ກິຈການຜູ້ຕ້ອງຫາ ຄ້າຢາ ປິດແລ້ວ

ຈໍາປາທອງ
2017-03-09
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ້າວ ສີສຸກ ດາວເຮືອງ ຜູ້ຕ້ອງຫາ ຄ້າຢາເສບຕິດ ຣາຍໃຫຍ່ ທີ່ເຊື່ອກັນວ່າ ເປັນເຄືອຂ່າຍຂອງ ທ້າວ ໄຊຊະນະ ແກ້ວພິມພາ
ທ້າວ ສີສຸກ ດາວເຮືອງ ຜູ້ຕ້ອງຫາ ຄ້າຢາເສບຕິດ ຣາຍໃຫຍ່ ທີ່ເຊື່ອກັນວ່າ ເປັນເຄືອຂ່າຍຂອງ ທ້າວ ໄຊຊະນະ ແກ້ວພິມພາ
Citizen Journalist

ກິຈການ ບໍຣິການ ຂີ່ມ້າ ແລະ ຮ້ານຂາຍຣົດ ຫລູຫລາ ຂອງທ້າວ ສີສຸກ ດາວເຮືອງ ຜູ້ຕ້ອງຫາ ຄ້າຢາເສບຕິດ ຣາຍໃຫຍ່ ທີ່ເຊື່ອກັນວ່າ ເປັນເຄືອຂ່າຍ ຂອງທ້າວ ໄຊຊະນະ ແກ້ວພິມພາ ປິດລົງແລ້ວ ຫລັງຈາກ ທ້າວ ໄຊຊະນະ ຖືກຈັບ ຢູ່ບາງກອກ ປະເທດໄທ ໃນວັນທີ 19 ມົກ​ກະ​ຣາ ຜ່ານມາ.

ຮ້ານຂາຍຣົດ ລາຄາແພງ ຫຼູຫລາ ຂອງຜູ້ກ່ຽວ ຕັ້ງຢູ່ 4 ແຍກໄຟແດງ ບ້ານທາດຂາວ ເມືອງສີສັດຕະນາກ ແລະ ກິຈການ ບໍຣິການຂີ່ມ້າ ຕັ້ງຢູ່ບ້ານ ໂພນສີນວນ ເມືອງໄຊເຊດຖາ ນະຄອນຫຼວງ ວຽງຈັນ. ນອກຈາກນີ້ ກໍຍັງມີຂ່າວວ່າ ທ້າວສີສຸກ ຖືຮຸ້ນຢູ່ໃນ ບໍຣິສັດ ຕົວແທນ ຈຳໜ່າຍ ຫວຍພັທນາ ຂອງລາວ ໂດຍທີ່ຜູ້ກ່ຽວ ເອົາຊື່ຄົນອື່ນ ໃສ່ແທນ.

ບໍຣິສັດຕົວແທນຈຳໜ່າຍ ຊື່ວ່າ ບໍຣິສັດ ອິນຊີ ເທຣດດິ້ງ ຈຳກັດຜູ້ດຽວ ຕັ້ງຢູ່ຖະນົນ 23 ສິງຫາ ບ້ານໜອງບອນ ເມືອງໄຊເຊດຖາ ແມ່ນ ວິສາຫະກິຈ ສ່ວນບຸກຄົນ ຊຶ່ງແມ່ນ ບໍຣິສັດ ຣັດວິສາຫະກິດ ຫວຍພັທນາ ເປັນຜູ້ຊີ້ນຳ ໃນການຈັດຕັ້ງ ປະຕິບັດ ຊຶ່ງ ບໍຣິສັດດັ່ງກ່າວ ຈະ ເປີດໃຫ້ ບໍຣິການ ຂາຍເລກ 2 ໂຕ, 3 ໂຕ ແລະ 5 ໂຕ ພ້ອມທັງເປີດໂຕະ ພະນັນບານ ນຳດ້ວຍ.

