7 ບ້ານເດືອດຮ້ອນຍ້ອນເຂື່ອນ ນ້ຳອູ 5

ສິດນີ
2017-06-14
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ໝູ່ບ້ານທີ່ຢູ່ລຽບຕາມ ແຄມນໍ້າອູ
ໝູ່ບ້ານທີ່ຢູ່ລຽບຕາມ ແຄມນໍ້າອູ
Screen captured Nam Ou river video

ປະຊາຊົນຈາກ 7 ບ້ານ ເປັນຕົ້ນ ບ້ານນ້ຳຮຸນ ບ້ານຜາເຕົ້າ ບ້ານນ້ຳຈີນ ແລະ ບ້ານອື່ນໆ ທີ່ຖືກໂຍກຍ້າຍ ຈາກໂຄງການ ເຂື່ອນນ້່ຳອູ 5 ມາເຕົ້າໂຮມກັນ ຢູ່ບ້ານຈັດສັນໃຫມ່ ບ້ານແສງດາວເຮືອງ ແລະ ໄດ້ເດີນທາງໄປ ປູກຝັງ ຢູ່ບ້ານເກົ່າ, ໃນປັດຈຸບັນ ໄດ້ຮັບຄວາມເດືອດ ຮ້ອນອີກ ຍ້ອນວ່າ ເນື້ອທີ່ປູກຝັງ ຢູ່ບ້ານເກົ່າ ນັ້ນຖືກນ້ຳຖ້ວມ ບໍ່ສາມາດ ປູກຝັງໄດ້. ຕາມການເປີດເຜີຍ ຂອງຊາວບ້ານທ່ານນຶ່ງ ໃນວັນທີ 14 ມິຖຸນາ ນີ້ວ່າ:

"ດຽວນີ້ກໍມີຜົລກະທົບຫລາຍເນາະ ອັນນາພໍ່ແມ່ ປະຊາຊົນປູກຫມາກແນງ ນ້ຳຖ້ວມຫມົດ ສ່ວນທີ່ ປະຊາຊົນ ໄດ້ຮັບໃຊ້ຢູ່ ບ່ອນສວນຫັ້ນນາ ນ້່ຳຖ້ວມຫມົດ ມີຫມາກແຕງ ມີຫມາກເຂືອ ຫມາກແນ່ງ ຫມາກອີ່ສັງຕ່າງໆ ຫັ້ນນາ ໄດ້ກີນຢູ່ ໄດ້ອາສັຍຢູ່ ແຕ່ວ່າບໍ່ໄດ້ ໃຊ້ຄືເກົ່າແລ້ວ ດຽວນີ້ນ້ຳຖ້ວມ".

ທ່ານກ່າວຕື່ມວ່າ ຫລັງຈາກເຂື່ອນນ້ຳອູ່ 5 ສ້າງສຳເຣັດ ວ່າງປີກາຍ ທາງໂຄງການ ກໍໄດ້ຕັນນ້ຳໄວ້ ເພື່ອໃຊ້ໃນການຜລີດໄຟຟ້າ ເຮັດໃຫ້ ນ້ຳມີຣະດັບສູງກວ່າ ປົກກະຕິ ໄຫລໄປ ຖ້ວມຮົ້ວສວນ ແລະໄຮ່ນາ ຂອງປະຊາຊົນ ໃນເຂດບ້ານເກົ່າ ບ່ອນທີ່ ປະຊາຊົນ ໃຊ້ປູກຝັງ ໃນ ເວລານີ້ເນື່ອງຈາກວ່າ ບ້ານຈັດສັນໃຫມ່ ບໍ່ມີເນື້ອມທີ່ ປູກຝັງ ມີແຕ່ເຮືອນຊື່ໆ:

"ຍ້າຍປະຊາຊົນຈກ 7 ບ້ານມາໂຮມເປັນ ບ້ານດຽວຫັ້ນນະ ປະຊາຊົນບ້ານອື່ນ ທີ່ມາຢູ່ນຳຫັ້ນ ມັນບໍ່ມີດີນ ເຂົາເຄີຍ ທຳມາຫາກີນ ຢູ່ບ້ານນີ້ ແລ້ວກໍມີໂຮມ ບ້ານນັ້ນ ບ້ານນັ້ນ ກໍບໍ່ມີ ບ່ອນຜລິດ ບໍ່ມີດີນຜລີດເລີຍ ຫຍຸ້ງຍາກ ບໍ່ມີບ່ອນ ທຳມາຫາກີນ ຍັງຫຍຸ້ງຍາກ ເຣື້ອງຜົລກະທົບ ນີ້".

ໃນປັດຈຸບັນ ບ້ານຈັດສັນໃຫມ່ ບ້ານແສງດາວເຮືອງ ນອກຈາກຈະຂາດ ທີ່ດີນປູກຝັງແລ້ວ ຍັງຂາດ ໂຮງຮຽນປະຖົມ ມັທຍົມ ສຸຂສາລາ ເພື່ອໃຫ້ພຽງພໍ ກັບຄວາມ ຕ້ອງການຂອງ ປະຊາຊົນ ທີ່ເພີ້ມຂື້ນ ເຖີງແມ່ນວ່າ ເຂື່ອນນ້ຳອູ່ 5 ຈະສ້າງສຳເຣັດ ແລ້ວກໍຕາມ ແຕ່ທາງ ໂຄງການ ບໍ່ໄດ້ຊ່ອຍເຫລືອ ພວກຂະເຈົ້າ ເພີ່ມຕື່ມ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