ປະຊາຊົນເມືອງໄຊຢືນຢັນ ບໍ່ຍ້າຍ

ຈໍາປາທອງ
2017-01-09
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ແຜນທີ່ ໂຄງການທາງຣົດໄຟ ລາວ-ຈີນ
ແຜນທີ່ ໂຄງການທາງຣົດໄຟ ລາວ-ຈີນ
RFA

ປະຊາຊົນ ເມືອງໄຊ ແຂວງອຸດົມໄຊ ທີ່ ໂຄງການ ທາງຣົດໄຟ ລາວ-ຈີນ ຈະກວມເອົາ ເຂດບ້ານເຮືອນ ຂອງ ພວກເຂົາເຈົ້າ ແລະ ຕ້ອງ ໄດ້ຍົກຍ້າຍ ອອກໄປນັ້ນ ຍັງພາກັນ ຢືນຢັນວ່າ ຈະບໍ່ຍ້າຍ ຢ່າງແນ່ນອນ ຖ້າຫາກວ່າ ທາງການລາວ ບໍ່ແກ້ໄຂ ເພີ້ມຄ່າ ຊົດເຊີຍ ໃຫ້ຕາມ ຄຳຮຽກຮ້ອງ ຂອງພວກຕົນ ທີ່ຈະໄດ້ຮັບ ຜົລກະທົບ, ຊຶ່ງ ຜ່ານມາກໍໄດ້ ສເນີໃຫ້ ຮີບຟ້າວແກ້ໄຂ ໄປແລ້ວຫຼາຍຄັ້ງ, ແຕ່ທາງການ ຍັງບໍ່ໃຫ້ ຄຳຕອບ ຢ່າງຄັກແນ່ ເທື່ອ. ດັ່ງ ເຈົ້າໜ້າທີ່ ເມືອງໄຊ ໄດ້ກ່າວຕໍ່ RFA ໃນວັນທີ 6 ມົກກະຣາ ນີ້ວ່າ:

"ບໍ່ຍ້າຍແຫຼະ ເຂົາບໍ່ແກ້ໄຂ ກະບໍ່ຍ້າຍແຫຼະນໍ້ ບ່ອນໃດ ທີ່ມີດິນ ປະຊາຊົນ ດິນໄຮ່ດິນນາ ດິນເຮືອນ ດິນສວນ ຍັງບໍ່ທັນ ແກ້ເທື່ອ ສເນີແລ້ວ ແຕ່ທາງການ ຍັງບໍ່ທັນໄດ້ ບອກໃຫ້ ມີແຕ່ບອກ ຕາມວ່າ ສິແກ້ໄຂຕາມ ກະຊວງ ການເງິນ ກຳນົດ".

ທ່ານກ່າວຕື່ມວ່າຜ່ານມາ ປະຊາຊົນ ຜູ້ທີ່ຈະໄດ້ຮັບ ຜົລກະທົບ ຈາກໂຄງການ ທາງຣົດໄຟ ໄດ້ສເນີທາງການ ໃຫ້ຊົດເຊີຍ ຄວາມເສັຽຫາຍ ທີ່ວ່ານັ້ນ ບໍ່ຕ່ຳກວ່າ 300 ລ້ານກີບ ຕໍ່ຄອບຄົວ, ເພາະຖ້າ ແຕ່ລະຄອບຄົວ ໄດ້ເງິນໜ້ອຍ ກວ່ານັ້ນ ປະຊາຊົນ ກໍຈະບໍ່ສາມາດ ໄປຕັ້ງຕົ້ນ ຊີວິດ ຢູ່ບ່ອນໃໝ່ໄດ້ ແລະ ປະຊາຊົນ ສເນີໃຫ້ ທາງການ ຈັດສັນທີ່ດິນ ຢູ່ເຂດອື່ນໃຫ້ ແຕ່ກໍຍັງ ບໍ່ໄດ້ຮັບ ຄຳຕອບຈາກ ຣັຖບາລລາວ.

ກ່ຽວກັບເຣຶ່ອງນີ້ ເຈົ້າໜ້າທີ່ ຜແນກແຮງງານ ແລະສະຫວັດດິການ ສັງຄົມ ແຂວງອຸດົມໄຊ ກ່າວວ່າ ເຖິງຢ່າງໃດ ກໍຕາມ ປະຊາຊົນ ທີ່ຢູ່ ໃນເຂດ ທີ່ທາງການ ໃຫ້ຍົກຍ້າຍ ອອກໄປນັ້ນ ຈະບໍ່ສາມາດ ຂັດຂວາງ ໂຄງການ ພັທນາ ປະເທສໄດ້; ສ່ວນເຣຶ່ອງ ຄ່າຊົດເຊີຍ ເຊື່ອວ່າ ທາງການ ຈະໃຫ້ຢ່າງ ສົມເຫດສົມຜົລ ບໍ່ໃຫ້ຜູ້ ທີ່ໄດ້ຮັບ ຜົລກະທົບ ລໍາບາກ ແນ່ນອນ. ດັ່ງ ທີ່ທ່ານກ່າວວ່າ:

"ຕ້ອງໄດ້ຍົກຍ້າຍ ຫັ້ນແຫຼະ ກະມີແຕ່ຣັຖ ກະເບິ່ງທົດແທນ ດິນໃຫ້ ເພາະມັນເປັນ ໂຄງການ ຂອງຣັຖບາລ ກະຈຳເປັນ ຕ້ອງໄດ້ເຂົ້າໃຈ ນຳກັນ ແນວໂນ້ມ ເພິ່ນກະວ່າ ໄດ້ຍ້າຍ ແລ້ວກະ ນະໂຍບາຍ ກະຕ້ອງ ໃຫ້ມັນດີກວ່າເກົ່າ".

ໂຄງການສ້າງທາງຣົດໄຟ ຄວາມໄວສູງ ລາວ-ຈີນ 427 ກິໂລແມັດ ຈະຜ່ານ 3 ເມືອງ ໃນແຂວງ ອຸດົມໄຊ ຄື ເມືອງໄຊ, ເມືອງນາໝໍ້ ແລະ ເມືອງງາ. ທຸກມື້ນີ້ ນັກ ວິຊາການຈີນ ກຳລັງສຳຣວດ ພື້ນທີ່ ໃນແຕ່ລະເມືອງ ແລະທັງໄດ້ ເລີ້ມເຈາະອຸມົງ ທາງຣົດໄຟ ໄປແດ່ແລ້ວ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