ນັກຮຽນຈົບຊັ້ນມັທຍົມ ຂ.ຫົວພັນ

ສິດນີ
2017-06-18
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ກະຊວງສຶກສາທິການ ແລະ ກິລາ ທີ່ ນະຄອນຫຼວງວຽງຈັນ
ກະຊວງສຶກສາທິການ ແລະ ກິລາ ທີ່ ນະຄອນຫຼວງວຽງຈັນ
RFA/LX

ເຈົ້າຫນ້າທີ່ ສຶກສາທິການ ທີ່ແຂວງຫົວພັນ ທ່ານນຶ່ງເວົ້າວ່າ ການຮຽນຕໍ່ ຂັ້ນສູງ ຫລັງຈາກຈົບ ມ 7 ຂອງນັກຮຽນ ທີ່ແຂວງຫົວພັນ ຫນ້ອຍຫລາຍ ຍ້ອນວ່າ ພາຍໃນແຂວງ ບໍ່ມີໂຮງຮຽນ ອາຊີວະສຶກສາ ຫລື ວິທຍາລັຍ ບັນດາ ນັກຮຽນ ຜູ້ທີ່ຕ້ອງການ ຮຽນຕໍ່ ຕ້ອງໄດ້ ໄປຮຽນຢູ່ ຕ່າງແຂວງ ຫລື ນະຄອນຫລວງວຽງຈັນ ດ້ວຍທຶນ ຕົນເອງ ຍ້ອນທາງການແຂວງ ມີທຶນ ການສຶກສາ ພຽງແຕ່ 30 ເປີເຊັນ ເທົ່ານັ້ນ ຕໍ່ປີ ສຳລັບນັກຮຽນ ທີ່ຮຽນເກັ່ງ. ດັ່ງທ່ານກ່າວໃນ ຕອນນຶ່ງວ່າ:

"ຫນ້ອຍ ຫນ້ອຍຫລາຍປະມານ ສາມສິບເປີເຊັນ ນີ້ແຫລ້ວ ເພິ່ນບໍ່ໄດ້ ຍ້ອນວ່າ ເຮົາບໍ່ມີ ໂຮງຮຽນ ອາຊີວະ ຢູ່ແຂວງ ແລ້ວບັດດຽວນີ້ ເຮົາຕ້ອງໄປ ຮຽນຢູ່ວຽງ ໄປຮຽນຢູ່ວຽງ ແລ້ວບາງຄອບຄົວ ມັນທຸກຍາກ ກໍໄປບໍ່ໄດ້".

ທ່ານວ່າ ໃນສົກສຶກສາປີນີ້ ຈະມີນັກຮຽນຈົບຊັ້ນ ມ.7 ທົ່ວແຂວງຫົວພັນປະມານ 5 ພັນຄົນ ທາງການແຂວງ ມີທຶນໃຫ້ນັກຮຽນ ທີ່ຮຽນດີ ໄປຮຽນຕໍ່ ຂັ້ນສູງ ຢູ່ຕ່າງແຂວງ ໄດ້ພຽງແຕ່ 30% ຂອງຈຳນວນ ນັກຮຽນ ທັງຫມົດ ສ່ວນເຫລືອ ບໍ່ໄດ້ຮຽນຕໍ່ ຕ້ອງໄດ້ອອກ ໄປເຮັດວຽກ ກຳມະກອນ ຫລື ໄປຊອກຫາ ວຽກເຮັດງານທຳ ໃນຕ່າງແຂວງ ຫລື ຕ່າງປະເທດ ເປັນຕົ້ນ ປະເທດໄທ.

ທ່ານກ່າວຕື່ມວ່າ ໃນປັດຈຸບັນ ທາງການແຂວງ ມີຄວາມສຳພັນ ທາງດ້ານ ການສຶກສາ ກັບແຂວງ ຊາຍແດນ ຕິດກັບວຽດນາມ ເປັນຢ່າງດີ ຊຶ່ງນັກຮຽນ ຈຳນວນນຶ່ງ ກໍໄປຮຽນຕໍ່ ທີ່ວຽດນາມ:

"ມາດຽວນີ້ ປີ 2017 2017 ນີ້ເນາະ ໄດ້ມີການພົວພັນ ຮ່ວມມື ກັບວຽດນາມ ໄດ້ສົ່ງໄປຮຽນ ຢູ່ທາງວຽດນາມ ແຕ່ສ່ວນຫລາຍ ກໍໄດ້ດ້ວຍ ທຶນສ່ວນຕົວ ອາດຈະເພີ້ມ ປະມານ ສິບເປີເຊັນ ຂອງ ສາມສິບ ຫັ້ນເນາະ".

ໃນປີນີ້ ທົ່ວສປປລາວ ຈະມີນັກຮຽນ ເສັງຈົບຊັ້ນ ມ.7 ກວ່າ 62 ພັນຄົນ ແລະ ໃນເດືອນນີ້ ຈະມີການ ສອບເສັງ ຈົບຊັ້ນ ມ.7 ໃນທົ່ວ ປະເທດ ຈະມີການ ປະກາດ ຜົລສອບເສັງ ໃນວັນທີ 30 ມິຖຸນາ ຄາດວ່າ ຈະມີຜູ້ຜ່ານ ການສອບເສັງ ອີກຫລາຍພັນຄົນ ທີ່ຈະບໍ່ໄດ້ ຮຽນຕໍ່.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມວ່ນ

ຈາກ ທ່າແຂກ

ການສຶກສາບໍ່ພຽງກ່າວແຕ່ແຂວງດຽວເທົ່ານັ້ນດອກ, ຫມົດທັງປະເທດຂອງ ສປປລາວ ເຂົາບໍ່ຕ້ອງການສົ່ງເສີມ ການສຶກສາໄດໆທັງນັ້ນຕໍ່ໄປອີກ, ເພາະວ່າຖ້າຄົນມີການສຶກສາເພີ່ມຂຶ້ນຫລາຍ, ພວກເຂົາຈະມີສະຕິ ແລ້ວເກີດສັມມາທິແລະປັນຍາ,ພັກ-ລັຖ ສປປລາວ ປົກຄອງຍາກເພາະຄົນຮູ້ນໃຫມ່ ຈະທ້ອນໂຮມກັນຕໍ່ຕ້ານ, ນະໂຍບາຍກ້າວຂຶ້ນ ສັງຄົມຄອມມູຍນິດເຂົາຈະມີບັນຫາ, ສະນັ້ນຖ້າທຸກຄົນມີຄວາມໂງ່ຈ້າລ້າຫລັງ ພວກເຂົາຈະມີ ໂອກາດ ກອບ,ໂກຍ,ໂກງ,ກິນ ໄດ້ຢ່າງສະບາຍ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 20, 2017 02:07 PM

ເຕັມຫນ້າ