ທ.ນາມ ວິຍະເກດ ຖືກຍ້າຍ ໜ້າທີ່

ອຸ່ນແກ້ວ ສຸກສະຫວັນ
2017-11-22
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ພິທີແຕ່ງຕັ້ງ ທ່ານ ເລັດ ໄຊຍະພອນ (ຊ້າຍ) ເປັນເຈົ້າແຂວງ ແຂວງອັດຕະປື ຄົນໃຫມ່ ຂະນະທີ່ ທ່ານ ນາມ ວິຍະເກດ (ຂວາ) ເຈົ້າແຂວງ ອັດຕະປື ຄົນເກົ່າ ອາດຖືກຍົກຍ້າຍ ໄປຮັບຫນ້າທີ່ໃຫມ່ ຢູ່ສູນກາງ (21/11/2017)
ພິທີແຕ່ງຕັ້ງ ທ່ານ ເລັດ ໄຊຍະພອນ (ຊ້າຍ) ເປັນເຈົ້າແຂວງ ແຂວງອັດຕະປື ຄົນໃຫມ່ ຂະນະທີ່ ທ່ານ ນາມ ວິຍະເກດ (ຂວາ) ເຈົ້າແຂວງ ອັດຕະປື ຄົນເກົ່າ ອາດຖືກຍົກຍ້າຍ ໄປຮັບຫນ້າທີ່ໃຫມ່ ຢູ່ສູນກາງ (21/11/2017)
RFA/ຮູປປະກອບຂ່າວ ອຸປຖັມໂດຍ ບອກຂ່າວ ວັນນີ້

ກົມການເມືອງສູນກາງພັກ ໄດ້ອອກຄຳສັ່ງຍ້າຍ ທ່ານ ນາມ ວິຍະເກດ ເຈົ້າແຂວງອັດຕະປື ໄປຮັບໜ້າທີ່ໃໝ່ ຢູ່ສະພາວິທຍາສາດ-ສັງຄົມ ແຫ່ງຊາດ ໃນວັນທີ 21 ພຶສຈິກາ. ເຫດຜົນໃນການຍ້າຍໃນຄັ້ງນີ້ ແມ່ນການບໍຣິຫານຜິດພາດ ເຮັດໃຫ້ງົບປະມານ ມີການຮົ່ວໄຫລ, ບັນຫາ ການໄປພົວພັນທຸຣະກິດສົ່ງໄມ້ອອກ ແລະ ບັນຫາທີ່ດິນ. ເຈົ້າໜ້າທີ່ອົງການກວດກາຣັຖບານ ຢູ່ແຂວງພາກໃຕ້ ທ່ານນຶ່ງໄດ້ກ່າວຕໍ່ເອເຊັຍເສຣີ ໃນວັນທີ 22 ພຶສຈິກາ ວ່າ:

"ມັນກໍມີຫລາຍເຫດຜົນໃນການສັ່ງຍ້າຍເປັນຕົ້ນແມ່ນເລື້ອງ ບັນຫາງົບປະມານຮົ່ວໄຫລ, ແລະ ທີ່ພົ້ນເດັ່ນໄປກວ່ານັ້ນ ກໍຄື ເລື້ອງທີ່ ທ່ານ ນາມ ວິຍະເກດ ແລະຄອບຄົວ ມີສ່ວນພົນພັນເລື້ອງລົດໄມ້ 27 ຄັນ ທີ່ຖືກກັກໄວ້ ຢູ່ດ່ານສາກົນພູເກືອ ແຂວງອັດຕະປື ໃນຊ້ວງເດືອນ ພຶສພາ ທີ່ຜ່ານມາ".

ໃນຂະນະທີ່ ທ່ານ ນາມ ກໍໄດ້ກ່າວຕໍ່ ເອເຊັຍເສຣີ ວ່າ ຄອບຄົວຂອງທ່ານ ບໍ່ມີສ່ວນກ່ຽວຂ້ອງ ເລື້ອງທຸຣະກິດຄ້າໄມ້ ແຕ່ໃດມາ ແຕ່ ເຈົ້າໜ້າທີ່ ອົງການກວດກາຣັຖບານ ໄດ້ກ່າວຕື່ມອີກວ່າ ບັນຫາຫລັກໆ ກໍຄືການໃຊ້ ອຳນາດໃນການ ເອື້ອອຳນວຍ ຜົນປະໂຫຍດ ໃຫ້ແກ່ ຄອບຄົວ ຂອງຕົນເອງ ແລະງົບປະມານມີການຮົ່ວໄຫລ ຫລາຍກວ່າ 1,000 ຕື້ກີບ.

ນອກຈາກນີ້ ພະນັກງານປະຈຳແຂວງອັດຕະປື ທ່ານນຶ່ງ ຜູ້ທີ່ບໍ່ປະສົງອອກຊື່ ໄດ້ກ່າວຕໍ່ເອເຊັຍເສຣີ ໃນວັນທີ 20 ພຶສຈິກາ ວ່າ:

"ພະນັກງານສ່ວນຫລາຍຢູ່ແຂວງນີ້ ກໍພາກັນວິຈານວ່າ ຄວນຈະປ່ຽນເຈົ້າແຂວງ [ທ່ານ ນາມ] ແຕ່ດົນແລ້ວ ເພາະວ່າ ມາຢູ່ກໍບໍ່ໄດ້ ສ້າງຫຍັງ ນອກຈາກຈະເອົາດິນ ແລະເອົາເງິນເຂົ້າກະເປົາໂຕເອງ".

