ສີສຸກ ດາວເຮືອງ ຖືກຈັບ

ສົມເນ
2017-04-02
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ້າວ ສີສຸຂ ດາວເຮືອງ ຜູ້ຕ້ອງສົງໃສ ຄ້າຢາເສບຕິດ ຖືກເຈົ້າໜ້າທີ່ຕໍາຣວດລາວ ຈັບໄດ້ທີ່ ຂ.ຫຼວງພຣະບາງ ເມື່ອວັນທີ 31 ມິນາ 2017
ທ້າວ ສີສຸຂ ດາວເຮືອງ ຜູ້ຕ້ອງສົງໃສ ຄ້າຢາເສບຕິດ ຖືກເຈົ້າໜ້າທີ່ຕໍາຣວດລາວ ຈັບໄດ້ທີ່ ຂ.ຫຼວງພຣະບາງ ເມື່ອວັນທີ 31 ມິນາ 2017
Citizen Journalist

ເຈົ້າໜ້າທີ່ ກະຊວງຮັກສາຄວາມສງົບພາຍໃນ ທີ່ຂໍສງວນຊື່ ບອກໃຫ້ຊາບວ່າ ຕໍາຣວດປ້ອງກັນຄວາມສງົບ ໄດ້ຈັບ ທ້າວສີສຸຂ ດາວເຮືອງ ຜູ້ຕ້ອງສົງໃສ ຄ້າຢາເສບຕິດ ລາຍໃຫຍ່ ທີ່ກ່ຽວຂ້ອງກັບເຄືອຂ່າຍ ຄ້າຢາເສບຕິດຂອງ ທ້າວ ໄຊຊະນະ ແກ້ວພິມພາ ໄດ້ແລ້ວ ເມື່ອວັນທີ່ 31 ມິນາ ທີ່ ຫລວງພຣະບາງ.

ປັດຈຸບັນ ເຈົ້າໜ້າທີ່ຕໍາຣວດ ໄດ້ນໍາຕົວ ທ້າວ ສີສຸຂ ດາວເຮືອງ ມານະຄອນຫຼວງວຽງຈັນ ເພື່ອສອບຖາມ, ແຕ່ທ່ານຍັງ ບໍ່ສາມາດໃຫ້ ຣາຍລະອຽດ ໄດ້ຕື່ມ ດັ່ງເຈົ້າໜ້າທີ່ ໄດ້ກ່າວ:

"ຈັບໄດ້ຢູ່ຫຼວງພຣະບາງ ມື້ຊືນຫັ້ນ ກ່າຢາກໃຫ້ເຂົາສືບກ່ອນ ເຂົາຍັງສອບຢູ່".

ໃນວັນດຽວກັນ ພົນຕໍາຣວດຕຣີ ພອນໄຊ ຈະເຣີນວົງ ຮອງຜູ້ບັນຊາການ ຕໍາຣວດປາບປາມ ຢາເສບຕິດຂອງໄທ ໃຫ້ສັມພາດ ຕໍ່ເອເຊັຽ ເສຣີວ່າ ໃນເບື້ອງຕົ້ນ ຝ່າຍໄທ ກໍໄດ້ຮັບແຈ້ງຂ່າວ ການຈັບນີ້ ຈາກ ເຈົ້າໜ້າທີ່ຕໍາຣວດລາວ ແລ້ວ ແລະຈະມີການປະຊຸມ ຫາລືກັນໃນ ວັນທີ 3 ເມສາ ນີ້ເພື່ອຕຽມເດີນທາງ ໄປສອບສວນ ທ້າວ ສີສຸຂ ຮ່ວມກັບເຈົ້າໜ້າທີ່ລາວ ທີ່ນະຄອນຫຼວງວຽງຈັນ ໃນອາທິດໜ້າ ເພາະ ທ້າວສີສຸຂ ມີຄວາມເຊື່ອມໂຍງກັບ ທ້າວ ໄຊຊະນະ ແກ້ວພິມພາ ຜູ້ຕ້ອງຫາ ຄ້າຢາເສບຕິດ ທີ່ຝ່າຍໄທ ຈັບໄດ້:

"ວັນຈັນເຮົາກໍຈະປະຊຸມ ເພື່ອກໍານົດແນວທາງ ເດີນທາງໄປສອບປາກຄໍາ ຜູ້ກ່ຽວ ທີ່ນະຄອນຫລວງວຽງຈັນ ເບິ່ງຣາຍລະອຽດກ່ອນວ່າ ຫລາຍ ຫນ້ອຍຊໍ່າໃດ ຂ້ອຍຍັງບໍ່ຮູ້ ຣາຍລະອຽດ".

