ແມ່ຍິງລາວ 50 ຄົນຖືກຈັບຢູ່ ໄທ

ອຸ່ນແກ້ວ ສຸກສະຫວັນ
2014-12-03
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ຕໍາຣວດໄທ ບຸກເຂົ້າທໍາລາຍ ຮ້ານອາຫານ ແລະ ຄວບຄຸມຕົວ ຜູ້ຍິງລາວ 50 ຄົນ ຖານຂາຍບໍຣິການ ທາງເພສ
ຕໍາຣວດໄທ ບຸກເຂົ້າທໍາລາຍ ຮ້ານອາຫານ ແລະ ຄວບຄຸມຕົວ ຜູ້ຍິງລາວ 50 ຄົນ ຖານຂາຍບໍຣິການ ທາງເພສ
screenshot from AS.TV video

 

ໃນວັນທີ 2 ທັນວາ ເຈົ້າໜ້າທີ່ ຕຳຣວດ ໄທ ໄດ້ ບຸກຈັບ ຜູ້ຍິງລາວ ຈຳນວນ 50 ຄົນ ຢູ່ ຮ້ານ ອາຫານ ສອງ ແຫ່ງ ຢູ່ ອຳເພີ ເມືອງ ແຂວງ ຊະເຊີງເຊົາ ພາກກາງ ຂອງ ປະເທດໄທ ໃນຂໍ້ຫາ ເຂົ້າມາ ຂາຍ ບໍຣິການ ທາງເພສ ແລະ ຂໍ້ຫາ ລັກລອບ ເຂົ້າເມືອງ ຜິດ ກົດໝາຍ.

ຕໍ່ເຫດການ ດັ່ງກ່າວ ເຈົ້າໜ້າທີ່ ກະຊວງ ແຮງງານ ໄທໄດ້ ເປີດເຜີຍ ຕໍ່ ເອເຊັຽ ເສຣີ ວ່າ ປັດຈຸບັນ ຢູ່ແຂວງ ຊະເຊີງເຊົາ ແລະ ຫຼາຍ ແຂວງ ທາງ ພາກກາງ ຂອງໄທ ຍັງມີ ແມ່ຍິງລາວ ຈໍານວນ ຫລາຍ ທີ່ ຍັງລັກ ເຮັດວຽກ ຂາຍ ບໍຣິການ ແອບແຝງ ຢູ່ຕາມ ຮ້ານ ອາຫານ. ດັ່ງທ່ານ ກ່າວວ່າ:

"ຂໍ້ມູນ ຈາກ ກະຊວງ ແຮງງານ ແມ່ຍິງລາວ ກໍບໍ່ເຄີຍ ຫາຍໄປໄໜ ມັນມີ ທົ່ວໄປໝົດ ບໍ່ນັບ ທາງ ພາກອີ່ສານ, ເປັນໄປຕາມ ທັມມະຊາດ ຫັ້ນແຫລະ ເມື່ອ ການກວາດລ້າງ ຄັ້ງໃຫຍ່ ໄດ້ແລ້ວໄປ ມັນ ກໍຈະມີ ຊ່ອງຫວ່າງ ໃຫ້ ການເຮັດວຽກ ດັ່ງກ່າວ ຜຸດຂຶ້ນມາ ອີກເທື່ອ".

ຂ່າວຍັງ ແຈ້ງ ອີກວ່າ ມີແມ່ຍິງລາວ ຈຳນວນ 3 ຄົນ ທີ່ ມີອາຍຸ ບໍ່ເຖີງ 18 ປີ ແລະ ຈະມີການ ສືບສວນ ເພີ່ມເຕີມ ເພື່ອ ຈະດຳເນີນ ຄະດີ ກັບ ເຈົ້າຂອງຮ້ານ ໃນຂໍ້ຫາ ຄ້າມະນຸດ. ນອກຈາກ ນີ້ ໃນວັນ ທີ 19 ສິງຫາ ທີ່ຜ່ານມາ ເຈົ້າໜ້າທີ່ ຕຳຣວດໄທ ໄດ້ຊ່ວຍເຫລືອ ແມ່ຍິງລາວ ຈຳນວນ 16 ຄົນ ຈາກ ຮ້ານ ຄາຣາໂອເກະ ແລະ ໃນ ວັນທີ 21 ມີນາ ເຈົ້າໜ້າທີ່ ຕຳຣວດ ກໍບຸກເຂົ້າ ໄປຊ່ວຍເຫລືອ ແມ່ຍິງລາວ 29 ຄົນ ຈາກ ຮ້ານ ຄາຣາໂອເກະ ອີກ ແຫ່ງນຶ່ງ, ຊຶ່ງ ທັງສອງ ເຫດການ ທີ່ ເກີດຂຶ້ນ ແມ່ນຢູ່ ແຂວງ ຊະເຊີງເຊົາ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

ອ້າຍ

ຈາກ ສອງຄອນ

ຄວາມຈິງແລ້ວຢູ່ບ້ານເຮົາ ກໍ່ພໍມີຢຸ່ມີກິນ ຖ້າມີຄວາມດຸໝັ້່ນ ບໍ່ຈຳເປັນສິໄປຂາຍຕົວດອກ ອີກດ້ານໜຶ່ງພວກເຮົາ ມັກຂາຍຂອງເກົ່າ ດ້ວຍໃຈມັກເຂົາເອງ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2016 01:23 PM

