ໂຄງການໄຟຟ້າຖ່ານຫີນ ມ.ຊຳເໜືອ

ສິດນີ
2017-04-21
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ແຂວງຫົວພັນ
ແຂວງຫົວພັນ
RFA

ໂຄງການໄຟຟ້າຖ່ານຫີນ ທີ່ເມືອງຊຳເຫນືອ ແຂວງຫົວພັນ ຂອງນັກລົງທຶນຈີນ ຍັງບໍ່ໄດ້ສືກສາ ຜົລກະທົບ ຕໍ່ສີ່ງແວດລ້ອມ ແລະ ຊີວິດ ການເປັນຢູ່ ຂອງ ປະຊາຊົນ ທ້ອງຖິ່ນເທື່ອ, ເທົ່າເຖິງປັດຈຸບັນ ຍັງບໍ່ຮູ້ວ່າປະຊາຊົນ ໃນເຂດສາມບ້ານ ໃກ້ກັບບໍຣິເວນດັ່ງກ່າວ ຜູ້ໄດ້ຮັບ ຜົລກະທົບຈະໄດ້ຮັບ ຄ່າຊົດເຊີຍໜ້ອຍຫຼາຍປານໃດ. ດັ່ງເຈົ້າຫນ້າທີ່ ສີ່ງແວດລ້ອມ ເມືອງຊຳເຫນືອ ທ່ານນຶ່ງກ່າວວ່າ:

"ຍັງ ຍັງບໍ່ທັນໄດ້ສຳຣວດ ແມ່ນແລ້ວ ໃນອະນາຄົດ ສຳຣວດແລ້ວ ກໍອາດຈະໄດ້ຊົດເຊີຍແກ້ໄຂໃຫ້ ປະຊາຊົນເນາະ ຄາດວ່າທ້າຍເດືອນ ນີ້ແຫຼະ ຈະລົງສຳຣວດຕໍ່ໄປ".

ທ່ານກ່າວຕື່ມວ່າ ສາມບ້ານໃຫຍ່ທີ່ຢູ່ໃກ້ບໍຣິເວນ ເສັ້ນທາງໄປສູ່ໂຮງໄຟຟ້ານັ້ນ ຄາດວ່າ ຈະບໍ່ມີການໂຍກຍ້າຍ ປະຊາຊົນ ແຕ່ທີ່ດິນການ ຜລິດຂອງປະຊາຊົນ ອາດຈະຖືກ ກວມເອົາບາງບ່ອນ ທາງໂຄງການກໍຈະໃຫ້ ຄ່າຊົດເຊີຍ ຫລັງຈາກການສຳຣວດ ຣາຍລະອຽດເພີ້ມຕື່ມ.

ປະຊາຊົນ ທີ່ບ້ານຫ້ວຍຄົງ ຊື່ງເປັນບ້ານນຶ່ງ ທີ່ຈະໄດ້ຮັບຜົລກະທົບ ຈາກການສ້າງທາງ ຂອງໂຄງການດັ່ງກ່າວ ເວົ້າວ່າ ໃນປີນີ້ອາດມີ ປະຊາຊົນ 2-3 ຄອບຄົວ ຈະບໍ່ໄດ້ເຮັດນາ ຍ້ອນວ່າດິນນາ ຖືກດິນຖົມ ຈາກການສ້າງຖນົນ ເຂົ້າໄປໂຄງການ:

"ດິນຫັ້ນນະ ເຂົາຈົກເຮັດທະລຸທາງໄປແລ້ວ ດິນມັນຈະລົງໄປຖົມນາຂະເຈົ້າ ເຮັດຜ່ານຍອດຫ້ວຍ ເຂົາເອົານ້ຳໃສ່ນາ ມີສອງສາມຄອບຄົວ ອາດສິບໍ່ໄດ້ເຮັດນາ ໃນປີນີ້".

ປະຊາຊົນຜູ້ນີ້ກ່າວຕື່ມວ່າ ໃນປັດຈຸບັນ ຍັງບໍ່ທັນມີຕົວແທນ ຂອງບໍຣິສັດເຂົ້າມາ ໂອ້ລົມກັບຊາວບ້ານ ກ່ຽວກັບຄ່າຊົດເຊີຍ ແລະປະຊາຊົນ ກໍຍັງບໍ່ຮູ້ວ່າ ຈະໄປຮ້ອງຮຽນ ນຳໃຜ. ໂຄງການໄຟຟ້າຖ່ານຫີນ ທີ່ເມືອງຊຳເຫນືອ ແຂວງຫົວພັນ ເປັນຂອງບໍຣິສັດ ຊີຊີເອຟ ຂອງຈີນ ເຂົ້າມາສຳຣວດ ພື້ນທີ່ແຕ່ປີ 2012 ຄາດວ່າ ໃນປີນີ້ ຄົງຈະມີການ ກໍ່ສ້າງໂຮງງານ ໄຟຟ້າ ຊື່ງໃນປັດຈຸບັນ ມີການສ້າງເສັ້ນທາງ ໄປຫາ ບ່ອນທີ່ ຈະສ້າງແລ້ວ.

ເຕັມຫນ້າ