ຣະວັງໂຣຄຕັບຊນິດ-ເອ

ສິດນີ
2017-06-18
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ກະຊວງສາທາຣະນະສຸຂ ສປປ ລາວ
ກະຊວງສາທາຣະນະສຸຂ ສປປ ລາວ
Public Domain

ຜແນກສາທາຣະນະສຸກ ນະຄອນຫລວງວຽງຈັນ ອອກແຈ້ງເຕືອນ ປະຊາຊົນ ທັງ 9 ເມືອງ ໃຫ້ຣະມັດຣະວັງ ການຣະບາດ ຂອງໂຣຄຕັບ ຊນິດ-ເອ. ຫລັງຈາກພົບເຫັນ ຜູ້ປ່ວຍ ເຂົ້າຮັກສາໂຕ ຍ້ອນໂຣຄນີ້ ກວ່າ 40 ກໍຣະນີ ໃນຣະຍະ ສາມເດືອນ ຜ່ານມາ. ດັ່ງເຈົ້າຫນ້າທີ່ ສາທາຣະນະສຸກ ທ່ານນຶ່ງ ເວົ້າວ່າ:

"ມີຢູ່ສີ່ສີບປາຍຄົນແລ້ວເນາະ ທີ່ວ່າເຮົາອັນນີ້ ດຽວນີ້ເພິ່ນ ກໍມີແຕ່ໃຫ້ລົງໂຄສະນາ ສຸຂສືກສາ ໃຫ້ແກ່ ປະຊາຊົນ ຫັ້ນແຫລະ ແລະພື້ນຖານ ການຕິດຕໍ່ ຂອງພຍາດນີ້ ແລະແມ່ນ ວິທີການ ປ້ອງກັນນັ້ນ".

ທ່ານກ່າວຕື່ມວ່າ ຜູ້ປ່ວຍສ່ວນຫລາຍ ຈະມີອາຍຸຣະຫວ່າງ 20-50 ປີ ທີ່ເຂົ້າມາຮັກສາໂຕ ຕາມສະຖານພຍາບານ ຕ່າງໆ ແລະເມືອງ ທີ່ ພົບເຫັນ ຜູ້ປ່ວຍ ຫລາຍທີ່ສຸດ ແມ່ນເມືອງ ໄຊທານີ ຊື່ງໄດ້ພົບເຫັນ ຜູ້ປ່ວຍໂຣຄນີ້ ມາແຕ່ ເດືອນເມສາ ຜ່ານມາ.

ຕາມການແຈ້ງການ ຜແນກສາທາຣະນະສຸກ ໄດ້ອອກຄຳສັ່ງ ໃຫ້ແຕ່ລະເມືອງ ເອົາໃຈໃສ່ ຕິດຕາມ ກວດກາບັນດາ ໂຮງງານຕ່າງໆ ເປັນຕົ້ນ ໂຮງງານ ຜລີດນ້ຳດື່ມ ໂຮງນ້ຳກ້ອນ ແລະ ໃຫ້ພະນັກງານນ ທຸກຄົນ ເຂົ້າມາກວດພຍາດ ຮ່ວມດ້ວຍ ໃຫ້ແພດ ປະຈຳເມືອງ ລົງໄປ ກວດກາ ຕາມຊຸມຊົນ ໂດຍສະເພາະ ເຣື້ອງນ້ຳດື່ມ ແລະ ຄວາມສະອາດ.

ໃນປີຜ່ານມາ ໃນລາວ ໄດ້ມີການຣະບາດ ຂອງໂຣຄຕັບ ອັກເສບ ຊນີດ-ບີ ຢູ່ແຂວງຊຽງຂວາງ ກວ່າ 60 ກໍຣະນີ ແລະ ແຂວງອື່ນໆ ກໍມີເຫມືອນກັນ ແຕ່ບໍ່ມີ ຣາຍງານ ຈຳນວນ ຕົວເລກ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