ຫາກວິຈານພັກຣັດໃຫ້ ຣະວັງ

ຈໍາປາທອງ
2016-09-01
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ່ານ Phil Robertson ຮອງຜູ້ອຳນວຍການ ອົງການ Human Rights Watch ເຂຕເອເຊັຍ
ທ່ານ Phil Robertson ຮອງຜູ້ອຳນວຍການ ອົງການ Human Rights Watch ເຂຕເອເຊັຍ
RFA

ທ່ານ Phil Robertson ຮອງ ຜູ້ອໍານວຍການ ອົງການ ສິ້ງຊອມ ສິດທິມະນຸດ (Human Rights Watch) ປະຈໍາ ພາກພື້ນ ກ່າວວ່າ ປະຊາຊົນລາວ ທັງຜູ້ທີ່ຢູ່ ໃນລາວ ແລະ ທີ່ ເຮັດວຽກ ຢູ່ໄທ ຕ້ອງໃຫ້ລະວັງ ຫຼາຍຂຶ້ນ ໃນການວິພາກ ວິຈານ ຣັຖບານ ສປປລາວ ຜ່ານ ສື່ສັງຄົມ ອອນລາຍ ຊຶ່ງ ອາດຈະເປັນ ຄືກັບ ຄົນງານລາວ 3 ຄົນ ທີ່ຖືກຈັບ ໃນຂໍ້ຫາໂຈມຕີ ຣັຖບານ ເມື່ອຫຼາຍເດືອນ ກ່ອນ:

"ທ່ານກ່າວວ່າ ເວົ້າເຖິງເຣື່ອງ ສື່ອອນລາຍ ກໍເຂັ້ມງວດ ໃຜເວົ້າບໍ່ດີ ຕໍ່ ຣັຖບານລາວ ຖ້າເປັນຄົນລາວ ທີ່ກັບໄປ ປະເທດລາວ ກໍຕ້ອງ ຣະວັງຕົວ ເພາະວ່າ ອາດຖືກຈັບກຸມ ໄດ້ ຣັຖບານລາວ ກໍາລັງເບິ່ງຢູ່".

ທ່ານກ່າວອີກວ່າ ນັບຕັ້ງແຕ່ ທ້າວ ສຸກັນ ໃຈທັດ, ນາງ ຫຼອດຄໍາ ທໍາມະວົງ, ແລະ ທ້າວ ສົມພອນ ພິມມະສອນ ຖືກ ທາງການລາວ ຈັບໄປຂັງຄຸກ ຍ້ອນຂໍ້ຫາ ທາງການເມືອງນັ້ນ ເຮັດໃຫ້ ທາງການລາວ ເຂັ້ມງວດ ກວດກາ ຜູ້ໃຊ້ ສື່ສັງຄົົມ ອອນລາຍ ຫຼາຍຂຶ້ນ ແລະ ອາດອອກ ກົດໝາຍໃໝ່ ເພື່ອໃຫ້ ການວິພາກ ວິຈານ ການເມືອງ ເປັນສິ່ງທີ່ ຜິດກົດໝາຍ. ດັ່ງນັ້ນ ຈຶ່ງຢາກໃຫ້ ທຸກຄົນ ມີສະຕິ ເພີ່ມຕື່ມ ໃນການສະແດງ ຄວາມຄິດເຫັນ ຜ່ານສື່ຕ່າງໆ ເພື່ອບໍ່ໃຫ້ ຕົກເປັນ ຜູ້ຕ້ອງຫາ ອີກຕື່ມ.

ທ່ານ Phil Robertson ກ່າວອີກວ່າ ປັດຈຸບັນ ອົງການ ສິ້ງຊອມ ສິດທິມະນຸດ ກໍາລັງ ຕິດຕາມ ຊະຕາກັມ ຂອງ ຄົນງານລາວ ທັງ 3 ຄົນ ທີ່ຖືກຈັບ ນັ້ນຢູ່ຕລອດ ຍ້ອນ ການກະທໍາ ຂອງທາງການລາວ ນັ້ນ ເປັນເຣື່ອງ ທີ່ຜິດຕໍ່ ສິດທິມະນຸດ ຂັ້ນພື້ນຖານ ຢ່າງ ຮ້າຍແຮງ.

ເຖິງແມ່ນວ່າ ສປປລາວ ຈະໄດ້ລົງນາມ ໃນ ອະນຸສັນຍາ ຕ່າງໆ ກ່ຽວກັບ ສິດທິມະນຸດ ຫຼາຍສະບັບ ກໍຕາມ, ແຕ່ກໍ່ຍັງ ຣະເມີດ ອະນຸສັນຍາ ບາງສະບັບ ນັ້ນຢູ່.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມ່ວນ

ຈາກ ທ່າແຂກ

ເປັນການດີອົງການສິດມະນຸດຊົນເຕືອນ, ເພື່ອມີສະຕິ ການທີ່ຄົນງານລາວ ສາມຄົນຖືກຈັບນັ້ນ, ຍ້ອນພວກເຂົາ ມີຄວາມເຊື່ອງາ່ຍ, ບໍ່ຄິດເຖິງເສັຍວ່າລີ້ນ ໃນປາກໂຕເອງແທ້ໆ ຍັງຫລົງກັດ ເອົາຈົນໄດ້, ພວກເຂົາເຊື່ອຈຳພວກຄົນເບິ່ງໂລກກ້ວາງ ແຕ່ໃຫ້ທາງຍ່າງແກ່ພວກເຂົາແຄບ ຈົນຕີບຕັນບໍ່ມີທາງອອກ, ພວກດັ່ງກ່າວນີ້ແມ່ນຮັບໃຊ້ ພັກ-ຣັຖ ມາແຕກຳເນີດ, ຢູ່ສູນສຳມະນາ ວຽງໄຊ, ເຄີຍຮູ້ດີວ່າ: ຈະໂຕນຫນີໄປປະເທດໄດກໍ່ ຢ່າຖ້າຟ້າຍັງກວບຫົວຢູ່ ແມ່ນເຂົາຈະນຳເອົາຄືນໃຫ້ໄດ້. ບໍ່ວິທີໄດກໍ່ວິທີນຶ່ງທີ່ເມາະສົມທຸກຢ່າງ. ສະນັ້ນ ຈົ່ງຢ່າໄດ້ປະມາດ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 01, 2016 12:59 PM

ເຕັມຫນ້າ