ທ້າວ ສີສຸຂ ດາວເຮືອງ  ເປັນທີ່ຕ້ອງການຕົວ ຂອງເຈົ້າໜ້າທີ່ ລາວແລະໄທ ນັບແຕ່ມື້ທີ່ ທ້າວໄຊຊະນະ ຖືກຈັບຢູ່ປະເທດໄທ ເມື່ອວັນທີ່ 19 ມົກກະຣາ ເປັນຕົ້ນມາ ຊຶ່ງ ລາວເປັນນັກ ທຸຣະກິດໜຸ່ມ ມີຮ້ານຂາຍຣົດມືສອງ ຮ່ວມທັງຣົດ ຣາຄາແພງ ແລະ ເປັນທີ່ຮູ້ຈັກກັນດີ ຢ່າງ ກວ້າງຂວາງ ໃນສັງຄົມລະດັບສູງ ຂອງລາວ.

ເມື່ອເດືອນກຸມພາ ຜ່ານມາ ທາງການລາວໄດ້ ອອກຖແລງ ຢູ່ກອງປະຊຸມ ນັກຂ່າວວ່າ ການປະຕິບັດງານ ປາບປາມຢາເສບຕິດ ຈາກ ວັນທີ 16 ກັນຍາ 2016 ເຖິງ ວັນທີ 24 ມົກກະຣາ ປີ 2017 ເຈົ້າໜ້າທີ່ສາມາດ ຈັບນັກຄ້າ ຢາເສບຕິດໄດ້ 5 ກຸ່ມ ຮ່ວມທັງກຸ່ມໃຫຍ່ ຂອງທ້າວ ຄອນປະສົງ ຮວມທັງໝົດ 33 ຄົນ.

ຄໍາເຫັນ (8)
  • ພິມ
  • ໃຊ້ຮ່ວມກັນ
  • ອີແມວລ໌

(

It seems that Mr Sisouk Daoheuang is now living quietly in a ***** prison. Once the storm's over he will come back and will take care of his business like before. :)




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 09, 2017 12:50 PM

ມັງກອນຂາວ

ຈາກ ຫນອງສະພັງ

ຕັດຮາກຖອນໂຄ້ນການທໍລະຍົດຂົດໂກງ ທຸກຮູບແບບຂອງ ແກວ ຄຳໄຕ ສີພັນດອນ ໄດ້ ໃນຄັ້ງນີ້ປະຊາຊົນລາວຕາດຳໆແສນ ມີຄວາມສຸຂອັນເຫລືອຫລາຍຄາຍທຸກຂ໌ ລົງໄປເປັນທະວີຄູນ, ຄວາມແຮງຕ່າງໆໃນມະນູຕສ໌ໂລກນີ້ ຈະປຽບປານແຮງຂອງກັມ ຈາກເທວະໂລກສ້າງຂຶ້ນແມ່ນບໍ່ມີທຽມທານເລີຍ, ສະນັ້ນມັນເຫັນປະຈັກຕາແທ້ໆກັມໄດຜູ້ໄດສ້າງຈະຕ້ອງໄດ້ຮັບ ຜົລກັມນັ້ນຢ່າງແນ່ນອນບໍ່ຊ້າກໍ່ໄວ, ດັ່ງ ທ້າວ ສີສຸກ ດາວເຮືອງ ແລະ ທ້າວໄຊຊະນະແກ້ວ ພິມພາ ນີ້ລະ ພີ່ນ້ອງເອີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 04, 2017 01:58 PM

(

Dear Lao people near and far alike, let's take note of Mr Sisouk Daoheuang's arrest by Lao police. We have to wait and see what will come next. The struggle between different factions inside the politburo has begun. Who will eventually be the number 1 blood-sucker of Lao people ? That is the question.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2017 01:40 PM

(

Lao government I dare you send Mr Sisouk Daoheuang to join his business partner, Mr Xayxana Keophimpha, in Bangkok jail if you are man enough.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2017 01:40 PM

MisaoFan

ກ່ຽວກັບຄໍາຖາມທີ່ກ່ຽວຂ້ອງ, ຈະຂອງລັດຖະບານທີ່ເຄີຍປ່ອຍສົມບັດສົມພອນ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2017 01:40 PM

ເບິ່ງຄວາມເຫັນທັງໝົດ.

ເຕັມຫນ້າ