງ ທ່ານນຶ່ງເວົ້າວ່າ ໂຄງການຣົດໄຟລາວຈີນ ມີແຜນການ ຈະສ້າງສະຖານີ ນ້ອຍແລະບ່ອນຂົນຖ່າຍ ສິນຄ້າ ໃນເຂດບ້ານດັ່ງກ່າວ ຈຶ່ງຈຳເປັນຕ້ອງໄດ້ ໂຍກຍ້າຍ ຊາວບ້ານ ຫລາຍກວ່າບ່ອນອື່ນ ດັ່ງທ່ານກ່າວວ່າ:

"ຢູ່ເຂດຊຽງເງິນນີ້ຈະມີແຕ່ບ້ານດຽວ ບ້ານບວມອໍ້ ຈຸດດັ່ງກ່າວ ເປັນຖືກເປັນຈຸດ ເຄື່ອນຖ່າຍສິນຄ້າ ສະຖານີນ້ອຍ".

ໃນປັດຈຸບັນ ວຽກງານການສ້າງ ເສັ້ນທາງຣົດໄຟ ລາວ-ຈີນ ທີ່ເມືອງຊຽງເງິນ ນັກວິສວະກອນຈີນ ກຳລັງເຈາະອຸມົງ ສອງແຫ່ງ ແຫ່ງນຶ່ງ ຢູ່ຫນ້າເຂື່ອນນ້ຳຄານ ອີກແຫ່ງນຶ່ງ ຢູ່ແຄມນ້ຳນີງ ແຕ່ທາງການ ຍັງບໍ່ບອກວ່າ ການເຈາະອຸມົງ ນັ້ນຈະໃຊ້ ລະເບີດ ຫລື ໃຊ້ເທັກໂນໂລຈີ ແນວອື່ນ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

Lao government doesn't care about Lao people welfare. Besides you were born to move. Let you move guys till there's no more places to go.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 25, 2017 01:20 PM

ຄ.ນະຄຳມວ່ນ

ຈາກ ທ່າແຂກ

ທາງຣົຖໄຟລາວຈີນນີ້, ເປັນເສັ້ນທາງສ້າງຂຶ້ນໂດຍອຳນາດ ພັກ-ລັຖສປປລາວ ເຮັດໄປຕາມອຳເພີໃຈທຸກຢ່າງ, ປະຊາຊົນລາວ ພວກທີ່ທຸກຍາກລຳບາກ ຍິ່ງຍາກແຄ້ນກວ່າເກົ່າຕື່ມເຂົ້າເປັນຫລາຍ ລ້ານເທັ້າ, ອັນນີ້ບໍ? ສລາດສ່ອງໃສ ຄິດແກ້ໄຂບັນຫາປະເທດຊາດ ແລະປະຊາຊົນລາວທົ່ວທຸກຫົນແຫ່ງ, ຫລືວ່າຕັ້ງແກ້ງຢາກກອບກິນ ໂກຍກິນແລະໂກງສາລະພັດຢ່າງ ຈາກປະເທດຊາດແລະປະຊາຊົນ ລາວພວກຮູ້ເທົ່າບໍ່ເຖິງການເທົ່ານັ້ນ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 25, 2017 01:19 PM

ເຕັມຫນ້າ