ທີ່ດິນຢູ່ແຂວງອັດຕະປື ທີ່ ທ່ານ ນາມ ໂອນເອົາເປັນກັມມະສິດ ຂອງຕົນເອງແມ່ນ ຢູ່ຕໍ່ໜ້າໂຮງແຮມດອກຈຳປາ ບ້ານຫລັກສາມ ເມືອງ ສາມັກຄືໄຊ, ທີ່ດິນສະໜາມກ໊ອຟ ຢູ່ບ້ານເຊກະໝານ, ແລະ ທີ່ດິນບໍລະເວນກວ້າງ ທີ່ຕິດກັບເຮືອນຊົງລາວ ຂອງທ່ານ ທີ່ຕັ້ງຢູ່ສົ້ນຂົວ ເຊກະໝານ 2 ຢູ່ບ້ານເຊກະໝານ ທີ່ຂຶ້ນກັບເມືອງສາມັກຄີໄຊ ແລະຍັງມີທີ່ດິນອີກຫຼາຍບ່ອນທີ່ທ່ານໂອນ ເອົາໄປກັມມະສິດຂອງຕົນເອງ ພະນັກງານແຂວງອັດຕະປື ທ່ານນີ້ ກ່າວຢ້ຳ.

ຜູ້ທີ່ຖືກແຕ່ງຕັ້ງເປັນເຈົ້າແຂວງຄົນໃໝ່ແທນ ທ່ານນາມ ວິຍະເກດ ແມ່ນ ທ່ານ ເລັດ ໄຊຍະພອນ ຜູ້ທີ່ເຄີຍເປັນເຄີຍເປັນຮອງ ເຈົ້າແຂວງ ແລະເປັນປະທານ ສະພາປະຊາຊົນ ແຂວງອັດຕະປື.

ພິທີມອບຮັບໜ້າທີ່ ລະຫວ່າງເຈົ້າແຂວງຜູ້ເກົ່າ ແລະ ເຈົ້າແຂວງຜູ້ໃໝ່ ໄດ້ຈັດຂຶ້ນໃນວັນທີ 21 ພຶສຈິກາ ທີ່ຜ່ານມາ ຢູ່ແຂວງອັດຕະປື ໂດຍຊ້ອງໜ້າ ທ່ານ ພັນຄຳ ວິພາວັນ ຮອງ ປະທານປະເທດ. ໃນພິທີດັ່ງກ່າວ ທ່ານ ພັນຄຳ ວິພາວັນ ຮອງປະທານປະເທດ ໄດ້ກ່າວ ຕອນນຶ່ງວ່າ: ການຊັບຊ້ອນພະນັກງານການນຳຂັ້ນສູງ [ໝາຍເຖິງເຈົ້າແຂວງ] ໃນຄັ້ງນີ້ແມ່ນອີງໃສ່ ຄວາມຮຽກຮ້ອງຕ້ອງການ ຂອງໜ້າວຽກ ໃນໄລຍະໃໝ່.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

Mirror yourself

ຈາກ Laos

ຄຳເຫັນບໍ່ຄວນຖືກແກ້ໄຂ ຖ້າແກ້ໄຂ, ມັນກໍ່ບໍ່ເປັນຄວາມເຫັນຂອງຜູ້ກ່ຽວ. ມັນກາຍເປັນຄຳເຫັນ ຂອງເອເຊຍເສຣີໄປແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 04, 2017 05:11 AM

​ແຊ້ມ

ຈາກ ​ໜອງ​ບົກ

ຕໍ່​ໄປ​ນີ້ ຫົວ​ໜ້າ​ບໍ​ຣິ​ສັດ​ຕ່າງໆ ຖ້າ​ຢາກ​ໄລ່​ລູກ​ນ້ອງ​ອອກວຽກ ສາ​ມາດ​ໄລ່​ໄດ້​ໂດຍບອກ​ເຫ​ດ​ຜົ​ນ​ງ່າຍໆ ແລະ ລູກ​ນ້ອງ​ກະ​ບໍ່​ສາ​ມາດ​ຕໍ່​ລອງຫຍັງ​ໄດ້​ເລີຍ ພຽງ​ແຕ່​ເອີ່ຍ​ປາກດ້ວຍ​ການບອກວ່າ "ການ​ທີ່​ຕ້ອງ​ໄລ່​ເຈົ້າ​ອອກ​ໃນ​ເທື່ອນີ້ ແມ່ນ​ອີງ​ໃສ່​ຄວາມ​ຮຽກ​ຮ້ອງ​ຕ້ອງ​ການ​ຂອງ​ໜ້າ​ວຽກ​ໃນ​ໄລ​ຍະໃໝ່". ຈົບ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 27, 2017 04:55 AM

(

It's the new governor's turn to exploit Attapeu now. Sweet Old boys I love the way you handle your business and never got caught even when you committed crimes. Long live Laos, the land of no law.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 27, 2017 04:55 AM

ຜຸ້ອ່ານ RFA

ຈາກ ສປຊ

ເງື່ອນໄຂ ຂ້າງລຸມນີ້ ສະແດງໃຫ້ເຫັນວ່າ RFA ບໍ່ໃຫ້ອອກຄວາມເຫັນຢ່າງ ເສຣີ "No freedom of speech" ແຕ່ໃສ່ຊື່ວ່າ ເອເຊັຍເສຣີ ໄດ້ແນວໃດ? FB ເສຣີ 100% ສະນັ້ນ ອ່ານແລ້ວ ໄປອອກຄວາມເຫັນຢຸ່ FB ດີກ່ວາ. ບັນນາທິການຂອງ RFA ມີຂໍ້ຂ້ອງໃຈປະການໃດ ອະທິບາຍໃຫ້ແດ່.

(ຄວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ​ ຂອງ ​ວິທຍຸ​ເອ​ເຊັຍ​ເສຣີ)

Nov 23, 2017 07:48 AM

ເຕັມຫນ້າ