ເຈົ້າໜ້າທີ່ລາວ ຜູ້ບໍ່ປະສົງອອກຊື່ ໄດ້ກ່າວຕໍ່ ວິທຍຸ ເອເຊັຽເສຣີ ວ່າ ບໍຣິສັດ ຣັດວິສາຫະກິດ ຫວຍພັທນາລາວ ໄດ້ມອບໃຫ້ ບໍຣິສັດ ອິນຊີ ເທຣດດິ້ງ ທີ່ວ່ານັ້ນ ສຳປະທານ ໄປແລ້ວ ເປັນຕົວແທນ ຈຳໜ່າຍ ຫວຍພັທນາ, ແລະແຕ່ລະປີ ຕ້ອງເສັຽຄ່າ ສຳປະທານ ໃຫ້ກະຊວງ ການເງິນ ປະມານ 50 ຕື້ກີບ, ແຕ່ສິ່ງທີ່ ຜິດສັງເກດ ກໍຄືການຈ່າຍເງິນ ໃຫ້ຄົນທີ່ຖືກເລກ ແມ່ນຈ່າຍເປັນ ເງິນສົດ ໂດຍບໍ່ໄດ້ ຜ່ານບັນຊີ ທະນາຄານເລີຍ.

ໃນຂນະທີ່ ເຈົ້າໜ້າທີ່ ກະຊວງການເງິນ ເວົ້າວ່າ ຫວຍພັທນາ ເປັນຂອງຣັຖ 100%. ດັ່ງທີ່ທ່ານ ສີລາ ວຽງແກ້ວ ຮອງ ຣັຖມົນຕຣີ ກະຊວງການເງິນ ໄດ້ກ່າວຕໍ່ ວິທຍຸ ເອເຊັຽເສຣີ ໃນວັນທີ 3 ມີນາ ຜ່ານມາວ່າ:

"ບໍຣິສັດວິສາຫະກິດ ຫວຍພັທນາ ຊື່ມັນຫັ້ນນະ ເປັນຂອງຣັຖ 100 ເປີເຊັນໄດ໋ ບໍ່ມີຂອງໃຜໄດ໋ ເອກກະຊົນ ລະແມ່ນ ແມ່ນເປັນ ສາຂາ ຂາຍຫວຍໃຫ້ ຣັຖວິສາຫະກິດ ຫວຍພັທນາ ໝົດ ບໍ່ແມ່ນ ສຳປະທານ ໃດ໊ ເປັນສາຂາ ຫວຍເລກ1, ເລກ2, ເລກ3, ເລກ4, ເລກ5, ເລກ6, ເລກ7 ຫັ້ນລະແມ່ນ ລ້ວນແລ້ວແຕ່ ເອົາຈາກ ຫວຍພັທນາລາວ ບ່ອນດຽວນີ້ ໄປຂາຍ".

ມາເຖິງປັດຈຸບັນ ຍັງບໍ່ຮູ້ວ່າ ທ້າວ ສີສຸກ ດາວເຮືອງ ຍັງຢູ່ໃນ ປະເທດລາວ ຫລື ຫລົບໜີໄປລີ້ ຢູ່ຕ່າງປະເທດ ຂນະທີ່ທາງການ ລາວ ບໍ່ໄດ້ເປີດເຜີຍ ຣາຍລະອຽດ ກ່ຽວກັບ ທ້າວ ສີສຸກ ແຕ່ຢ່າງໃດ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມວ່ນ

ຈາກ ທ່າແຂກ

ເປັນກົລຢຸດທາງການຫາກິນຂອງພັກ-ຣັຖ ແຕ່ລະຍຸກດອກ, ຖ້າຕ້ອງການຈັບທ້າວ ສີສຸກ ດາວເຮືອງພວກເຂົາກໍ່ຈັບໄດ້, ແຕ່ຈັບຄົນດັ່ງກາວນີ້ໄດ້ແລ້ວ ມັນມີຜົລບວກຫລືຜົລລົບຫລາຍ ກວ່າພວກເຂົາຕ້ອງຕີລາຄາ ແລະຊັ່ງຊາໃຫ້ຖ້ວນທີ່, ລະງັບກິຈການດີກວ່າຈະໃຫ້ມັນດົງດັງ, ເພາະເຫດແລະຜົລຂອງພວກອຳນາຈເຖື່ອນ ແລະມືດນີ້ເຂົາເຊື່ອງຫາງເຊື່ອງສົ້ນນຳກັນຕັ້ງແຕ່ໄດມາ, ຊາວປະຊາຊົນຈະທຸກຍາກລຳບາກເຂົາບໍ່ເຄີຍສົນດອກ, ພວກຄອມມູຍນິຕອິນໂດຈີນດັ່ງກ່າວນີ້, ຈຸດພິເສດຂອງພວກ ເຂົາບໍ່ທັນເຖິງຈຸດທີ່ຫມາຍເທື່ອ, ສະນັ້ນພວກເຂົາຕ້ອງຮັກສາ ຈຸດລວມ, ສະຫງວນຈຸດຕ່າງໃຫ້ເຫນືອສິ່ງອື່ນໄດຫມົດ, ສິ່ງດຽວທີ່ຂ້າພະເຈົ້າອະທິຖານ ຂໍໃຫ້ສິ່ງສັກສິດໃນບົນສະຫວັນແລະໃນສາກົນນະໂລກນີ້ ໃຫ້ຄວາມເປັນທັມກັບຄວາມດີ,ສິ່ງໄດອະຍູຕຕິທັມ, ຂໍໃຫ້ມັນຈິບຫາຍວາຍວອດໃນທັນຕາເທີ້ນ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 15, 2017 08:43 AM

