ທາງການເຕືອນບໍ່ໃຫ້ ຈູດປ່າ

ມະນີຈັນ
2017-03-20
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ປະຊາຊົນ ຢູ່ແຂວງພາກເໜືອຂອງລາວ ທີ່ຍັງພາກັນ ຖາງປ່າ ຈູດປ່າ ເພື່ອການປູກຝັງ
ປະຊາຊົນ ຢູ່ແຂວງພາກເໜືອຂອງລາວ ທີ່ຍັງພາກັນ ຖາງປ່າ ຈູດປ່າ ເພື່ອການປູກຝັງ
Screen captured/Laos Slash and Burn video

ແຂວງໄຊຍະບູຣີ ເລີ້ມມີໝອກຄວັນ ຍ້ອນການຈູດປ່າ ຢູ່ຕາມບ້ານຕ່າງໆ ເຂດຊາຍແດນ ລາວ-ໄທ ແລະ ຢູ່ຫຼາຍເມືອງ ເຮັດໃຫ້ ຜແນກ ກະສິກັມ ແລະປ່າໄມ້ແຂວງ ອອກປະກາດເຕືອນ ເປັນເທື່ອທີ 3 ບໍ່ໃຫ້ຊາວບ້ານ ຖາງແລະຈູດປ່າ ເພື່ອບໍ່ໃຫ້ ເກີດໄຟ ລາມປ່າ, ໝອກຄວັນ ທີ່ຈະສົ່ງ ຜົລກະທົບ ຫລາຍຢ່າງ ຮວມທັງຕໍ່ ສຸຂພາບ ຂອງ ຜູ້ຄົນນຳດ້ວຍ. ກ່ຽວກັບ ເຣຶ່ອງນີ້ ເຈົ້າໜ້າທີ່ ຜແນກກະສິກັມ ແລະປ່າໄມ້ ແຂວງ ໄຊຍະບູຣີ ເວົ້າຕໍ່ RFA ວ່າ:

"ໄດ້ປະກາດໄປແລ້ວ ພວກເຮົາດຳເນີນໄປ ສອງຮອບ ເປັນຮອບທີສາມນີ້ແລ້ວ ແຕ່ມັນກໍຍັງ ປາສຈາກບໍ່ໄດ້ ມັນຍັງມີຢູ່ ສ່ວນນຶ່ງມັນຈະ ເປັນການຖາງແລະຈູດ ໃນເນື້ອທີ່ ອະນຸມັດ ຢູ່ທາງ ເວົ້າໂດຍລວມທົ່ວໄປ ເກືອບທຸກເມືອງ ແມ່ນເລີ້ມມີ ເນາະ ເລີ້ມມີ ເຣຶ່ອງ ພັຍໄໝ້ປ່າ".

ທ່ານເວົ້າວ່າ ປັດຈຸບັນ ເລີ້ມມີໝອກຄວັນ ຂຶ້ນມາແດ່ແລ້ວ, ແຕ່ກໍຍັງບໍ່ເຖິງຂັ້ນ ອັນຕະລາຍ ຍ້ອນມີການ ຖາງແລະຈູດປ່າ ທັງໃນທີ່ດິນ ສ່ວນຕົວ ແລະທີ່ດິນ ທີ່ໄດ້ຮັບ ອະນຸຍາດ ຈາກທາງການແຂວງ ເພື່ອກຽມດິນ ປູກຝັງ ໃນຣະດູຝົນ ທີ່ຈະມາເຖິງນີ້. ທາງແຂວງ ໄດ້ຈັດຕັ້ງ ຄນະຮັບຜິດຊອບ ເຣຶ່ອງການຄວບຄຸມ ໄຟປ່າ, ປ້ອງກັນ ບໍ່ໃຫ້ຊາວບ້ານ ຈູດປ່າ.

ທ່ານກ່າວຕື່ມອີກວ່າ ທີ່ຜ່ານມາ ບັນຫາໝອກຄວັນ ທີ່ເກີດຂຶ້ນ ຢູ່ແຂວງໄຊຍະບູຣີ ນີ້ສ່ວນນຶ່ງ ແມ່ນເກີດຈາກ ພັຍປ່າ ທັມມະຊາດ ເນື່ອງຈາກ ສະພາບອາກາດ ແຫ້ງແລ້ງ, ແດດຮ້ອນ, ອົບເອົ້າ, ເກີດໄຟໄໝ້ ໄດ້ງ່າຍ. ດັ່ງນັ້ນ ເພື່ອບໍ່ໃຫ້ເຫດການ ທີ່ວ່ານັ້ນ ເກີດຂຶ້ນ ນອກຈາກ ທາງການແຂວງ ຈະໄດ້ເອົາໃຈໃສ່ ປ້ອງກັນແລ້ວ ກໍຕ້ອງໄດ້ ອາສັຍ ປະຊາຊົນ ໃນພື້ນທີ່ ປະກອບສ່ວນ ເຂົ້າໃນວຽກງານ ດັ່ງກ່າວ ນຳດ້ວຍ.

ເຕັມຫນ້າ