ທ້າວແຫລ້ ຍັງຕິດຢູ່ ເກາະຕວນ

ສິດນີ
2017-08-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ້າວແຫລ້ ອາຍຸ 27 ປີ ຄົນງານລາວ ທີ່ຖືກປ່ອຍໄວ້ ຢູ່ໃນເກາະຕວນ ປະເທດ ອິນໂດເນເຊັຍ ຕັ້ງແຕ່ປີ 2004
ທ້າວແຫລ້ ອາຍຸ 27 ປີ ຄົນງານລາວ ທີ່ຖືກປ່ອຍໄວ້ ຢູ່ໃນເກາະຕວນ ປະເທດ ອິນໂດເນເຊັຍ ຕັ້ງແຕ່ປີ 2004
RFA/LPN

ທ້າວແຫລ້ ອາຍຸ 27 ປີ ຄົນງານລາວ ທີ່ຕົກເປັນເຫຍື່ອ ການຄ້າມະນຸດ ຢູ່ເຮືອປະມົງຂອງໄທ ແລ້ວຖືກປ່ອຍໄວ້ ຢູ່ເກາະຕວນ ປະເທດ ອິນໂດເນເຊັຍ ຕັ້ງແຕ່ປີ 2004 ຍັງບໍ່ໄດ້ ກັບຄືນ ປະເທດລາວ ຍ້ອນວ່າ ບໍ່ມີຍາດພີ່ນ້ອງ ໄປໃຫ້ການຢັ້ງຢືນ ແລະໃຫ້ຂໍ້ມູນ ແກ່ກົງສຸນລາວ ປະຈຳ ຈັກກາຕາ ປະເທດ ອິນໂດເນເຊັຍ. ດັ່ງ ທ່ານ ສະໝັກ ທັບທານີ ຜູ້ອຳນວຍການ ຝ່າຍປ້ອງກັນ ການຄ້າມະນຸດ ມູລນິທິເຄືອຂ່າຍ ສົ່ງເສີມ ຄຸນນະພາບ ຊີວິດແຮງງານ ຂ້າມຊາດຂອງໄທ ຫລື LPN ໄດ້ກ່າວ ໃນວັນທີ 10 ສິງຫາ ວ່າ:

"ຫລ້າສຸດ ກໍໄດ້ຮັບວ່າ ມີການຕິດຕາມຢູ່ວ່າ ທາງການລາວ ມີການປະສານງານ ດ້ານຂໍ້ມູນກັນໄປລະດັບນຶ່ງ ແຕ່ບັນຫາ ກໍຄືຍັງບໍ່ມີບຸກຄົນ ຫລືວ່າພິຍານ ຫລືວ່າ ຄົນທີ່ຮູ້ວ່າ ທ້າວ ແຫລ້ເປັນລູກຂອງໃຜ ຫລືວ່າຢູ່ບ້ານໃດ ເພື່ອຮັບຮອງ ສະຖານະ ໃນການອອກໜັງສື ເດີນທາງ ຊົ່ວຄາວ ໃນການກັບມາ ປະເທດຕົ້ນທາງ".

ທ່ານກ່າວຕໍ່ອີກວ່າ ຕອນນີ້ສະຖານທູດລາວ ຢູ່ຈັກກະຕາ ໄດ້ຮັບເລື້ອງຂອງ ທ້າວແຫລ້ ໄວ້ແລ້ວແລະໄດ້ປະສານ ໄປຍັງເມືອງແລະແຂວງ ທີ່ ທ້າວແຫລ້ ໄດ້ໃຫ້ຂໍ້ມູນໄວ້ ແຕ່ຍ້ອນວ່າ ຜູ້ກ່ຽວຖືກຕົວະມາ ຢູ່ປະເທດອິນໂດເນເຊັຍ ຕັ້ງແຕ່ອາຍຸ 14 ປີ ແລະ ຖືກທຳຮ້າຍຮ່າງກາຍ ຫລາຍຄັ້ງ ຈົນສະໝອງ ບໍ່ປົກກະຕິ ຈຶ່ງໃຫ້ຂໍ້ມູນໄດ້ ບໍ່ຫລາຍປານໃດ.

ກ່ອນໜ້ານີ້ ທ້າວ ແຫລ້ ເຄີຍບອກວ່າ ຢູ່ເມືອງໄກສອນ ແຂວງສະຫວັນນະເຂດ ແຕ່ປັດຈຸບັນ ລາວບອກວ່າ ເປັນຄົນແຂວງຄຳມ່ວນ ຊຶ່ງ ການໃຫ້ຂໍ້ມູນ ບໍ່ກົງກັນ ເຮັດໃຫ້ ເຈົ້າໜ້າທີ່ ທາງການລາວ ຊອກຫາພໍ່ແມ່ ພີ່ນ້ອງໄດ້ຍາກ.

ທ່ານ ສະໝັກ ກ່າວອີກວ່າ ຖ້າບໍ່ມີໃຜມາຢືນຢັນໄດ້ ການດຳເນີນການຂັ້ນຕໍ່ໄປ ມູລນິທິ ກໍຈະປະສານງານໄປຫາກົງສຸນລາວ ປະຈຳປະເທດ ອິນໂດເນເຊັຽ ຮັບຕົວຜູ້ເຄາະຮ້າຍ ກັບມາຄຸ້ມຄອງ ໄວ້ກ່ອນ.

ສຳລັບຂໍ້ມູນຂອງ ທ້າວ ແຫລ້, ພໍ່ຊື່ ທ້າວ ໂຍ, ແມ່ຊື່ ນາງ ກອງ, ປ້າຊື່ ມຸນ, ລຸງຊື ບົວທອງ, ແມ່ຕູ້ຊື່ ຊົມມາ, ແລະ ພໍ່ຕູ້ຊື່ ປານ ຊຶ່ງຜູ້ກ່ຽວ ວ່າເຄີຍຮຽນຢູ່ ໂຮງຮຽນ ບ້ານນາຝ່າຍ ເມືອງ ໄກສອນ ແຂວງ ສະຫວັນນະເຂດ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

ຊື່ ຕາມໃຈ

ຈາກ ເມືອງ ຕາມໃຈ

ຖ້າທ້າວແຫລ້ ເວົ້າລາວໄດ້ປານນັ້ນ ລັດຖະບານຫນ້າຈະ ຮັບຜິດຊອບເອົາລາວ ກັບມາບ້ານເກີດຂອງຕົນ ແລ້ວຈຶ່ງຕາມຫາຍາດພີ່ນ້ອງ ຂອງລາວ ຕາມພາຍຫລັງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2017 02:03 PM

(

Thao Le is just a victim among many many others of failure in Lao governance.I wonder how Lao leaders can sleep at night.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2017 02:02 PM

ເຕັມຫນ້າ