ສົມເດັດ ເຈົ້າຟ້າຊາຍ ໂສຣິຍາວົງສ໌ ສວ່າງ ສວັນນະຄົດແລ້ວ
2018.01.04
ສົມເດັດ ເຈົ້າຟ້າຊາຍ ໂສຣິຍາວົງສ໌ ສວ່າງ, ອົງຄ໌ຜູ້ສໍາເຣັດຣາຊການແຜ່ນດິນ ຕາງພຣະເນດພຣະກັນ ຂອງພຣະບາດ ສົມເດັດ ພຣະເຈົ້າ ມະຫາຊີວິດ ແລະ ປະທານ ແຫ່ງ ພຣະຍາດຕິວົງສ໌ ຣາຊວົງສ໌ ລ້ານຊ້າງຮົ່ມຂາວ, ໄດ້ສວັນນະຄົດ ໃນວັນທີ 2 ເດືອນມະກະຣາ ປີ 2018 ທີ່ໂຮງພະຍາບານ ອອງຣີ-ມົງດອກ, ທີ່ເມືອງ ກເຣໄຕ, ປະເທດຟລັ່ງເສດ, ຣວມພຣະຊົນມາຍຸ ໄດ້ 81 ພັນສາ.
ພິທີ ທາງສາສນາ ເພື່ອບໍາເພັນກຸສົນ ຈະໄດ້ຈັດຂຶ້ນ ທີ່ໂຮງ ຂອງເພິ່ນເອງ ທີ່:
3 rue Raymond Poincaré, 94000 Créteil, France.
ພິທີເຄົາຣົບ ພຣະບໍຣົມມະສົບ ຈະໄດ້ຈັດຂຶ້ນ ໃນວັນອາທິດ, ວັນທີ 7 ເດືອນມະກະຣາ ປີ 2018, ເວລາ 16:00 ໂມງ ເປັນຕົ້ນໄປ ທີ່ວັດເວລຸວະນາຣາມ:
5 allée Mandame de Montespan, 77600 Bussy Saint Georges, France.
ພິທີ ຖວາຍພຣະເພີງ ຈະໄດ້ຈັດຂຶ້ນ ໃນວັນອັງຄານ, ວັນທີ 9 ເດືອນມະກະຣາ ປີ 2018, ຕັ້ງແຕ່ເວລາ 11:00 ໂມງ ເປັນຕົ້ນໄປ ທີ່ສຸສານ:
Crématorium de Valenton
13 avenue de la Fontaine Saint-Martin, 94460 Valenton, France