ລູກສິດຂາດເຂີນອຸປກອນ ການຮຽນ

ມະນີຈັນ
2017-03-16
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ໂຮງຮຽນປະຖົມສົມບູນ ຜາໄດ ເມືອງບໍລິຄັນ ແຂວງບໍລິຄຳໄຊ
ໂຮງຮຽນປະຖົມສົມບູນ ຜາໄດ ເມືອງບໍລິຄັນ ແຂວງບໍລິຄຳໄຊ
RFA/PN

ໂຮງຮຽນ ປະຖົມສົມບູນ ຜາໄດ ຢູ່ບ້ານຜາໄດ ເມືອງບໍລິຄັນ ແລະ ແຂວງບໍລິຄໍາໄຊ ນອກຈາກ ຫ້ອງຮຽນ ທີ່ແອອັດແລ້ວ ຍັງຂາດເຂີນ ປື້ມຮຽນ ແລະອຸປກອນ ການກິລາ ຍ້ອນວ່າ ຈໍານວນນັກຮຽນ ມີຫຼາຍຂຶ້ນ.

ນາຍຄຣູໂຮງຮຽນ ປະຖົມສົມບູນ ຜາໄດ ກ່າວຕໍ່ RFA ວ່າ ປັດຈຸບັນ ຈໍານວນ ນັກຮຽນຫ້ອງ ປ.1 ເຖິງ ປ.5 ມີ 376 ຄົນ, ເປັນຊົນເຜົ່າມົ້ງ ທັງໝົດ ແລະມີນາຍຄຣູ 12 ຄົນ ເປັນຄຣູ ໃນພື້ນທີ່ນັ້ນເອງ. ທາງໂຮງຮຽນ ຂາດເຂີນ ປຶ້ມຕໍາລາຮຽນ ປຶ້ມແບບຮຽນຫຼາຍ ເປັນຕົ້ນວ່າ ປື້ມ ວິຊາຄະນິດສາດ, ພາສາລາວ, ສິລປະດົນຕຣີ ໃນທຸກຣະດັບຫ້ອງ. ແຕ່ຂາດຫຼາຍກວ່າໝູ່ ກໍແມ່ນຫ້ອງ ປ.3 ຍ້ອນມີນັກຮຽນ ໃນຫ້ອງເຖິງ 55 ຄົນ.

"ຕໍາລາຮຽນ ແບບຮຽນເນາະ ມີຕັ້ງແຕ່ລະດັບ ປ.1 ຮອດ ປ.5 ນັກຮຽນມັນຫຼາຍ ເພິ່ນກະສນອງ ບໍ່ພຽງພໍເນາະ ກະແບບຮຽນ ຄະນິດສາດ ພາສາລາວ ໂລກອ້ອມໂຕ ສິລປະດົນຕຣີ ສິລປະກັມ".

ທ່ານເວົ້າຕື່ມອີກວ່າ ທາງໂຮງຮຽນ ໄດ້ໄປຂໍການສນັບສນູນ ເຣື່ອງປຶ້ມຮຽນ ຈາກໂຮງຮຽນ ໃກ້ຄຽງມາໃຫ້ ນັກຮຽນ ຮຽນໄປກ່ອນ ເພື່ອໃຫ້ ນັກຮຽນ ຮຽນທັນກັນ. ກ່ອນໜ້ານີ້ ທາງໂຮງຮຽນ ໄດ້ຮັບການ ສນັບສນູນ ປຶ້ມຮຽນ ຈາກທາງຣັຖບານ ແຕ່ເນື່ອງຈາກວ່າ ຈໍານວນນັກຮຽນ ມີເພີ້ມຂຶ້ນ ປຶ້ມຮຽນ ຈຶ່ງບໍ່ພຽງພໍ. ສຳລັບເຣື່ອງອຸປກອນກິລາ ທີ່ຕ້ອງໄດ້ໃຊ້ ໃນການຮຽນ ການສອນ ຂັ້ນພື້ນຖານນັ້ນ ທ່ານ ບອກວ່າ ຍັງ ຂາດເຂີນຫຼາຍ.

ໂຮງຮຽນປະຖົມສົມບູນ ຜາໄດ ມີອາຄານຮຽນ ທັງໝົດ 4 ຫລັງ, ເປັນອາຄານໄມ້. ໃຊ້ເປັນຫ້ອງຮຽນ 3 ຫລັງ, ແຕ່ລະຫລັງ ນັກຮຽນ ໄດ້ ຮຽນກັນ ແບບແອອັດ, ບາງຫ້ອງ ນັກຮຽນ ໄດ້ນັ່ງພື້ນ ຍ້ອນໂຕະຕັ່ງ ບໍ່ພຽງພໍ ໂດຍສະເພາະ ແມ່ນຍາມຝົນ ຕ້ອງໄດ້ຢຸດຮຽນ ຊົ່ວຄາວ ເພາະວ່າຫລັງຄາ ໂຮງຮຽນຮົ່ວ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

