ລາວ-ໄທ ຈະຫາລືຄະດີ ທ.ໄຊຊະນະ

ສິດນີ
2017-02-05
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ເລຂາທິການ ສໍານັກງານ ປປສ ທ່ານ ສິຣິນຍາ ສິດທິໄຊ ຕອນທີ່ກ່າວຕອບຄໍາຖາມ ຂອງ ນັກຂ່າວ ວິທຍຸເອເຊັຽເສຣີ
ເລຂາທິການ ສໍານັກງານ ປປສ ທ່ານ ສິຣິນຍາ ສິດທິໄຊ ຕອນທີ່ກ່າວຕອບຄໍາຖາມ ຂອງ ນັກຂ່າວ ວິທຍຸເອເຊັຽເສຣີ
RFA/PN

ລາວແລະໄທ ຈະຮ່ວມປະຊຸມ ແລະ ເປີດຖແລງຂ່າວ ຮ່ວມກັນ ທີ່ແຂວງເລີຍ ຂອງໄທ ໃນວັນທີ 8ແລະ9 ກຸມພາ 2017 ກ່ຽວກັບ ຄວາມ ຄືບໜ້າ ຂອງ ຄະດີ ທ້າວ ໄຊຊະນະ ແກ້ວພິມພາ ຊາວລາວ ທີ່ເປັນນັກຄ້າ ຢາເສບຕິດ ຣາຍໃຫຍ່ ຣະດັບ ອາຊຽນ ທີ່ຖືກຈັບ ຢູ່ສນາມບິນ ນາໆຊາດ ສຸວັນນະພູມ ບາງກອກ ເມື່ອວັນທີ 19 ມົກຣາ ແລະ ກຸ່ມເຄືອຂ່າຍ ຂອງເຂົາອີກ 5 ຄົນ ແລະ ແມ່ຍິງລາວ ຜູ້ນຶ່ງ ທີ່ຍັງລອຍ- ນວນ ຢູ່. ຮ່ວມດ້ວຍ ແຜນການ ປິດລ້ອມເຂດ ສາມຫລ່ຽມຄຳ.

ໃນການຖແລງຂ່າວ ທີ່ສໍານັກງານ ປປສ ບາງກອກ ປະເທດໄທ ວັນທີ 2 ກຸມພາ ນີ້ ເລຂາທິການ ສໍານັກງານ ປປສ ທ່ານ ສິຣິນຍາ ສິດທິໄຊ ກ່າວຕອບ ຄໍາຖາມ ຂອງ ນັກຂ່າວ ວິທຍຸ ເອເຊັຽ ເສຣີ ກ່ຽວກັບ 5 ຄົນນັ້ນວ່າ:

"ຍັງຈັບບໍ່ໄດ້ 5 ຄົນ ທີ່ຫລົບໜີ ໝາຍຈັບ ແຕ່ເຮົາກໍາລັງ ເລັ່ງລັດ ທາງການລາວ ໃຫ້ຊ່ວຍເບິ່ງ ແລະ ກໍວັນທີ 9 ນີ້ເຮົາຈະພົບກັບ ທາງ ປປສລາວ ທີ່ແຂວງເລີຍ ວັນທີ 8 ທີ 9 ນີ້ ເຣົາຈະມີ ຖແລງຂ່າວ ຄືຈະມີລາວ ຮ່ວມຢູ່ດ້ວຍ ແລະ ເຮົາຈະມີ ປະຊຸມກັບ ລາວກ່ຽວກັບ ການວາງແຜນ ປິດລ້ອມ 3 ຫລ່ຽມຄໍາ ແລະ ຖແລງຂ່າວ ແຜນທີ່ທໍາ".