ແກ້ວ

ຈາກ ໜອງບົກ

ສົມນໍ້າໜ້າແມ່ຍິງລາວ ມັກຂາຍຂອງເກົ່າ




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 19, 2016 03:48 PM

ເສີດ

ຈາກ ທ່າແຂກ

ດີແລ້ວ ຜູ້ຍິງສາວລາວ ເຂົາຍັງມີ ອາຊີບ ບໍ່ໄດ້ຕົວເອງ ຫິວຕາມຍັງ ມີອາຫານ ໄສ່ທ້ອງໄສ່ປາກ ນັ້ນແລ້ວ ວຽກງານ ຢູ່ປະເທດເຮົາ ສະຫງວນໄວ້ ໃຫ້ລູກເຈົ້າ ລູກນາຍ ຕະກຸນໃຫຍ່ ມີອິດທິພົນ ຄົນຊາວນາ ຊາວທຸກຍາກ ມີໄດ້ເຮັດ ການງານ ນໍາເພີ່ນດອກ ຊີວິດຕົວຈິງ ແນວນີ້ແລ້ວ ພັກລັດ ເພີ່ນມີ ນະໂຍບາຍ ສະຫຼາດ ດີທີ່ສຸດ ຄືວຽກງານດີໆ ເງີນເດືອນດີ ຕ້ອງໃຫ້ລູກຫຼານ ທ່ານ ປະເທດ ນາຍຍົກ ລັດຖະມົນຕີ ລອງລັດຖະມົນຕີ ແລະ ລັດຖະກອນ ຊັ້ນສູງ ພວກເຈົ້າ ໄປຫາຢູ່ກີນ ຢູ່ໄທ ດີແລ້ວ ຄົນເຮົາຕ້ອງກີນ ແລະ ເຂົ້າບໍ່ມີ ຢູ່ທ້ອງ ເຈົ້ານາຍ ບໍ່ສົນໃຈດອກ ເບີ່ງເຮືອນໃຫຍ່ ແທ້ໃຫຍ່ວ່າ ລົດຂີ່ ຂອງລູກເຕົ້າ ລາຄາເກີບເຮັດ ລ້ານ ໂລດາ ກໍ່ມີ ພວກເຈົ້າໄປ ຢູ່ຫາກີນ ແລະ ເປັນ ປະຊາຊົນໄທ ກໍ່ດີແລ້ວ ຄວາມຮັກຊາດ ບໍ່ມີ ຜົນປະໂຫຍດ ຫຍັງດອກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 11, 2014 08:21 PM

ທ້າວ ກືກ

ຈາກ ເມືອງມືດ

ອັນນີ້ແລ້ວ ເພີ່ນວ່າ ແນວທາງ ນະໂຍບາຍ ຂອງ ພັກ-ລັກ ການບີບ ປະຊາຊົນ ທາງອອ້ອມ ມັນສະແດງ ເຖິງ ການບໍ່ມີວຽກເຮັດ ງານທຳ ຂອງ ປະຊາຊົນ ໃນທ້ອງຖິ່ນ ແນວໃດ ຊີວິດ ຈະດຳລົງ ຕໍ່ໄປໄດ້ ຄົນເຮົາກໍ່ຕ້ອງ ຊອກຫາ ຫົນທາງ ແລະ ຂໍຝາກຄຳຖາມ ໄວ້ແດ່ວ່າ ຖ້າຍິງສາວ ທີ່ຖືກສົ່ງກັບມາ ລາວແລ້ວ ຈະມີຫຍັງ ໃຫ້ຂະເຈົ້າເຮັດ ຫລື ບໍ່, ຖ້າບໍ່ມີ ແນ່ນອນ ເຂົາເຈົ້າຕ້ອງ ເດີນທາງສາຍ ເກົ່າ. ປານນັ້ນພັກລັດ ເວົ້າເອົາໜ້າ ວ່າ GDP ຂອງ ລາວແມ່ນເພີ່ມຂຶ້ນ ວ່າຊັນເດ! ທີ່ແທ້ ຂີ້ແມວ ່ເຕັມກະດົ້ງ. ກາແມ່ນຫັນແລ້ວ ການສຳຫລວດ ແມ່ນເອົາລາຍໄດ້ ຄົນຮັ່ງ ມາສະເລ່ຍໃສ່ ຄົນທຸກນຳເດ ມັນກາອອກແທ້ແລ້ວ, ຕົວຢ່າງ ຜູ້ນຳພັກລັດ ປະຈຸບັນນີ້ ມີດິນຫລາຍຕອນ ມີລົດຫລາຍຄັນ ມີເຮືອນ ຫລາຍຫລັງ ແຕ່ວ່າຄົນ ໃນເຂດນອກ ພັດບໍ່ມີຫຍັງກິນ ຈຶ່ງເຂົ້າມາ ຂໍທານ ຢູ່ໃນເມືອງ
ຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 08, 2014 11:47 AM

ຄ.ນະຄຳມ່ວນ

ຈາກ ທ່າແຂກ

ໂທ້ເອີຍ! ນີ້ແລ້ວ ແມ່ນເສດສັງຄົມ ຂອງ ນະໂຍບາຍ ການປະຕິວັດ ສາມສ້າງ, ທຸກຢ່າງຄ້າງຄາ ໄດ້ແຕ່ ປະຊາທິປະຕາຍ ລວມສູນ ນຳກັນ ໃນບັ້ນປາຍ ຂອງຊີວິດ. ອັນນີ້ເຂົາກໍ່ວ່າ ເຖິງຖອງ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 04, 2014 03:50 PM

ເບິ່ງຄວາມເຫັນທັງໝົດ.

ເຕັມຫນ້າ