​ໝູ່​ຄູ​ສອນ

ຈາກ ​ຜາ​ເມືອງ

ບ້ານ​ຜາ​ໄດ ໄດ້​ກຳ​ເນີດ​ຂີ້ນ​ໃນ ປີ 1982. ໂດ​ຍ​ພີ​ນ້ອງມົ້ງທີ່​ເປັນ​ແກ​່ນ​ນຳ​ຂອງເບື້ອງ​ຕົ້ນ ແນວ​ລາວ​ອິດ​ສະ​ລະ ຊີງ ສະ​ຫາຍ ຊົວ​ຕົງ ຊົງ ເປັນ ຜູ້​ນຳ​ພາ​ທີ່​ຍີງ​ໃຫຍ່​ທີ່ ໄດ້​ຮວມ​ມື​ກັບ​ສະ​ຫາຍ ສຸ​ພາ​ນຸ​ວົງ​ແລະ​ທະ​ຫານ​ອາ​ສາ​ສະ​ມັກ ຫວຽດ​ນາມ ຕັ້ງ​ແຕ່​ເກີດ​ມີ​ພັກ​ແນວລາວ ອິດ​ສະ​ລະ​ມາ​ຈົນ​ກ່​ວາມື້​ໄດ້​ຮັບ​ໄຊ​ຊະ​ນະ​ວັນ​ທີ່ ສອງ​ທັນ​ວາ 1975. ປະ​ຊາ​ຊົນ​ມົ້ງ​ທີ່​ຍົກ​ຍ້າຍ​ຈາກ​ບ້ານ ນ້ຳ​ລ້ານ ຕາ​ແສງ​ພູ​ໝືນ ເມືອງ​ບໍ​ລິ​ຄັນ ໄປ​ເປິດ​ເປັນ​ບ້ານ​ແລະ​ໄດ້​ຕັ້ງ​ຊື​ເປັນ ບ້ານ​ຜາ​ໄດ. ຕັ້ງ​ແຕ່ນັ້ນ​ມາ​ເຖິງ​ປະ​ຈຸ​ບັນ​ປະ​ຊາ​ຊົນ​ໄດ້ ຫລັງ​ໄຫລ​ເຂົ້າ​ມາ ເປັນຈຳ​ນວນ​ຫລວງ​ຫລາຍ ຕັ້ງ​ແຕ່​ບ້ານ ຜາ​ເມືອງ​ໄປ​ຫາ​ບ້ານ​ຜາ​ໄດ ​ມີ​ປະ​ຊາ​ກອນ​ທັງ​ໝົດ 25 ພັນ​ຄົນ ສ່ວນ​ຫລາຍ​ເປັນ​ຊົນ​ເຜົາ ມົ້ງ.

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 16, 2017 02:45 PM

ຄ.ນະຄຳມວ່ນ

ຈາກ ທ່າແຂກ

ພັກ-ຣັຖ ສລາດສ່ອງໃສໄວໄຟຫລາຍໂພດຮູ້ແຕ່ສ້າງການ ກອບ,ໂກຍ,ໂກງ,ກິນ ລືມເບິ່ງແຍງດູແລພວກກະດູກສັນຫລັງຂອງຊາຕ, ຫລືອາຈຈະເປັນເຈຕະນາລົມຂອງ ອົງບັກ ໂຮຈີມີນສອນສັ່ງ ໃຫ້ພະຍາຍາມດັບສູນເຊື້້ອຊາຕ ທຸກຮູບແບບ ບໍ່ໃຫ້ອ້າປາກໄດ້, ໄຂວາຈາເປັນເພາະພວກເຂົາຈະກາຍເປັນຈຳພວກບໍ່ດີໃນອານາຄົດ, ເວົ້າມາເຖິງຕອນນີ້ຈັງແມ່ນເຈັບໃຈກັບຄວາມວ່າ ມີປະຊາທິປະໄຕລວມສູນຢູ່ຈອມຍັງຍອດແທ້ໆ, ອັນມີພັກນຳພາ,ຣັຖຄູ່ມຄອງ,ປະຊາຊົນເປັນເຈົ້າ,ເຝົ້າແຕ່ຂອງເສັຍທູກຢ່າງນີ້ນ້າ,ຂໍໃຫ້ເທວາຟ້າແຖນເບິ່ງແຍງ ພວກດ້ອຍປັນຍາຕາມພາສາຊາວບ້ານໃນໄວໆດ້ວຍເທີ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 16, 2017 01:16 PM

(

To Mr Na Khammouane chak Thakhèk. Sir, I agree whole-heartedly with you for a clear description you made about Lao leaders. Somehow these monsters will go on doing harm to Laos and to Lao people unless this bloody regime comes to end. Regards


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 19, 2017 10:55 PM

ເຕັມຫນ້າ