ອົງການລາວເສຣີພົບກັບ ທາງການ ສະຫະຣັດ

ເມື່ອວັນທີ 29 ແລະ 30 ມິຖຸນາ 2017 ນີ້ ອົງການລາວເສຣີ Free Laos Campaign ໄດ້ພົບພໍ້ກັບ ເຈົ້າໜ້າທີ່ ຮັບຜິດຊອບວຽກງານ ໃນຂົງເຂດ ເອເຊັຍຕາເວັນ ອອກສ່ຽງໃຕ້ ຂອງສະພາຕໍ່າ ແລະ ສະພາສູງ ສະຫະຣັຖ ອະເມຣິກາ ທີ່ນະຄອນຫຼວງ ວໍຊິງຕັນ ດີີຊີ ຊຶ່ງໃນນັ້ນ ໄດ້ມີການ ປຶກສາຫາລືກັນ ເຖິງເຣື່ອງຜູ້ນໍາລາວ ລະເມີດ ສິດທິມະນຸດ ແລະ ປະຊາທິປະໄຕ ຂອງ ປະຊາຊົນລາວ ຮວມທັງ ຄົນງານລາວ 3 ຄົນ ທີ່ກັບມາຈາກ ປະເທສໄທ ທີ່ບໍ່ມີຄວາມຜິດ ໄດ້ຖືກຈັບ ແລະ ຖືກຕັດສິນ ລົງໂທດຈໍາຄຸກ ໜັກໜ່ວງ ຈຶ່ງຂໍໃຫ້ ຣັຖສະພາ ສະຫະຣັຖ ປະກອບສ່ວນ ຊ່ວຍແກ້ໄຂ.

ທ່ານ ອິນຊີທອງ ຄນະນໍາອົງການລາວເສຣີ ແລະທັງເປັນໂຄສົກ ໃຫ້ສໍາພາດ ວິທຍຸເອເຊັຍເສຣີ ໃນມື້ວັນທີ 15 ກໍຣະກະດາ 2017 ນີ້ ກ່ຽວກັບ ການເຄື່ອນໄຫວ ວຽກງານ ການເມືອງ ຢູ່ຣັຖສະພາ ສະຫະຣັຖ ຊຶ່ງຂ້າພະເຈົ້າ ນໍາມາສນີທ່ານ ໂດຍທີ່ທ່ານ ອິນຊີທອງ ເລີ້ມຕົ້ນ ດ້ວຍການເວົ້າເຖິງ ສະພາບການ ຢູ່ ສປປລາວ ທີ່ມີການລະເມີດ ສິດທິມະນຸດ ຢ່າງຮຸນແຮງ.