ເຮັດວຽກນອກປະເທດເສັຽ ພາສີ ໃຫ້ລາວ

ມະນີຈັນ
2016-09-29
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ຊາວລາວ ທີ່ຄ້າຂາຍ ໃນແຂວງ ໄຊຍະບູຣີ
ຊາວລາວ ທີ່ຄ້າຂາຍ ໃນແຂວງ ໄຊຍະບູຣີ
Courtesy of Brendan Brady

ປັດຈຸບັນ ຫຼາຍເມືອງ ຂອງ ແຂວງ ໄຊຍະບູຣີ ຍັງເກັບ ພາສີ ນໍາ ປະຊາຊົນ ທີ່ ໄປເຮັດວຽກ ຢູ່ຕ່າງປະເທດ ທັງຜູ້ທີ່ໄປ ແບບຖືກ ກົດໝາຍ ແລະ ບໍ່ຖືກ ກົດໝາຍ ຊຶ່ງ ເຈົ້າໜ້າທີ່ ຜແນກ ແຮງງານ ແຂວງ ໄຊຍະບູຣີ ກ່າວຕໍ່ RFA ໃນວັນທີ 28 ກັນຍາ 2016 ກ່ຽວກັບ ເຣື່ອງນີ້ວ່າ, ຍັງມີການ ເກັບ ຢູ່ຕລອດມາ ເປັນຕົ້ນວ່າ ເມືອງແກ່ນທ້າວ ເມືອງບໍ່ແຕນ. ໃນການເກັບ ພາສີ ນີ້ ທາງເມືອງ ໄດ້ມອບໝາຍ ໃຫ້ບ້ານ ເປັນຜູ້ເກັບ ເຂົ້າກອງທຶນ ພັທນາ ບ້ານ:

"ຊ່ວງຜ່ານມາ ມັນມີມະຕິ ຂອງ ກະຊວງ ຂອງຫັ້ນເນາະ ອອກມາ ແລ້ວເຂົາເຈົ້າ ຢຸດເກັບແລ້ວ ດຽວນີ້ ຄືວ່າມັນ ຍັງມີ ປາກົດການ ສືບຕໍ່ ເຮັດຢູ່ ຄືກຸ່ມບ້ານ ບາງບ້ານ ກໍຍັງເກັບຢູ່ ເກັບຣາຍຮັບ ສ່ວນຣາຍຮັບ ບຸກຄົນ ນະ".

ທ່ານກ່າວ ຕື່ມວ່າ ຣາຍໄດ້ ຈາກການ ເກັບພາສີ ນີ້ ຈະແບ່ງເປັນ 2 ສ່ວນ ຄື 70 ສ່ວນຮ້ອຍ ຈະແບ່ງໃຫ້ ເປັນ ງົບປະມານ ຂອງເມືອງ ແລະ ອີກ 30 ສ່ວນຮ້ອຍ ແບ່ງໃຫ້ບ້ານ ເພື່ອເອົາເຂົ້າ ກອງທຶນ ພັທນາ ໝູ່ບ້ານ ຂອງ ແຕ່ລະບ້ານ. ການເກັບພາສີ ບຸກຄົນ ໃນລັກສນະ ນີ້ ເຈົ້າໜ້າທີ່ ລາວ ເວົ້າວ່າ ເປັນການຕົກລົງ ຂອງ ຜແນກການເງິນ ເມືອງ ແລະ ອໍານາດ ການປົກຄອງ ບ້ານ ໂດຍໃຫ້ນາຍບ້ານ ແຕ່ລະ ບ້ານ ເປັນ ຜູ້ເກັບກໍາ ຂໍ້ມູນ ກ່ຽວກັບ ຜູ້ທີ່ອອກໄປ ເຮັດວຽກ ຢູ່ ຕ່າງປະເທດ ທັງ ທີ່ຖືກຕ້ອງ ຕາມກົດໝາຍ ແລະ ບໍ່ຖືກກົດໝາຍ. ການ ເກັບພາສີ ໃນແຕ່ລະປີ ແມ່ນ ຄິດໄລ່ເອົາ 5 ສ່ວນຮ້ອຍ ຂອງ ຣາຍໄດ້ ຂອງ ພວກເຂົາເຈົ້າ.

ສໍາລັບ ຜູ້ທີ່ລັກລອບ ໄປເຮັດວຽກ ຫລື ຜູ້ທີ່ບໍ່ໄດ້ ເສັຽພາສີນັ້ນ ຈະຕ້ອງຖືກ ນໍາໄປ ອົບຮົມ ທີ່ສູນດັດສ້າງ ເປັນເວລາ 3 ເດືອນ ແລະ ຈະ ຖືກປັບໃໝ ເປັນ ເງິນປະມານ 1 ລ້ານ 3 ແສນກີບ. ແລະ ທາງບ້ານ ຈະເກັບພາສີ ກັບ ຄອບຄົວ ຂອງ ເຂົາເຈົ້າເລີຍ ເປັນເງິນ ປະມານ 4 ແສນກີບ ຕໍ່ປີ.

ໃນຕົ້ນປີ 2016 ນີ້ ຣັຖມົນຕຣີ ກະຊວງແຮງງານ ໄດ້ມີຄໍາສັ່ງ ບໍ່ໃຫ້ ເກັບພາສີ ນໍາ ປະຊາຊົນ ທີ່ໄປເຮັດວຽກ ຢູ່ ຕ່າງປະເທດ ແຕ່ໃນພາກ ປະຕິບັດ ແລ້ວ ຫຼາຍເມືອງ ຍັງບໍ່ ປະຕິບັດ ຕາມ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ສະມາຄົມພາກເໜືອ

ຈາກ ໄຊຍະບູລີ

ປະຊາຊົນບາງເມືອງ ຂອງແຂວງໄຊຍະບູລີ ໄດ້ຮັບຄວາມລຳບາກ ມີລາຍຮັບນອ້ຍບ໋ພ໋ພຽງ ກັບການໃຊ້ຈາ່ຍ ແຕ່ລະວັນແຕ່ລະເດືອນ ຈຶ່ງໄດ້ອອກໄປຫາຮັບຈາ້ງຢູ່ໄທ ແຕ່ທາງເມືອງກ່ໄດ້ ທວງແບ່ງປັນລາຍໄດ້ ຈາກການຮັບຈາ້ງນຳແຕ່ລະເດືອນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 30, 2016 09:51 AM

ເຕັມຫນ້າ