ຄວາມຄືບໜ້າເຫດປະທະກັນ ເຂດ ມ.ກາສີ

ອຸ່ນແກ້ວ ສຸກສະຫວັນ
2016-05-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ຮ້ອຍຕຣີ ສັນຕິ ຜູ້ທີ່ເສັຽຊີວິດ ໃນເຫດການ ປະທະກັນ ຣະຫວ່າງ ກອງກໍາລັງທະຫານລາວ ແລະ ກຸ່ມປະກອບອາວຸດ ທີ່ບໍ່ຮູ້ຝ່າຍ
ຮ້ອຍຕຣີ ສັນຕິ ຜູ້ທີ່ເສັຽຊີວິດ ໃນເຫດການ ປະທະກັນ ຣະຫວ່າງ ກອງກໍາລັງທະຫານລາວ ແລະ ກຸ່ມປະກອບອາວຸດ ທີ່ບໍ່ຮູ້ຝ່າຍ
Citizen Journalist

ມີຣາຍງານ ຄວາມຄືບໜ້າ ການຍິງ ປະທະກັນ ຣະຫວ່າງ ເຈົ້າໜ້າທີ່ ທະຫານ ຂອງ ທາງການລາວ ກັບ ກຸ່ມກຳລັງ ປະກອບ ອາວຸດ ທີ່ ບໍ່ຮູ້ຝ່າຍ ເຮັດໃຫ້ມີ ເຈົ້າໜ້າທີ່ ທະຫານ ເສັຽຊີວິດ 1 ຄົນ ແລະ ຝ່າຍ ກຸ່ມກຳລັງ ປະກອບອາວຸດ ເສັຽຊີວິດ 8 ຄົນ.

ຈາກ ກໍຣະນີ ທີ່ມີການ ຍິງປະທະກັນ ໃນວັນທີ 6 ພຶສພາ ທີ່ຜ່ານມາ ຢູ່ເສັ້ນທາງ ຕັດໃໝ່ ຈາກ ເມືອງກາສີ ແຂວງ ວຽງຈັນ ໄປຫາ ເມືອງນານ ແຂວງ ຫຼວງພຣະບາງ ເຮັດໃຫ້ມີ ເຈົ້າໜ້າທີ່ ທະຫານ ເສັຽຊີວິດ 1 ຄົນ ຄື ຮ້ອຍຕຣີ ສັນຕິ ເຈົ້າໜ້າທີ່ ທະຫານ ຈາກ ກອງບັນຊາການ ທະຫານ ເມືອງນານ ແຂວງ ຫຼວງພຣະບາງ.

ຫລ້າສຸດ ມີຣາຍງານວ່າ ເຫດການ ປະທະກັນ ຂອງກຳລັງ ປະກອບອາວຸດ ສົງຄາມ ທັງສອງຝ່າຍ ໃນຄັ້ງນີ້ ເຮັດໃຫ້ ກຸ່ມປະກອບ ອາວຸດ ທີ່ ບໍ່ຮູ້ຝ່າຍໃດ ເສັຽຊີວິດ 8 ຄົນ ແລະ ຈຳນວນນຶ່ງ ກໍຖືກ ເຈົ້າໜ້າທີ່ ທະຫານ ຈັບກຸມໄດ້. ອີງຕາມຂໍ້ມູນຈາກ ເຈົ້າໜ້າທີ່ ແພດ ທ່ານນຶ່ງ ຢູ່ໂຮງໝໍ ແຂວງຫຼວງພຣະບາງ, ຊຶ່ງ ເຈົ້າໜ້າທີ່ ແພດ ໄດ້ກ່າວຕໍ່ ເອເຊັຽເສຣີ ວ່າ:

"ສຳລັບ ເຈົ້າໜ້າທີ່ ທະຫານ ຜູ້ ທີ່ຖືກບາດເຈັບ ແມ່ນຖືກສົ່ງ ໄປປິ່ນປົວ ຢູ່ ນະຄອນຫຼວງ ວຽງຈັນ. ສ່ວນວ່າ ສົບຂອງ ຮ້ອຍຕຣີ ສັນຕິ ຜູ້ທີ່ເສັຽ ຊີວິດ ໄດ້ຖືກນຳໄປ ຊາປະນະກິດ ຢູ່ບ້ານເກີດ ຄື ບ້ານຖິ່ນແກ້ວ ເມືອງຊຽງເງິນ ແຂວງ ຫຼວງພຣະບາງ".

ກ່ຽວກັບເຫດການ ທີ່ເກີດຂຶ້ນ ໃນຄັ້ງນີ້ ເຈົ້າໜ້າທີ່ ທາງການລາວ ຍັງບໍ່ມີ ຖະແຫລງການ ແລະ ເປີດເຜີຍ ຂໍ້ມູນ ແຕ່ຢ່າງໃດ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມ່ວນ

ຈາກ ທ່າແຂກ

ຄວາມຈິງບໍ່ຫນີຄວາມຈິງດອກສະຫາຍເອີຍ, ເອົາລະ ກັມໄດຜູ້ໄດກໍ່ ກັມນັ້ນຍ່ອມຕອບສະຫນອງ ແນ່ນອນ. ຂໍເຕືອນສະຕິໄວ້ລ່ວງຫນ້າ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 16, 2016 05:33 PM

ຄົນລາວ

ຈາກ ວຽງຈັນ

ການທີ່ຈະປິດລັບຄວາມຈິງ ບໍເຫມາະສົມ ແລະຈະເຮັດໄດ້ຍາກໃນສຕະວັດທີ່ 21 ນີ້ ຄົນລາວເລິ່ມຕາສວ່າງ ແລະຮັບຮູ້ຄວາມຈິງຫລາຍຂຶ້ນ ພາຍຫລັງທີ່ຖືກປິດຫູບັງຕາ ມາຍາວນານ 40 ກວ່າປີ
ຂໍຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 15, 2016 02:50 PM

Lao Patriot

ຈາກ Vientiane, Laos

There is no any resistant group in the country. The fight that appears in the news is simply one more game that the Vietnamese troop and Lao Deng played to
create more reason to bring Vietnamese troop as much as they want to the region because soon the high speed railway will begin to construct so that Vietnamese really do not want it to happen.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 12, 2016 12:50 PM

LAONOR

NEXT TIME WILL BE ONE GENERAL & GOVERNOR XAYSOMBOUN


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 12, 2016 12:49 PM

ວຽງສະຫວັນ

ຈັກສິປິດລັບໄປເຮັດຫຍັງເດ້ ມີເຫັດການຫຍັງເກີດຂື້ນກໍຕອ້ງແຈ້ງ (ສະເໜີ) ຂ່າວໃຫ້ປປຊຮັບຮູ້ດີກ່ວາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 11, 2016 04:30 PM

ເບິ່ງຄວາມເຫັນທັງໝົດ.

ເຕັມຫນ້າ