ໄຊຊະນະ ຂຶ້ນສານໄທ

ມະນີຈັນ
2017-04-12
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ້າວ ໄຊຊະນະ ແກ້ວພິມພາ (ໃສ່ແວ່ນຕາ) ຜູ້ຕ້ອງຫາ ຄ້າຢາເສພຕິດ ຣາຍໃຫຍ່
ທ້າວ ໄຊຊະນະ ແກ້ວພິມພາ (ໃສ່ແວ່ນຕາ) ຜູ້ຕ້ອງຫາ ຄ້າຢາເສພຕິດ ຣາຍໃຫຍ່
RFA/NY

ວັນທີ 12 ເມສາ ນີ້ ທີ່ສານອາຍາ ຖນົນຣັຊດາພິເສກ ພະນັກງານ ອັຍການ ຝ່າຍຄະດີ ຢາເສພຕິດ ເປັນໂຈດ ຍື່ນຟ້ອງ ທ້າວໄຊຊະນະ ແກ້ວພິມພາ ອາຍຸ 42 ປີ ສັນຊາດ ສາທາຣະນະຣັຖ ປະຊາທິປະຕັຍ ປະຊາຊົນລາວ ອາຊີບ ກະເສຕກອນ ຢູ່ບ້ານໜອງໄຮ ເມືອງຫາດ ຊາຍຟອງ ນະຄອນຫຼວງວຽງຈັນ ທີ່ຖືກຈັບຢູ່ສນາມບິນ ສຸວັນນະພູມ ປະເທດໄທ ເມື່ອວັນທີ 19 ມົກກະຣາ 2017. ຕາມຣາຍງານຂ່າວ ຜູ້ຈັດການ ອອນລາຍ.

ທ້າວໄຊຊະນະ ຜູ້ເປັນຈໍາເລີຍ ໃນຄວາມຜິດ ຖານສົມຄົບກັນ ຕັ້ງແຕ່ 2 ຄົນຂຶ້ນໄປ ເພື່ອກະທໍາຄວາມຜິດ ກ່ຽວກັບ ຢາເສບຕິດ ແລະ ໄດ້ມີການກະທໍາ ກ່ຽວກັບ ຢາເສບຕິດ, ຮ່ວມກັນ ນໍາຢາບ້າ ຊຶ່ງ ເປັນຢາເສບຕິດ ໃຫ້ໂທດປະເພດ 1 ເຂົ້າມາໄທ ເພື່ອຈໍາໜ່າຍ ແລະ ຮ່ວມກັນ ມີຢາເສບຕິດ ໄວ້ໃນຄອບຄອງ ເພື່ອຈໍາໜ່າຍ ຢ່າງຜິດກົດໝາຍໄທ.

ຄໍາຟ້ອງລະບຸພຶດຕິກັມ ວ່າຈໍາເລີຍກັບພັກພວກ ທີ່ຢູ່ສປປລາວ ຮ່ວມກັນຈັດຫາ ຢາເສບຕິດ ຮວມທັງຣົດຍົນ ສໍາລັບຊຸກຊ້ອນ ແລະຣົດຍົນ ນໍາທາງໃນການລໍາລຽງ ຢາເສບຕິດ ໂດຍມີພັກພວກຂອງຈໍາເລີຍ ທີ່ອັຍການໄດ້ຍື່ນຟ້ອງ ຕໍ່ສານໄວ້ແລ້ວຮວມ 6 ຄົນ ທີ່ຮ່ວມກະທໍາໜ້າທີ່ ຂັບຣົດ ຮັບຢາຂ້າມຈາກ ສປປລາວ ເຂົ້າມາໃນ ປະເທດໄທ ເພື່ອສົ່ງຕໍ່ ຊຶ່ງພວກຈໍາເລີຍ ໄດ້ຂັບຣົດນໍາທາງ ແລະສໍາຣວດເສັ້ນທາງ ເພື່ອ ກວດສອບວ່າ ມີດ່ານຂອງ ເຈົ້າໜ້າທີ່ ຕໍາຣວດຫລືບໍ່ ກ່ອນທີ່ຈະປະສານ ຕິດຕໍ່ກັນ ເພື່ອສົ່ງມອບ ຢາເສບຕິດ ໃຫ້ກັບເຄືອຂ່າຍ ທາງພາກ ໃຕ້ຂອງໄທ ແລະ ມາເລເຊັຽ ຕໍ່ໄປ.

ເມື່ອວັນທີ 30 ກັນຍາ 2016 ຈໍາເລີຍກັບພັກພວກ ທີ່ຖືກຍື່ນຟ້ອງແລ້ວ ແລະອີກຫລາຍຄົນ ທີ່ຍັງຫລົບໜີ ໄດ້ຮ່ວມກັນ ນໍາຢາບ້າ 1 ລ້ານ 2 ແສນເມັດ ຈາກສປປລາວ ຊຸກຊ້ອນໄວ້ຢູູກ້ອງ ຫຼັງຄາຣົດຍົນ ຜ່ານດ່ານກວດຄົນເຂົ້າເມືອງ ແຂວງໜອງຄາຍເຂົ້າມາ. ແລະເມື່ອວັນທີ 1 ຕຸລາ 2016 ຕໍາຣວດສາມາດຈັບ ເຄືອຂ່າຍຂອງຈໍາເລີຍ ພ້ອມຍຶດ ຢາເສບຕິດ ທີ່ເປັນຂອງກາງໄດ້. ຕາມຣາຍງານຂ່າວ ຜູ້ຈັດການ ອອນລາຍ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

Mr. Louang

ມາທຳລາຍ ອານາໂຄດ ລູ້ນຫນູ່ມ ຂອງ ປະເທດ ເຂົາ ບໍ່ ດີ ປານ ໃດ ແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 13, 2017 03:53 PM

(

Mr X, maybe you miss your pal Mr Sisouk Daoheuang. He's well guarded and well protected in a ***** prison paid for by his family. He remains untouchable Sir. I hope he can pay you a visit soon in Thailand so both of you can reminisce about the time when you two were partying and selling Ya Ba to young Lao huh. Scumbags.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 13, 2017 01:33 PM

ຄ.ນະຄຳມວ່ນ

ຈາກ ທ່າແຂກ

ດີແລ້ວຖືກຈັບຢູ່ບ່ອນໄດ ກໍ່ຕ້ອງຂຶ້ນສານຢູ່ບ່ອນນັ້ນ, ຂໍໃຫ້ໄດ້ຮັບຜົລກັມທີ່ໄດ້ປາຖນາ ແລະກະທຳມາທຸກປະການເທີ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 13, 2017 01:31 PM

(

Lao government, you must send Mr Sisouk Daoheuang to face trial in Thailand too. Mr X and Mr Sisouk played in the same team all along.
In fact, the arrest of Mr Sisouk Daoheuang is to protect him rather than let him wander outside - his family is like almighty God in Laos - It's a smart move made by you Lao government but the world is not that stupid or that blind as you wish they were.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 13, 2017 01:27 PM

ເຕັມຫນ້າ