ລາວ-ກຳພູຊາ ຈະອີງໃສ່ ແຜນທີ່ ຝຣັ່ງເສສ

ຈໍາປາທອງ
2017-09-15
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ສາລາພັກເຊົາ ຊົມນໍ້າຕົກ ລາບາກ ຄອນ ຊຶ່ງຄົນໃນທ້ອງຖິ່ນ ຢືນຢັນວ່າ ຖືກສ້າງຂຶ້ນໂດຍ ຝ່າຍລາວ ທີ່ໃຊ້ຫຼັກໝາຍ ເຂດແດນເກົ່າ ທີ່ ຝຣັ່ງເສສ ໝາຍໄວ້ ແຕ່ສມັຍ ຕົກເປັນ ຫົວເມືອງຂຶ້ນ
RFA
ສາລາພັກເຊົາ ຊົມນໍ້າຕົກ ລາບາກ ຄອນ ຊຶ່ງຄົນໃນທ້ອງຖິ່ນ ຢືນຢັນວ່າ ຖືກສ້າງຂຶ້ນໂດຍ ຝ່າຍລາວ ທີ່ໃຊ້ຫຼັກໝາຍ ເຂດແດນເກົ່າ ທີ່ ຝຣັ່ງເສສ ໝາຍໄວ້ ແຕ່ສມັຍ ຕົກເປັນ ຫົວເມືອງຂຶ້ນ RFA
RFA

ທາງການ ສປປລາວ ແລະກຳພູຊາ ກຽມສົ່ງໜັງສື ເຖິງຣັຖບາລ ຝຣັ່ງເສສ ເພື່ອຂໍແຜນທີ່ ຢັ້ງຢືນຊາຍແດນ ຣະຫວ່າງ ລາວ-ກຳພູຊາ ຊຶ່ງຣັຖບາລຝຣັ່ງເສດ ໄດ້ກຳນົດ ແລະແຕ້ມຂຶ້ນ ໃນສມັຍ ສອງປະເທສນີ້ ເປັນເມືອງຂຶ້ນ ແລະ ຂໍເອກກະສານ ຕ່າງໆທີ່ກ່ຽວຂ້ອງ ກັບ ເຣຶ່ອງຊາຍແດນ ກ່ອນທີ່ຈະຮ່ວມກັນ ປັກຫຼັກໝາຍຊາຍແດນ. ຕາມຄຳເວົ້າຂອງ ເຈົ້າໜ້າທີ່ ທາງການລາວ ໃນມື້ວັນທີ 14 ກັນຍາ ນີ້:

"ຕົກລົງກັນແລ້ວ ເຮັດໜັງສືເຖິງຣັຖບາລ ຝຣັ່ງເສດ ໃຫ້ຝຣັ່ງເສດ ຫັ້ນຢັ້ງຢືນໃຫ້ຕື່ມວ່າ ໃນແຜນທີ່ ຂອງຝຣັ່ງຫັ້ນ ແມ່ນເປັນຄືແນວນັ້ນ ພວກເຮົາກະສິ ປະຕິບັດຕາມຫັ້ນ ເພື່ອສິໄກ່ເກັ່ຍ ເຣຶ່ອງໃຫມັນແລ້ວ".

ທ່ານເວົ້າວ່າ ໃນການປັກຫຼັກໝາຍຊາຍແດນ ເທື່ອໃໝ່ນີ້ຈະອີງໃສ່ແຜນທີ່ ຂອງຝຣັ່ງເສດເທົ່ານັ້ນ ຊຶ່ງເມື່ອກ່ອນ ກຳພູຊາ ອີງໃສ່ແຜນທີ່ ຂອງສະຫະຣັຖ ອາເມຣິກາ ນຳທີ່ມີ ຄວາມແຕກຕ່າງກັນ ແຕ່ແຕກຕ່າງກັນ ແນວໃດນັ້ນ ທ່ານກໍບໍ່ຮູ້ ຂໍ້ມູນຄັກແນ່.

ທ່ານກ່າວຕື່ມອີກວ່າ ປັດຈຸບັນ ສະຖານະການ ຢູ່ຕາມຊາຍແດນ ຣະຫວ່າງລາວ ແລະກຳພຊາ ໃນເຂດແຂວງ ອັດຕະປື ກັບແຂວງ ຣັດຕະນະຄີຣີ ມີຄວາມສງົບດີ ປະຊາຊົນທີ່ຢູ່ຕາມ ເຂດຊາຍແດນ ທີ່ບໍ່ຄ່ອຍໝັ້ນໃຈນຳ ສະພາບການນັ້ນ ກໍບໍ່ຢ້ານກົວອີກ.

ໃນການເຈຣະຈາຣະຫວ່າງ ສອງນາຍົກຣັຖມົນຕຣີ ສປປລາວ ແລະກຳພູຊາ ທີ່ກຸງພະນົມເປັນ ເມື່ອວັນທີ 1 ກັນຍາ 2017 ທ່ານທອງລຸນ ສີສຸລິດ ແລະ ທ່ານ ຮຸນ ເຊນ ໄດ້ຕົກລົງກັນ ແກ້ໄຂບັນຫາຊາຍແດນ ແລະມອບໃຫ້ ກະຊວງການຕ່າງປະເທສ ຂອງສອງຝ່າຍ ຮ່ວມກັນ ຮ່າງຈົດໝາຍ ຂໍແຜນທີ່ຊາຍແດນ ແລະເອກກະສານຕ່າງໆ ທີ່ກ່ຽວຂ້ອງ ກັບຊາຍແດນ ຈາກ ປະທານາທິບໍດີ ຝຣັ່ງເສດ ແລະ ໃຫ້ຄະນະ ກຳມະການ ຊາຍແດນ ຂອງແຕ່ລະຝ່າຍ ລົງໄປກວດກາ ພື້ນທີ່ ທີ່ມີການ ຂັດແຍ່ງກັນຢູ່ 4 ຈຸດ, ບ່ອນໃດຕົກລົງ ກັນໄດ້ ກໍໃຫ້ປັກຫຼັກ ໝາຍເລີຍ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

There's no borders between Laos and Vietnam. We are bound to each other by the special treaty since the end of the Vietnam war.Land dispute is not a problem for the Lao and the Vietnamese like it or not.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 18, 2017 12:11 PM

(

Yes, Lao and Vietnamese are brothers-in-arms with Lao as small brothers and Vietnamese big brothers. Big brothers must watch over the smaller ones and thus there's no problem.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2017 01:25 PM

Lao army

ຈາກ Houa Phan

Lao- and combodia is easy to solve just a little in the corner at the border route. The big reasons Lao to write a letter note to France Governemnets required to have the Main map which Frence have ib 1903. Vietnam is much to take over the lans of Laos Ince in HouaPhan to Attapue. Please look to solve the Border between Laos Vietnam First.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 17, 2017 02:17 PM

ເຕັມຫນ້າ