ສລອງບຸນປີໃໝ່ 29 ຄົນ ເສັຽຊີວິດ

ຈໍາປາທອງ
2018-01-04
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ນະຄອນຫລວງວຽງຈັນ ນັບຖອຍຫລັງ ຕ້ອນຮັບປີໃໝ່ສາກົນ
ນະຄອນຫລວງວຽງຈັນ ນັບຖອຍຫລັງ ຕ້ອນຮັບປີໃໝ່ສາກົນ
FB friend page

ໃນຣະຍະສົ່ງທ້າຍປີເກົ່າ ຕ້ອນຮັບປີໃຫມ່ ແຕ່ວັນທີ 29 ທັນວາ 2017 ຫາວັນທີ 2 ມົກຣາ 2018 ກົມຕໍາຣວດຈະລາຈອນລາວ ຣາຍງານ ວ່າມີອຸບັດຕິເຫດ ຕາມທ້ອງຖນົນ ທັງຫມົດ 179 ຄັ້ງ ເຮັດໃຫ້ມີຜູ້ເສັຽຊີວີດ 29 ຄົນ ແລະບາດເຈັບອີກ 280 ຄົນ ຊຶ່ງ ສ່ວນໃຫຍ່ເກີດຈາກ ການດື່ມເຫລົ້າເມົາຂັບຣົດ ແລະບໍ່ປະຕິບັດຕາມ ກົດຈະຣາຈອນ; ດັ່ງເຈົ້າໜ້າທີ່ ກະຊວງປ້ອງກັນຄວາມສງົບ ກ່າວໃນມື້ວັນທີ 4 ມົກກະຣາ ນີ້ວ່າ:

"ປີໃໝ່ສາກົນກະເຣຶ່ອງມຶນເມົາ ເຣຶ່ອງເມົາ ບໍ່ປະຕິບັດກົດຣະບຽບຈະລາຈອນຫັ້ນແລ້ວ ສ່ວນຫຼາຍກະແມ່ນພວກວັຍລຸ້ນ ພວກຂີ້ດື້ຫັ້ນແຫຼະ."

ແຂວງທີ່ມີຜູ້ເສັຽຊີວິດ ຈາກອຸບັດຕິເຫດຫຼາຍ ແມ່ນແຂວງອຸດົມໄຊເສັຽຊີວິດ 5 ຄົນ, ໄຊຍະບູລີແລະຈໍາປາສັກ ແຂວງລະ 4 ຄົນ. ສໍາລັບຢູ່ ນະຄອນຫຼວງວຽງຈັນມີ 2 ຄົນ ແລະບາດເຈັບອີກ 18 ຄົນ. ເມືອງທີ່ເກີດອຸບັດຕິເຫດ ຫລາຍກວ່າຫມູ່ ແມ່ນເມືອງ ຈັນທະບູຣີ.

ເຈົ້າຫນ້າທີ່ຕຳຣວດຈາຣະຈອນ ນະຄອນຫຼວງທ່ານນື່ງເວົ້າວ່າ:

"ການເກີດອຸບັດຕິເຫດ ຫຼັກໆກະຄື ບໍ່ເຄົາຣົບຣະບຽບຈະຣາຈອນ ຫັ້ນແຫຼະ. ສອງມາກະເປັນເຣື້ອງ ຖນົນຫົນທາງ ບໍ່ຈັ່ງຊີ້ ບາງເສັ້ນທາງ ກໍ່ເປ່ເພຊີ້ນ່າ ບາງເສັ້ນທາງ ກະແສງ ສະຫວ່າງ ບໍ່ພຽງພໍ. ອັນທີສາມ ກະເວົ້າເຣື້ອງ ພໍ່ແມ່ປະຊາຊົນ ນີ້ແຫຼະກໍ່ຄືເວົ້າ ລວມໆກໍ່ຄືວ່າ ບໍ່ ເຄົາຣົບກົດຣະບຽບ ຈະຣາຈອນ ຫັ້ນມັນ ກໍ່ພາໃຫ້ ເກີດອຸບັດຕິເຫດ."

ເຈົ້າໜ້າທີ່ ກະຊວງປ້ອງກັນຄວາມສງົບ ກ່າວອີກວ່າ ອຸບັດຕິເຫດໃນຣະຍະປີໃໝ່ສາກົນ 2018 ນີ້ ທຽບໃສ່ ຣະຍະດຽວກັນ ຂອງປີກາຍ ເພີ້ມຂຶ້ນເຖິງ 60% ເຮັດໃຫ້ທຸກພາກສ່ວນ ທີ່ກ່ຽວຂ້ອງ ຕ້ອງໄດ້ຮ່ວມກັນວາງແຜນ ສະກັດກັ້ນບໍ່ໃຫ້ອຸບັດຕິເຫດ ເກີດຂຶ້ນຫຼາຍໃນຣະຍະ ບຸນປີໃໝ່ລາວ ພ.ສ. 2561 ທີ່ຈະມາເຖິງນີ້.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