ພວກ 5 ຄົນ ທີ່ຍັງລອຍນວນ ຢູ່ນັ້ນ ເປັນສ່ວນນຶ່ງ ຂອງຈໍານວນ 9 ຄົນ ຜູ້ຕ້ອງສົງໃສ ຄ້າຢາເສບຕິດ ໃນເຄືອຂ່າຍ ໄຊຊະນະ ທີ່ທາງ ການໄທ ໄດ້ອອກໝາຍຈັບ ແລະຄາດວ່າ ໄດ້ຫລົບໜີເຂົ້າໄປ ປະເທດລາວ. ໃນຈຳນວນ 9 ຄົນນັ້ນ ຈັບໄດ້ແລ້ວ 4 ຄົນ ຮວມທັງ ທ້າວ ໄຊຊະນະ ແລະຄົນລາວ ທີ່ເປັນແມ່ຍິງ ອີກຜູ້ນຶ່ງ.

ສໍາລັບນັກຄ້າຢາເສບຕິດ ຣາຍໃຫຍ່ ທ້າວ ໄຊຊະນະ ນີ້ ເມື່ອໝົດກໍານົດຝາກຂັງ 12 ມື້ ເພື່ອສອບປາກຄໍາ ເພີ່ມຕື່ມແລ້ວ ທາງພະນັກ- ງານສອບສວນ ປປສ ກໍຈະຕ້ອງ ສົ່ງຕົວ ຜູ້ກ່ຽວ ແລະ ສໍານວນຟ້ອງ ໄປໃຫ້ ອັຍການ ແລະ ຍັງຈະຖືກ ຄຸມຕົວຢູ່ ຕາມ ກົດໝາຍໄທ  ເພາະເຂົາເປັນ ຜູ້ຕ້ອງຫາ:

"ຍັງຈະຖືກຄຸມຕົວ ຕາມກົດໝາຍ ຜູ້ຕ້ອງຫາ".

ເມື່ອຖາມເຖິງ ສົນທິສັນຍາ ວ່າດ້ວຍການສົ່ງ ຜູ້ຮ້າຍຂ້າມແດນ ຣະຫວ່າງ ຣາຊອານາຈັກໄທ ແລະ ສປປ ລາວ ທີ່ໄດ້ລົງນາມ ຢູ່ ບາງກອກ ປະເທດໄທ ເມື່ອວັນທີ 5 ມິນາ 1999 ນັ້ນ ທ່ານບອກວ່າ ຈະຕ້ອງໄດ້ ອີງໃສ່ຢູ່ແລ້ວ ໃນຄະດີ ນັກຄ້າຢາເສບຕິດ ໄຊຊະນະ ນີ້ ແຕ່ກໍ ຂຶ້ນ ຢູ່ກັບການ ເຈຣະຈາ ຣະຫວ່າງ 2 ປະເທດ ລາວ-ໄທ.

ຄໍາເຫັນ (3)
  • ພິມ
  • ໃຊ້ຮ່ວມກັນ
  • ອີແມວລ໌

noi

ຈາກ viengchan

Lao would like to ask Thai AUTHORITY to send Mr xaixana keophimpha to Laos for investigation in Laos. Unfortunately, Thai would said No no no . because Thai have sent Mr. Moua Toua Ther the HMong CIA who fought along side with THE u.s. who hiding in the jungle for more then 35 years from Bangkok to Laos with any justice judgment . So now Thai would not send Mr Xaixana the Drug dealer in Asia back to Laos because the Red party members have been hiding in Vientiane and get support by the Lao governments, Mr Thaksin Has asked Lao to support his followship in Laos if possible.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 13, 2017 03:52 PM

