ບໍຣິສັດເອຊຽນເຟັສ ຕົກຢູ່ ໃນຂ່າຍ ສໍ້ໂກງ

ມະນີຈັນ
2017-03-29
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ປະຊາຊົນທີ່ເຂົ້າມາບໍຣິສັດ ເອຊຽນເຟັສ ເພື່ອຖອນເງິນຝາກລົງທຶນ
ປະຊາຊົນທີ່ເຂົ້າມາບໍຣິສັດ ເອຊຽນເຟັສ ເພື່ອຖອນເງິນຝາກລົງທຶນ
RFA/SO

ໃນມື້ວັນທີ 27 ມິນາ 2017 ບັນດາລູກຄ້າ ປະມານ 300 ຄົນ ພາກັນມາທວງເງິນ ນຳບໍຣິສັດ ເອຊຽນເຟັສ ຫລັງຈາກ ທີ່ເຂົາເຈົ້າເອົາເງິນ ມາຝາກນຳ ບໍຣິສັດ ຊຶ່ງ ບໍຣິສັດສັນຍາ ວ່າຈະຈ່າຍດອກເບັ້ຽ ໃຫ້.

ບໍຣິສັດເອຊຽນເຟັສ ມີເຈົ້າຂອງເປັນຄົນ ກຳພູຊາ ຊື່ທ້າວ ຮຸດ ສຸ​ວັນ (HUOT SOVANN) ຕັ້ງຢູ່ ບ້ານໂພນຕ້ອງ ຈອມມະນີ ເມືອງຈັນທະບູລີ ນະຄອນ ຫຼວງວຽງຈັນ ເລີ້ມເປີດ ກິຈການ ມາແຕ່ປີ 2015.

ບໍຣິສັດດຳເນີນທຸຣະກິດ ດ້ວຍການຊັກຊວນ ໃຫ້ປະຊາຊົນ ເອົາເງິນມາຝາກນຳ, ພາຍຫລັງທີ່ໄດ້ເງິນຈາກ ປະຊາຊົນ ແລ້ວບໍຣິສັດ ຈະເອົາ ໄປຊອກຊື້ ທີ່ດິນ ແລ້ວຂາຍເອົາ ກຳໄລ, ແລະ ບໍຣິສັດ ວ່າຈະຈ່າຍດອກເບັ້ຽ ໃຫ້ໃນອັດຕຣາ ທີ່ສູງຄືຈາກ 8 ເປີເຊັນ ຈົນເຖິງ 30 ເປີເຊັນ ຕໍ່ເດືອນ, ດັ່ງປະຊາຊົນ ທ່ານນຶ່ງ ຜູ້ທີ່ຕົກ ເປັນເຫຍື່ອ ໄດ້ກ່າວຕໍ່ ເອເຊັຽເສຣີ ໃນວັນທີ 28 ມິນາ 2017 ນີ້ວ່າ:

"ເພາະວ່າເຂົາເຈົ້າໃຫ້ ດອກເບັ້ຽສູງໄດ໊ ໄດ້ມາຮອດເດືອນ 8 ເງິນກໍໄດ້ແຕ່ລະເດືອນ ເດືອນນຶ່ງເຂົາເຈົ້າໄລ່ຢູ່ ຖ້າວ່າໄລ່ ເປັນເງິນໂດລາ ຂັ້ນວ່າ 1,000 ນຶ່ງ..1,000 ຫລຽນ ເນາະ ຖືວ່າໄດ້ 80 ໂດລາ".

ອັດຕຣາດອກເບັ້ຽ ຂຶ້ນກັບຈຳນວນເງິນຝາກ, ໝາຍຄວາມວ່າ ປະຊາຊົນ ຝາກເງິນຫຼາຍເທົ່າໃດ ບໍຣິສັດຈະຈ່າຍດອກເບັ້ຽ ສູງຂຶ້ນອີກ. ເງິນທີ່ ປະຊາຊົນ ເອົາມາຝາກ ກິນດອກເບັ້ຽນັ້ນ ຈະເລີ່ມຈາກ 1 ພັນໂດລາ ສະຫະຣັຖ ເຖີງ 1 ແສນໂດລາ, ອີງຕາມການສຳຣວດ ໃບບີນຂອງ ລູກຄ້າ ທີ່ໄດ້ຖືມານຳ ເພື່ອມາທວງໜີ້ ກັບ ບໍຣິສັດ.

