ຢາບ້າພາຕົກງານ

ມະນີຈັນ
2017-06-29
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ສວນປູກກ້ວຍ ຂອງນັກລົງທຶນຈີນ ຢູ່ແຂວງພາກເໜືອ ຂອງລາວ
ສວນປູກກ້ວຍ ຂອງນັກລົງທຶນຈີນ ຢູ່ແຂວງພາກເໜືອ ຂອງລາວ
RFA/AS

ບໍຣິສັດຈີນ ທີ່ລົງທຶນປູກກ້ວຍ ຢູ່ເມືອງຜາອຸດົມ ແຂວງບໍ່ແກ້ວ ໄລ່ຄົນງານລາວ ອອກຈາກວຽກ ໃນສວນກ້ວຍ ຫຼາຍຂຶ້ນນໍາເລື້ອຍໆ ຍ້ອນ ພວກຄົນງານ ຕິດຢາບ້າ ເຮັດວຽກບໍ່ໄດ້. ມາເຖິງປັດຈຸບັນ ຄົນງານລາວ ທີ່ຖືກໄລ່ອອກການ ເພີ່ມເປັນ 20 ປາຍຄົນແລ້ວ. ດັ່ງເຈົ້າໜ້າທີ່ ເມືອງຜາອຸດົມ ກ່າວເມື່ອວັນທີ 28 ມິຖຸນາ ນີ້ວ່າ:

"ສົ່ງກັບນີ້ກະຫຼາຍເຕີບ ໂອ໊ ຮອດ 20 ປາຍ ກັບໄປເມືອງລອງ ແຂວງຫລວງນໍ້າທາ ແຂວງຫລວງພຣະບາງ ແຂວງຜົ້ງສາລີ ແລ້ວກໍເຂດ ວຽງຈັນຫັ້ນ ບໍ່ກັບບໍ່ໄດ້ ເພາະວ່າຢູ່ພີ້ ຂະເຈົ້າບໍ່ເອົາ ບໍ່ມີບ່ອນທີ່ຢູ່ເນາະ".

ນາງເວົ້າວ່າ ກ່ອນທີ່ເຈົ້າຂອງບໍຣິສັດ ຈະໄລ່ຄົນງານອອກ ທາງເຈົ້າໜ້າທີ່ ກໍໄດ້ໄປໂອ້ລົມ ໃຫ້ຂະເຈົ້າຈ່າຍເງິນເດືອນ ໃຫ້ແກ່ຄົນງານຄົບ ຖ້ວນ. ຫລັງຈາກຄົນງານ ຖືກໄລ່ອອກແລ້ວ ກໍບໍ່ໄດ້ມີ ການຕິດຕາມ ບໍ່ຮູ້ວ່າໄດ້ເດີນທາງ ກັບຄືນແຂວງ ຂອງພວກເຂົາ ຫຼືໄປເຮັດວຽກ ຢູ່ບ່ອນອື່ນຕໍ່.

ນາງກ່າວອີກວ່າ ຄົນງານສວນກ້ວຍ ຂອງຈີນ ມີແນວໂນ້ມ ທີ່ຈະຖືກໄລ່ອອກອີກຫຼາຍຄົນ ຍ້ອນດຽວນີ້ ຄົນງານທີ່ເຮັດວຽກ ໃນສວນກ້ວຍ ຕິດຢາບ້າເຖິງ 80 ສ່ວນຮ້ອຍ. ຄົນງານທີ່ຕິດຢາບ້າ ຫຼາຍຄົນ ບໍ່ໄດ້ຮັບການບໍາບັດປິ່ນປົວ. ທາງການ ກໍຍັງບໍ່ມີແຜນ ຈະນໍາພວກເຂົາມາ ບໍາບັດ ແລະ ປິ່ນປົວເທື່ອ.

ເຈົ້າຂອງສວນກ້ວຍ ຂອງຈີນ ໃນເມືອງຜາອຸດົມ ໄລ່ຄົນງານອອກ ເທື່ອທໍາອິດ ນັບຕັ້ງແຕ່ ເດືອນພຶສພາ 2017 ເປັນຕົ້ນມາ ເພາະຢ້ານວ່າ ຄົນງານ ທີ່ຕິດຢາບ້ານັ້ນ ຈະເຮັດວຽກ ບໍ່ຄຸ້ມຄ່າຈ້າງ ແລະ ອາດກໍ່ເຫດລັກຊັບ ນາຍຈ້າງ ດັ່ງທີ່ເຄີຍ ເກີດຂຶ້ນມາແລ້ວ ເມື່ອປີກາຍ ໃນສວນ ກ້ວຍແຫ່ງນຶ່ງ ເຮັດໃຫ້ ບໍຣິສັດຈີນ ເຂັ້ມງວດ ກັບຄົນງານລາວ ຫລາຍຂຶ້ນ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

25% of Lao population are addicted to Ya Bar thanks to Lao government. There will be more to come in the near future as Lao leaders can get rich very easily. Long live the lao Party-State !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້

Jun 30, 2017 11:28 AM

ຄ.ນະຄຳມວ່ນ

ຈາກ ທ່າແຂກ

ບໍ່ວາ່ແຕ່ຄົນງານລາວຢູ່ສວນກ້ວຍຖືກໄລ່ອອກ ຍ້ອນຕິດຢາບ້າພາໃຫ້ຕົກງານຊື່ໆດອກ, ຄວາມສລາດສ່ອງໃສຂອງການ ຊີ້ນຳໆພາຂອງພັກ ສປປລາວນັ້ນມັນກໍມີຂອບເຂດຈຳກັດ ຄືກັນບໍ່ແມ່ນຈະສລາດກວ່າສັງຄົມ ຂອງໂລກໄດ້ໂດຍເດັດຂາດ, ບັນຫາດັ່ງກ່າວນີ້ມັນກໍ່ມາຈາກການຊີ້ນຳ ແລະການບໍລິຫານ ຂອງພັກ-ລັດ ສປປລາວທັງຫມົດນັ້ນແລ້ວ, ຈຶ່ງພາໃຫ້ຄົນ ງານລາວເກີດມີບັນຫາ, ແຕ່ລະປະເທດພວກເຂົາວາງແຜນ ຈະໃຫຍ່ຫລືນ້ອຍແມ່ນຜົລປະໂຍດເຂົາມາກ່ອນ, ສິ່ງໄດທີ່ພວກເຂົາບໍ່ໄດ້ຮັບປະໂຍດເທໄ່າທ່ີຄວນແລ້ວ, ພວກເຂົາກໍ່ຖີ້ມເຈົ້າຂອງບ້ານຫມົດທຸກຢ່າງ,ຂໍໃຫ້ເຂົ້າໃຈໄວ້ ແຕ່ຫົວແລງຊະ ທ່ານຜູ້ນຳພາແລະບໍລິຫານທັງຫລາຍເອີຍ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 30, 2017 11:22 AM

ເຕັມຫນ້າ