ລູກ​ຫລານ​ການ​ປະ​ຕິ​ວັດ

ຈາກ ຊຽງ​ຄໍ້ ແຂວງ ຫົວ​ພັນ

ສາຍ​ການ​ຄ້າ ລາຍ​ໃຫ່​ຍ ຢາ​ເສບ​ຕີດ ທຸກ​ພາກ​ສ່ວນ​ໃນ​ລາວ ຢູ່​ຊາຍ​ແດນ ລາວ ຫວຽດ ເຈົ້າ​ໜ້າ​ມີ ຫວຽດ ຈັບ​ໄດ້ ຫລາຍ​ຄົນ ຕາມ ຊາຍ​ແດນ ລາວຫວຽດ ແຕ່ຝ່າຍ ລາວ​ບໍ່​ມີ​ຫຍັງ ກືບ​ໜ້າ ເຈົ້າ ໜ້າ​​ທີ່ ລາວອາ​ໄສ ຄ່າ​ສີ​ບູນ​ແບ່ງ​ກັນ​ກິນ​ໄປ​.ຢູ່ແຂວງ​ບໍແກ້ວ ປກ​ສ ສ​ປ​ປ​ລາວ​ໃຫ້ ຄວາມ ສະ​ດວກ​ໃຫ້ ກູ​ມນັກ​ການ​ຄ້າ​ຢາ​ເສບ​ຕິດ​ໄປ​ມາ ສະ​ຫວ່າງ ລາວ ໄປ ສາມ ຫລ່ຽມ ທອງ​ຄຳ ແລະ​ລາວ ໄປ​ຊຽງ​ຂອງ ປະ​ເທດໄທ. ຕໍ່​ໄປ ສ​ປ​ປ​ລາວ ຈະ​ໄກ​ເປັນ​ປະ​ເທດ​ທີ່ ຄ້າ​ຢາ ເສບ​ຕິດ ແລະ​ຜະ​ລິດ​ຢາ​ເສບ​ຕິດ​ລາຍ​ໃຫ່​ຍ​ໃນ ພາກ​ພືນ ເອ​ເຊຽ.ການ ປູກ​ຝີ່ນ​ຍັງມີການ ຜະ​ລິດ​ຢາ​ບ້າ​ກໍ່​ເພີມ​ຂື້ນ ສ​ປ​ປ ລາວ ບໍ​ປະ​ຕິ​ບັດ​ຕາມ ກົດ​ລະ​ບຽບ​ຂອງ ສາ​ກົນ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 07, 2017 01:24 PM

ສົມ​ສະ​ນິດ

ຈາກ ​ບໍ​ແກ້ວ

ປະ​ເທດ​ໄທ​ເປັນ ປະ​ເທດ ທີ່ ຈະ​ເລິນ​ມີ​ອິ​ດ​ສະ​ລະ​ພາບ ແລະ​ມີ​ການກວດ​ກາ​ຄວາມ​ສະ​ຫງົບ​ລະ​ຫວ່າງ ຈັງ​ຫວັດ ຕໍ່​ຈັງ​ຫວັດ ແຕ່​ທາງ​ການ ສ​ປ​ປ​ລາວ​ອາ​ໄສ​ອຳ​ນາດ​ເປັນ​ຫລັກ​ໃຫ້​ກູມ​ຄ້າ​ຢາ​ເສບ​ຕິດ ລະ​ຫວ່າງ​ຊາດ ສົງ​ຢາ​ບ້າຜ່ານດ່ານ​ສາ​ກົນ ທາງ​ດີນ​ແລະ​ອ​າ​ກາດ​ໄປ​ປະ​ເທດ​ໄທ​ເພືອ​ສົງ​ຜານ​ໄປ​ຂາຍ​ໃຫ້​ບັນ​ດາ​ປະ​ເທດ​ເພືອນ​ບ້ານ​ໃນ​ເອ​ເຊຽ. ດັງ​ທີ່​ພວກ​ເຮົາ​ເຫັນ ກັບ​ຕາ​ໃນ​ຈຳ​ນວນ 720,000 ເມັດ​ກ້ອນ​ຢາ​ບ້າ​ທີ່ ທ ໄຊ​ຊະ​ນະ​ແກ້ວ​ພີມ​ພາ ສາ​ມາດ​ນຳ​ສົງ​ຈາກ ສ​ປ​ປ​ລາວ​ຢ່າງ ສະ​ດວກໄປຜ່ານສະ​ໜາມ​ບິນ
ນາໆຊາດ ຂອງໄທ. ສ​ປ​ປ​ລາວ ຍັງ​ເປັນ​ປະ​ເທດ​ທີ່​ຫາ​ຢູ່​ຫາ​ກີນ ​ແບບ​ຊື້​ຈ້​າງ​ຈອບອວຍ ສໍ້​ລາດ​ບັງ​ຫລວງ ຄ່າ​ສີ​ບູນ ຕາມ​ອຳ​ນາດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 06, 2017 06:23 PM

ເຕັມຫນ້າ