ສປປລາວຄວນປັບປຸງ ສິດທິ ມະນຸສ

ສິດນີ
2017-07-17
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ສະພາອາຊຽນ ເພື່ອ ສິດທິມະນຸດ
ສະພາອາຊຽນ ເພື່ອ ສິດທິມະນຸດ
APHR

ສະມາຊິກສະພາອາຊຽນ ເພື່ອສິດທິມະນຸດ ອອກຖແລງການ ຮຽກຮ້ອງ ໃຫ້ຣັຖບານ ອອສເຕຣເລັຽກົດດັນ ສປປລາວ ໃຫ້ປັບປຸງ ການນັບຖື ສິດທິມະນຸດ ໃຫ້ດີຂຶ້ນ. ທ່ານ Charges Santiago ປະທານ ສະພາ ຜູ້ແທນອາຊຽນ ເພື່ອ ສິດທິມະນຸດ ໄດ້ຂຽນຕອບ ຄຳຖາມ ນັກຂ່າວ ເອເຊັຽເສຣີ ທາງ email ວ່າ:

"ພວກເຮົາຮຽກຮ້ອງໃຫ້ ສປປລາວ ປ່ອຍຕົວຊາວລາວ ທີ່ຖືກຈຳຄຸກ ຍ້ອນໄດ້ອອກ ຄວາມຄິດຄວາມເຫັນ ດ້ານການເມືອງ ໃນນັ້ນຮ່ວມທັງ ຄົນງານສາມຄົນ ທີ່ຫາກໍຖືກ ຕັດສິນ ຈຳຄຸກໃຫມ່ໆ ແລະ ຣັຖບານລາວ ຄວນປະຕິຮູບ ກົດຫມາຍ ນະໂຍບາຍ ແລະ ດຳຣັດ ທີ່ລະເມີດ ສິດເສຣີພາບ ຂັ້ນພື້ນຖານ ຂອງ ປະຊາຊົນລາວ".

ເຈົ້າຫນ້າທີ່ຣັຖບານອອສເຕຣເລັຽ ຈະເຂົ້າຮ່ວມປະຊຸມ ຫາລືເຣື້ອງ ສິດທິມະນຸດ ກັບ ເຈົ້າຫນ້າທີ່ລາວ ໃນມື້ວັນທີ 18 ຫາ 19 ກໍຣະກະດາ ທີ່ນະຄອນຫຼວງ ວຽງຈັນ ກ່ຽວກັບ ເຣື້ອງນີ້ ເຈົ້າຫນ້າທີ່ ທ່ານນຶ່ງ ຈາກກົມອາຊີ ປາຊີຟີກ ກະຊວງ ຕ່າງປະເທດລາວ ບໍ່ສາມາດໃຫ້ຣາຍ ລະອຽດ ຕໍ່ເອເຊັຽເສຣີ ໄດ້ມີແຕ່ ເວົ້າວ່າ:

"ເຈົ້າແມ່ນລະ ພແນກທີ່ຮັບຜິດຊອບ ບໍ່ຢູ່ເນາະ  ຂະເຈົ້າມີຈັດ ກອງປະຊຸມ ທາງນອກ ນອກສະຖານທີ່ເຈົ້າ ບໍ່ໄດ້ຢູ່ໃນ ກະຊວງ".

ຜູ້ຕ່າງຫນ້າອົງການ ສະຫະປະຊາຊາດ ປະຈຳລາວ ກໍຈະເຂົ້າຮ່ວມ ໃນກອງປະຊຸມ ດັ່ງກ່າວ ໂດຍເວົ້າວ່າ ຈະມີ ເຈົ້າຫນ້າທີ່ ຈາກຫລາຍ ພາກສ່ວນ ເຂົ້າຮ່ວມ ແຕ່ບໍ່ແນ່ໃຈວ່າ ພາກສ່ວນໃດແດ່ ດັ່ງທ່ານ ກ່າວວ່າ:

"ຕົວນີ້ກໍບໍ່ແນ່ໃຈນໍ ຜູ້ໃດສິເຂົ້າ ຮ່ວມມືແນ່ຫຼືວ່າ ຜູ້ທີ່ເຂົ້າຮ່ວມ ເພີ່ນອາດສິໄດ້ລາຍງານຈາກ ຜູ້ທີ່ສິສົ່ງເອກສານຕ່າງໆ ລະບໍ່ນະ ໜ້າຈະມີ ແມ່ນກົດໝາຍພ້ອມ ແລະເປັນພວກ ຕ່າງປະເທດນຳ".

ສະພາອາຊຽນ ໄດ້ອອກຖແລງການ ໃນມື້ວານນີ້ວ່າ ຣັຖບານ ສປປລາວ ຍັງຈຳກັດ ສິດເສຣີພາບ ຂອງປະຊາຊົນ ຢ່າງເຂັ້ມງວດ ເປັນຕົ້ນ ການຈັບກຸມ ຄຸມຂັງ ປະຊາຊົນລາວ ຜູ້ທີ່ ຕຳນິຕິຕຽນ ຣັຖບານລາວ.

ທ່ານ ຄູມາລາ ພົມມະວົງສາ ນັກປັນຍາຊົນ ລາວ ທ່ານນື່ງ ຢູ່ປະເທດຝຣັ່ງເສດ ໃຫ້ຄຳເຫັນ ກ່ຽວກັບ ເຣື້ອງນີ້ວ່າ:

"ມາເບີ່ງດ້ານສິດທິມະນຸດຢູ່ລາວ ຂີ້ຮ້າຍທີ່ສຸດ ສິດທິ ໃນການ ເປັນມະນຸດ ບໍ່ມີ ພໍ່ແມ່ປະຊາຊົ ນບໍ່ມີສິດ ເສຣີພາບ ບໍ່ມິສິດ ປະຊາທິປະຕັຍ ບໍ່ມີສິດອອກ ຄວາມຄິດ ຄວາມເຫັນ ຕຳນິຕິຊົມ ພັກ-ຣັດ ທີ່ເຮັດໄປ ໃນທາງບໍ່ດີ ຄືການ ສໍ້ຣາສບັງຫຼວງ ຫລືວ່າອື່ນໆ ທີ່ເປັນການ ກົດຂີ່ ຂຸດຮີດ ປະຊາຊົນ ທີ່ບໍ່ເປັນທັມ ບໍ່ມີສີດ".

ອອສເຕຣເລັຽ ເປັນປະເທດນື່ງ ທີ່ໃຫ້ການຊ່ອຍເຫລືອ ດ້ານສິດທິ ມະນຸດ ແກ່ ສປປລາວ ຫລາຍທີ່ສຸດ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