ລາວ ບໍ່ທັນຮູ້ ຄຳສັ່ງຖອນທະຫານ

ຈ​ເຣີນ​ສຸ​ຂ
2017-08-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
​ທ່ານ ຮຸນ ແຊນ, ນາ​ຍົກ​ຣັ​ຖ​ມົນ​ຕ​ຣີ ກຳ​ພູ​ຊາ
​ທ່ານ ຮຸນ ແຊນ, ນາ​ຍົກ​ຣັ​ຖ​ມົນ​ຕ​ຣີ ກຳ​ພູ​ຊາ
RFA

ເຈົ້າ​ໜ້າ​ທີ່ ຣະ​ດັບ​ສູງ ປກ​ຊ-ປກ​ສ ​ແຂວງ​ຈຳ​ປາ​ສັກ ຜູ້​ຂໍ​ສງວນ​ຊື່ ທ່ານ​ນຶ່ງ ຢືນ​ຢັນ ​ຕໍ່​ຜູ້​ສື່​ຂ່າວ ວິ​ທ​ຍຸ ​ເອ​ເຊັຽ ​ເສ​ຣີ​ ໃນ​ຕອນ​ຄ່ຳ​ ວັນ​ທີ 11 ສິງ​ຫາ ນີ້ວ່າ ທາງ​ການ​ທ້ອງ​ຖິ່ນ ​ຍັງ​ບໍ່​ທັນ​ຮັບ​ຮູ້​ ຂ່າວ​ໃດໆ ກ່ຽວ​ກັບ ​ເຣື້ອງ​ທີ່​ທ່ານ​ ຮຸນ​ ເຊນ, ນາ​ຍົກ​ຣັ​ຖ​ມົນ​ຕຼີ​ກຳ​ພູ​ຊາ, ໄດ້​ຂີດ​ເສັ້ນ​ຕາຍ 7 ມື້ ຫຼື ຈົນ​ຮອດ​ ວັນ​ທີ 17 ສິງ​ຫານີ້​ ເພື່ອໃຫ້​ຣັ​ຖ​ບານ​ລາວ ​ສັ່ງ​ຖອນ​ທ​ະຫານ​ ຂອງ​ຝ່າຍ​ລາວ ອອກຫ່າງ​ຈາກ ​ເຂດ​ຊາຍ​ແດນ ​ລາວ-ກຳ​ພູຊາ ທີ່​ມີ​ຂໍ້ ​ຂັດ​ແຍ່ງ​ກັນ ​ມາ​ຕັ້ງ​ແຕ່​ ຕົ້ນ​ປີ 2017.

ທ່ານກ່າວ​ໃນ​ຕອນ​ນຶ່ງ ວ່າ:

“​ບໍ່​ໄດ້​ຮັບ​ຮູ້ ບໍ່​ແມ່ນ​ປະ​ຕິ​ເສດ ບໍ່​ໄດ້​ຮັບ​ຮູ້. ບໍ່​ທັນ​ໄດ້​ຮັບ​ແຈ້ງ​ການ ລະ​ກະ ​ເບື້ອງ​ກົງ​ສູນ​ຂອງກຳ​ປູ​ເຈັຽ​​ຢູ່ໄທ​ເຮົານີ້ ກະ​ບໍ່​ໄດ້​ວ່າ​ຫຍັງອີກ, ​ກະ​ທັມ​ມະ​ດາ ​​ຄື​ກັບປົກ​ກະ​ຕິ​ຢູ່. ໂຕນີ້​ ກະ​ບໍ່​ແມ່ນປະ​ຕິ​ເສດ ບໍ່​​ໄດ້ຮູ້​ຂ່າວເຣື້ອງ​ໂຕນີ້​ຊ້ຳ.”

​ທ່ານ​ກ່າວ​ຕື່ມ​ວ່າ ເຖິງແມ່ນວ່າ ​ຝ່າຍ​ກຳ​ພູ​ຊາ​ເອງ ​ຈະ​ມີຄຳ​ສັ່ງ​ ເດັດ​ຂາດ​ແນວນັ້ນ​ ກໍຕາມ, ແຕ່​ຝ່າຍ​ລາວ​ກໍ​ຍັງ ​ບໍ່​ທັນ​ຮູ້​ເຣື້ອງນີ້​ ຢ່າງ​ເປັນ​ທາງ​ການ​ ແລະ ຍັງ​ບໍ່​ສາ​ມາດ​ ເອົາ​ທ່າ​ທີ​ໃດໆ​ ໄດ້ເທື່ອ ເພາະຕ້ອງ​ໄດ້​ເວົ້າ​ກັນ​ກ່ອນ.

“​​ບໍ່​ຊ່າງ​ຊິ​ວ່າ​ໄດ້, ແຕ່​ກະ​ ບໍ່​ປະ​ຕິ​ເສດ ເຣື້ອງ​ຂອງ​ເພິ່ນ​ສາ ເບື້ອງ​ເພິ່ນ​ເອງ ​ແຫຼະ​ໂຕນັ້ນ. ພວກ​ເຮົາ​ບໍ່​ໄດ້​ເວົ້າ​ກັນ ບໍ່​ໄດ້​ຮູ້​ ນຳ​ເພິ່ນ. ຄັນ​ວ່າ​ເພິ່ນ​ວ່າ ເວົ້າ​ຄຳ​ສັ່ງ​ເດັດ​ຂາດ​ ແນວນັ້ນ ທາງ​ຝ່າຍ​ລາວ ​ພວກ​ເຮົາ ​ກະ​ບໍ່​ທັນ​ຮູ້​ຈັກ​ ເຣື້ອງ​ຄື​ກັນ​ໄດ໋. ບໍ່​ເຂົ້າ​ໃຈ​ນຳ​ເພິ່ນ.”