ເມື່ອທ້າຍປີ 2016 ບໍຣິສັດ ບໍ່ໄດ້ຈ່າຍດອກເບັ້ຽ ໃຫ້ປະຊາຊົນ ສະນັ້ນ ເຂົາເຈົ້າຈຶ່ງພາກັນຖອນເງິນ ຈາກບໍຣິສັດ, ດັ່ງປະຊາຊົນ ທ່ານນີ້ໄດ້ ກ່າວອີກວ່າ:

"ລະໝົດທຸກຄົນວ່າ ໂອ້ສົນໃຈ ຖອນເງິນຄືນ ເພາະເພິ່ນຕົວະ ແຕ່ເດືອນ 9, ເດືອນ 10, ເດືອນ 11 ແລະ ລະໝົດທຸກຄົນ ເຫັນດີເຫັນພ້ອມ ສ່ວນຫຼາຍວ່າ ຖອນຄືນ".

ຍອດມູນຄ່າທີ່ປະຊາຊົນ ຢູ່ທົ່ວປະເທດ ມາຝາກນໍາ ບໍຣິສັດ ມີ 10 ປາຍ ລ້ານ ໂດລາ, ແຕ່ວ່າ ທ້າວ ຮຸດ ສຸ​ວັນ ທີ່ເປັນເຈົ້າຂອງ ບໍຣິສັດ ຖືກ ເຈົ້າໜ້າທີ່ ຕຳຣວດເມືອງ ຈັນທະບູລີ ກັກຕົວໄວ້ ຍ້ອນວ່າຕົນ ບໍ່ສາມາດ ຈ່າຍເງິນ ຕົ້ນທຶນ ໃຫ້ລູກຄ້າຄືນ.

ນອກຈາກບໍຣິສັດ ເອຊຽນເຟັສ ແລ້ວຜູ້ກ່ຽວຍັງຕັ້ງ ບໍຣິສັດ ນຶ່ງອີກຊື່ວ່າ ເຂັມລາວ ເປັນບໍຣິສັດ ອະສັງຫາລິມະຊັບ ທີ່ກໍາລັງກໍ່ສ້າງຕລາດ ບ້ານດົງ ຢູ່ເມືອງທຸລະຄົມ ແຂວງວຽງຈັນ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

It's called Ponzi scheme. Lao people must be very careful now that Lao government has let mobsters pour in Laos. They will live in Thatluang Swamps condos. These mobsters will do anything alike at any time soon. Please watch out.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2017 01:42 PM

ຄ.ນະຄຳມວ່ນ

ຈາກ ທ່າແຂກ

ຕາຍຍ້ອນຄວາມຢາກຍ້ອນບໍ່ຮູ້ຄວາມພໍພຽງແທ້ໆ, ທຸກມື້ນີ້ຢູ່ ສປປລາວແມ່ນເປັນບ້ານປ່າເມືອງເຖື່ອນທູກຢ່າງໄປແລ້ວ, ຜູູໄດຫລືພວກໄດຍັງອ່ອນກັບສັງຄົມຕົ້ມຕູນດັ່ງກ່າວນີ້ຢູ່ຈະເຈັບ ແສບຕໍ່ໄປອີກໃນວັນຂ້າງຫນ້າ,ສະນັ້ນຈົ່ງຕັ້ງສະຕິເສັຍເທີ້ນວ່າ: ຕົນຕ້ອງເປັນທີ່ເພີ່ງຂອງຕົນນັ້ນລະ ດີແລ້ວ,ຈົ່ງຢ່າປະມາດ, ຖ້າພາດເທື່ອຫນ້າອາຈຈະເຖິງຂັ້ນຮອດຊີວິດອາດເປັນໄດ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 30, 2017 04:16 PM

ເຕັມຫນ້າ