(

Don't worry Sir. According to the latest news Sisouk Daoheuang was sent back to Vietnam by his beloved mother to wait out the storm. When everything is back to normal he will be operating again like before. His family is one of the most powerful and one of the richest in Laos.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 20, 2017 09:37 PM

(

Mr Na Khammouane Jak Thakhek. For some reason Dao Huang family has full support from Lao commie party i.e they can do whatever they wish in Laos and in no way they'll be troubled. Have a good time Lao people.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 23, 2017 01:59 PM

ຫໍາເພັດ

ຈາກ ປາກເຊ

ຄວາມໂລບມາກ ສັນດານຊົ່ວຄືສັດເດຍລະສານ ບັກສັດເດຍລະສານສ້າງ ຄວາມຮັ່ງມີບົນຢາເບື່ອ ເຍົາວະຊົນບັກຫມາຂີ້ເຮື້ອ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]


Mar 12, 2017 05:17 PM

ຄ.ນະຄຳມວ່ນ

ຈາກ ທ່າແຂກ

ທ້າວ ສີສຸກ ດາວເຮືອງ ບໍ່ມີພຽງແຕ່ກິຈການ ທີ່ທາງຂ່າວ ສະເນີອອກໃຫ້ຮູ້ນີ້ດອກ, ແຕ່ກອ່ນກີ້ບໍລິສັດດາວເຮືອງນີ້ ເຮັດຫມົດທຸກຢ່າງ, ທັງຟອກເງິນພິມເງິນປອມ, ຄ້າຂາຍຫມົດທຸກ ຢ່າງທາງພິດກົດຫມາຍເພື່ອຈະໄດ້ລ່ຳລວຍ, ໃຫ້ພັກ-ຣັຖ ສປປລາວແດງອູ້ມຊູ ແບບຮອບດ້ານປະຊາຊົນຕາດຳໆແມ່ນຜູ້ໄດ ແດ່ກ້າປາກ,ພວກດາວເຮືອງນີ້ແມ່ນເຊື້ອຊາຕສັນຊາຕແກວ ແທ້ໆນີ້ແລ້ວ,ແຕ່ພວກເຂົາມີໄມ້ຄ້ອນເທົ້າຊີ້ທາງກົກແມ່ນຕາຍ, ຊີ້ທາງປາຍແມ່ນຍືນ, ກໍ່ເລີຍບູກບືນມາເຖິງເທົ້າທູກມື້ນີ້, ການປິດຫລືເປີດຕໍ່ກິຈຈະການຂອງພວກນີ້ນັ້ນ, ຕ້ອງຖາມພັກ-ຣັຖ ສປປລາວແດງເອງ, ວິທີລ້ຽງປາກລ້ຽງທ້ອງ ຂອງພວກເຂົາ, ກອງທັບສປປລາວແດງແມານເຮັດແນວໄດ? ຖ້າແມ່ນເຂົາປິດກິຈຈະການແທ້ນັ້ນ,ຄິດເອົາເອງເທາະນ້າ!!! ສຳລັບຂ້າພະເຈົ້າແລ້ວຈ້າງກໍ່ບໍ່ເຊື່ອດອກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 12, 2017 05:15 PM

(

Mr Sisouk Daoheuang is alive and more than ever well. He now lives happily and untouchable in Laos. Police wouldn't bother to look for him as he's well surrounded. Sad for Laos.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 12, 2017 05:14 PM

ເຕັມຫນ້າ