ຕໍາຣວດໄທຂຍາຍຜົນ ຈັບກຸ່ມ ຄ້າຢາ

ອຸ່ນແກ້ວ ສຸກສະຫວັນ
2017-05-03
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ເຈົ້າໜ້າທີ່ໄທ ຖແລງວ່າ ທ້າວສີສຸກ, ທ້າວໄຊຊະນະ, ທ້າວຄອນປະສົງ, ແລະ ທ້າວອຸສະມານ ແມ່ນນັກຄ້າ ຢາເສບຕິດ ເຄືອຂ່າຍ ດຽວກັນ.
ເຈົ້າໜ້າທີ່ໄທ ຖແລງວ່າ ທ້າວສີສຸກ, ທ້າວໄຊຊະນະ, ທ້າວຄອນປະສົງ, ແລະ ທ້າວອຸສະມານ ແມ່ນນັກຄ້າ ຢາເສບຕິດ ເຄືອຂ່າຍ ດຽວກັນ.
RFA/AP

ເຈົ້າໜ້າທີ່ຕຳຣວດໄທ ອອກຖແລງວ່າ ທ້າວສີສຸກ, ທ້າວໄຊຊະນະ, ທ້າວຄອນປະສົງ, ແລະ ທ້າວອຸສະມານ ແມ່ນນັກຄ້າ ຢາເສບຕິດ ເຄືອ ຂ່າຍດຽວກັນ. ດັ່ງທ່ານສິຣິນຍາ ສິດທິໄຊ ເລຂາທິການ ສຳນັກງານ ປ້ອງກັນແລະປາບປາມ ຢາເສບຕິດ ຂອງໄທ ໄດ້ກ່າວ ໃນວັນທີ 2 ເມສາ ທີ່ຜ່ານມາ ວ່າ:

"ຈາກການສືບສວນ ຂອງກອງບັນຊາການ ຕຳຣວດປາບປາມ ຢາເສບຕິດ ຂອງໄທ ຈຶ່ງຮູ້ວ່າ ທ້າວ ສີສຸກ ກ່ຽວພັນກັບ ທ້າວໄຊຊະນະ ຊຶ່ງກອງບັນຊາການ ຕໍາຣວດປາບປາມ ຢາເສບຕິດ ໄດ້ສະເໜີມາໃຫ້ ສຳນັກງານ ປ້ອງກັນ ແລະ ປາບປາມ ຢາເສບຕິດ ເພື່ອຂໍຈັບກຸມ ທ້າວ ສີສຸກ ໃນຂໍ້ຫາສົມທົບກັນ ນຳຢາເສບຕິດ ເຂົ້າປະເທດໄທ".

ເຈົ້າໜ້າທີ່ໄທ ໃຫ້ການຢືນຢັນວ່າ ທັງ 4 ຄົນ ເປັນເຄືອຂ່າຍ ຄ້າຢາເສບຕິດ ກຸ່ມດຽວກັນ ຫລັງຈາກທີ່ ເຈົ້າໜ້າທີ່ ທາງການລາວ ເຈັບຕົວ ທ້າວສີສຸກ ດາວເຮືອງ ແລະ ເຈົ້າໜ້າທີ່ໄທ ກໍຂໍຮ່ວມສອບ ປາກຄຳ ທ້າວສີສຸກ.

ທ່ານກ່າວຕື່ມອີກວ່າ ເຄືອຂ່າຍຢາເສບຕິດ ທັງໝົດນີ້ມີ ທ້າວອຸສະມານ ສະແລແມງ ເປັນຫົວໂປ່ລາຍໃຫຍ່ ຊຶ່ງທ້າວອຸສະມານ ໄດ້ປ່ຽນທັງ ຊື່ແລະປ່ຽນແປງ ໃບໜ້າແລ້ວ ໂຕນໜີ ເຂົ້າມາລີ້ຢູ່ ປະເທດລາວ ແລະ ປັດຈຸບັນ ມີລາຍງານວ່າ ຜູ້ກ່ຽວອາດຈະຫລົບໜີ ອອກຈາກປະເທດ ລາວ ແລ້ວ ຍ້ອນເຫັນວ່າ ບໍ່ປອດໄພ.

ນອກຈາກນີ້ ສື່ມວນຊົນໄທ ຍັງຣາຍງານຕື່ມອີກວ່າ ໃນວັນທີ 2 ພືສພາ ຢູ່ແຂວງອຸດອນທານີ ຂອງໄທ ໄດ້ມີການຖະແຫລງ ການຈັບກຸມ ເຄືອຂ່າຍ ທ້າວໄຊຊະນະ ແລະ ທ້າວ ສີສຸກ ໂດຍເຈົ້າຫນ້າທີ່ ໄດ້ຈັບຕົວ ທ້າວເອັຍມິ້ງໄຊ ອາຍຸ 22 ປີ ຢູ່ແຂວງສະຫວັນນະເຂດ ທີ່ໄດ້ ຊຸກເຊື່ອງ ຢາເສບຕິດ ໄວ້ໃນຣົດ ແລ້ວຂັບມາສົ່ງລູກຄ້າ ຢູ່ປະເທດໄທ ແລະ ຈັບຕົວ ທ້າວ ຣັຖຊະພອນ ພະກອນ ອາຍຸ 30 ປີ ຊາວໄທ ຊຶ່ງກ່ຽວຂ້ອງກັບ ທຸຣະກັມ ທາງການເງິນ ຂອງທ້າວ ໄຊຊະນະ ແລະ ທ້າວສີສຸກ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ມັງກອນຂາວ

ຈາກ ຫນອງປີງ

ຂໍສັນລະເສີນເຈົ້າຫນ້າທີ່ ປາບປາມຢາເສບຕິດຂອງທາງການໄທ, ຊຶ່ງເອົາໃຈໃສ່ແກ້ບັນຫາໃຫ້ລຸດຫນ້ອຍຖອຍລົງ ເຮັດໃຫ້ສັງຄົມ ມີລະບຽບລຽບລ໊ອຍ ຕໍ່ໄປພາຍຫນ້າ, ພວກທີ່ຈັບໄດ້ນັ້ນແມ່ນ ແນ່ນອນເຄືອຂ່າຍດຽວກັນຫມົດ ທຸກຢ່າງດີນັ້ນແລ້ວ, ເພາະທ້າວ ໄຊຊະນະ, ກໍ່ເປັນໄມ້ມືໃຫ້ ຍຸກ ຈູມມະລີ ໄຊຍະສອນ ແລະ ທອງສິງ ທັມມະວົງ, ສວ່ນ ທ້າວ ສີສຸກ ດາວເຮືອງແມ່ນເປັນ ໄມ່ມື ຂອງ ຄຳໄຕ ສີພັນດອນ, ນອກຈາກຄ້າຂາຍຢາເສບຕິດ ນີ້ແລ້ວພວກເຂົາຍັງ ຄ້າເງິນຂາຍເງິນຟອກເງິນອີກ, ໂດຍອາໄສ ຮ້ານຄ້າດາວເຮືອງເປັນບ່ອນພິມເງິນປອມເປັນຕົວຕັ້ງ ແຕ່ຄັ້ງ ຄໍສໍ 1995 ເປັນຕົ້ນມາ ແຕ່ ປະຊາຊົນປາກບໍ່ໄດ້ ຮູ້ໄດ້ກໍ່ຮູ້ໄປຊື່ໆ, ເພາະ ພັກ-ລັດ ສປປລາວ ບໍ່ຢຶດຖືວາ່ ມີຈຸດອ່ອນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 04, 2017 02:33 PM

ເຕັມຫນ້າ