ຮ່າງກົດໝາຍວ່າດ້ວຍ ຄ່າຊົດເຊີຍ

ສິດນີ
2018-01-03
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ສໍານັກງານ ນາຍົກຣັຖມົນຕຣີ ທີ່ ນະຄອນຫຼວງວຽງຈັນ
ສໍານັກງານ ນາຍົກຣັຖມົນຕຣີ ທີ່ ນະຄອນຫຼວງວຽງຈັນ
screen captured you tube video

ຮ່າງກົດຫມາຍໃຫມ່ ຈະໃຫ້ຄ່າຊົດເຊີຍ ແກ່ຊາວບ້ານ ຜູ້ທີ່ຖືກໂຍກຍ້າຍ ຍ້ອນໂຄງການຕ່າງໆ ຂອງຣັຖບານ ຢ່າງວ່ອງໄວ ແລະເປັນທັມ, ອີງຕາມຄຳເວົ້າຂອງເຈົ້າຫນ້າທີ່ຜແນກນະໂຍບາຍ ໃນໂຄງການພັທນາຂອງຣັຖບານ.

ທ່ານວ່າ ຮ່າງກົດຫມາຍດັ່ງກ່າວ ຈະສົ່ງໃຫ້ສະພາແຫ່ງຊາດ ພິຈາຣະນາເຫັນພ້ອມ ໃນກອງປະຊຸມສະພາສມັຍສາມັນ ໃນເດືອນເມສາ ປີນີ້ ແລະວ່າ ຮ່າງກົດຫມາຍນີ້ ຈະຄ້ຳປະກັນຊີວິດການເປັນຢູ່ ທີ່ຫມັ້ນຄົງໃຫ້ແກ່ຊາວບ້ານ ຜູ້ທີ່ເສັຽທີ່ດິນ ໃຫ້ແກ່ໂຄງການ ພັທນາຂອງຣັຖບານ ສາມາດໃຊ້ຊິວິດແບບລາບລື້ນ ຫລັງຈາກຖືກໂຍກຍ້າຍ ໄປຢູ່ບ້ານຈັດສັນ ແລະຮ່າງກົດໝາຍໃໝ່ນີ້ ຈະໃຫ້ຄ່າຊົດເຊີຍແບບເປັນທັມ ຮ່ວມທັງ ບ່ອນຢຸ່ອາສັຍ ແລະການຝຶກອາຊີບໃຫມ່ ໃຫ້ແກ່ຂະເຈົ້າ ຊຶ່ງຄ່າຊົດເຊີຍທີ່ຜ່ານມາບໍ່ເປັນທັມ ແກ່ຊາວບ້ານ:

"ໃນການຊົດເຊີຍ ກະໃຫ້ມັນຍຸຕິທັມ ນຳກັນຫັ້ນແຫຼະ, ຄັນວ່າເພິ່ນໃຫ້ໜ້ອຍ ສົມມຸດວ່າ, ເຮົາສິໄປຢູ່ຈັ່ງໃດ, ເຮົາສິຊື້ຈັ່ງໃດ, ເຮົາສິຊື້ໄດ້ ຢູ່ຄືເກົ່ານີ້ບໍ ຫຼືຈັ່ງໃດຫັ້ນນ່າ. ຄັນວ່າຕີຣາຄາດຽວນີ້ ຫັ້ນນ່າ, ລະກະ ສ້າງເຮືອນໄດ້ ຄືເກົ່ານີ້ນ່າ ເຮົາກະພໍພຽງ ຕັ້ງແຕ່ວ່າ ເຮົາຢາກໄດ້ ໃຫ້ມັນໄດ້ ຄືນປົວແປງ ຄືເກົ່າເນາະ."

ການໃຫ້ຄ່າຊົດເຊີຍແກ່ຊາວບ້ານ ຜູ້ທີ່ຖືກໂຍກຍ້າຍໃນປັດຈຸບັນ ແມ່ນປະຕິບັດຕາມດຳຣັດນາຍົກຣັຖມົນຕຣີເລກທີ 84 ທີ່ໃຫ້ຄ່າຊົດເຊີຍ ແກ່ຊາວບ້ານ ໃຫ້ມີບ່ອນຢູ່ອາສັຍ ທີ່ຫມັ້ນຄົງ ແຕ່ໃນພາກປະຕິບັດໂຕຈິງນັ້ນ ບໍ່ເປັນໄປຕາມທີ່ຄາດໄວ້ ຊຶ່ງໃນຮ່າງ ກົດໝາຍໃຫມ່ນີ້ຈະ ເພີ້ມປະສິດທິພາບ ແລະຄົບວົງຈອນ ໃນການຄ້ຳປະກັນຊີວິດການເປັນຢູ່ ຂອງປະຊາຊົນ ຜູ້ທີ່ຖືກໂຍກຍ້າຍ ໃຫ້ດີກວ່າເກົ່າ.

ໃນຮ່າງກົດໝາຍໃໝ່ຈະໃຫ້ຜູ້ພັທນາໂຄງການ ຮັບຜິດຊອບໃນການໃຫ້ຄ່າຊົດເຊີຍ ສ້າງທີ່ຢູ່ອາສັຍ ແລະໂຄງຮ່າງພື້ນຖານປະເພດຕ່າງໆ ດັ່ງຖນົນຫົນທາງ ໂຮງຫມໍ ໂຮງຮຽນ ນ້ຳສະອາດ ແລະການຝຶກອາຊີບ ໃຫ້ແກ່ຂະເຈົ້າ ຊຶ່ງຮ່າງກົດຫມາຍໃຫມ່ ມີກຳນົດໃຫ້ບໍຣິສັດຈ່າຍ ຄ່າຊົດເຊີຍ ແກ່ຊາວບ້ານພາຍໃນ 24 ເດືອນ ໃນຣາຄາທີ່ເຫມາະສົມ ຫລື ຣາຄາຕລາດ ສຳລັບທີ່ດິນ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