ອີງ​ຕາມ ​ການ​ຣາຍ​ງານ​ຂ່າວ ​ຂອງ​ສຳ​ນັກ​ຂ່າວ ​ໄທ​ພີ​ບີ​ເອ​ສ ໃນ​ຕອນ​ແລງວັນ​ທີ 11 ສິງ​ຫານີ້​, ທ່ານ ຮຸນ​ ເຊນ ໄດ້​ຮຽກ​ຮ້ອງ​ໃຫ້​ທ່ານ​ ທອງ​ລຸນ ສີ​ສຸ​ລິດ, ນາ​ຍົກ​ຣັ​ຖ​ມົນ​ຕຼີ​ລາວ ແລະ ໃນ​ນາມ​ ຣັ​ຖ​ບານ​ລາວ ຈົ່ງ​ຮີບ​ຖອນ​ທ​ະຫານ ​ອອກ​ຈາກ ​ເຂດ​​ຂັດ​ແຍ່ງ ​ຊາຍ​ແດນ ​ລາວ-ກຳ​ພູຊາ​ ພາຍ​ໃນກຳ​ນົດ ເສັ້ນຕາຍ 7 ມື້ ຫຼື ຈົນ​ເຖິງ ວັນ​ທີ 17 ສິງ​ຫານີ້ ໂດຍບໍ່​ຕ້ອງ ​ມີ​ເງື່ອນ​ໄຂ​ໃດໆ. ແຕ່ຖ້າ ຝ່າຍ​ລາວ ຍັງ​ບໍ່​ຖອນ ​ກຳ​ລັງ​ທະຫານ, ທ່ານອາ​ຈ​​ແກ້​ໄຂ​ບັນ​ຫາ ​ດ້ວຍ​ກຳ​ລັງ​ທະ​ຫານເອງ, ເຊິ່ງ​ສອດ​ຄ່ອງ ​ກັບການ​ຣາຍ​ງານ​ຂ່າວ​ ຂອງ​ສຳ​ນັກ​ຂ່າວ AP ທີ່​ອ້າງ​ອີງ​ ຄວາມ​ເວົ້າ ​ຂອງ​ໂຄ​ສົກ​ກະ​ຊວງ ​ປ້ອງ​ກັນ​ປະ​ເທ​ສ​ກຳ​ພູ​ຊາ ທ່ານ ​ຈຸມ ໂສ​ຊີດ ທີ່ໄດ້​ກ່າວ​ວ່າ ​ກຳ​ລັງ​ທະຫານ ແມ່ນ​ກຽມ​ພ້ອມ​ ເພື່ອ​ການ​ປະ​ເຊີນ​ໜ້າ​ກັນ ແລະ ລໍ​ຖ້າ ​ພຽງ​ຄຳ​ສັ່ງ.

ບັນ​ຫາ​ຂໍ້​ຂັດ​ແຍ່ງ ​ດ້ານ​ຊາຍ​ແດນ​ ຣະ​ຫວ່າງ​ລາວ ແລະ ກຳ​ພູຊາ ໄດ້​ເຣີ້ມ​ຮຸນ​ແຮງ​ຂຶ້ນ ​ໃນ​ຕົ້ນ​ປີ 2017 ນີ້ ທີ່​ເປັນ​ເຂດ​ຊາຍ​ແດນ ​ຣະ​ຫວ່າງ​ ແຂວງ​ຈຳ​ປາ​ສັກ ແລະ ແຂວງ​ອັດ​ຕະ​ປື ຂອງ​ຝ່າຍ​ລາວ ແລະ ແຂວງ​ຊຽງ​ແຕງ ຂອງຝ່າຍ​ກຳ​ພູຊາ. ທະ​ຫານ​ຊາຍ​ແດນ​ ທັງ 2 ຝ່າຍ​ ຕ່າງ​ກໍກ່າວ​ຫາ ​ກັນ​ໄປ ກັນມາ​ ວ່າ ອີກ​ຝ່າຍ​ ມີ​ການ​ລ່ວງ​ລ້ຳ​ ອະ​ທິ​ປະ​ຕັຍ​ ຂອງ​ຕົນ. ຝ່າຍ​ລາວ​ ກ່າວ​ຫາ ​ຝ່າຍ​ກຳ​ພູ​ຊາ ວ່າ ​ສ້າງ​ຖ​ນົນ​ກວມ​ເອົາ ​ເຂດ​ດິນ​ລາວ ໃນ​ຂະ​ນະ​ທີ່​ ຝ່າຍ​ກຳ​ພູຊາ​ກ່າວ​ຫາ​ວ່າ ​ຝ່າຍ​ລາວ ​ເຂົ້າ​ມາ​ປຸກ​ສ້າງ ​ເຄ​ຫາ​ສະຖານ ​ໃນ​ເຂດ​ແດນ​ ຂອງ​ກຳ​ພູຊາ.

ນອກ​ຈາກນີ້, ຝ່າຍ​ກຳ​ພູ​ຊາ ຍັງ​ກ່າວ​ຫາ​ວ່າ ທາງ​ການລາວ​ ໄດ້​ມີ​ການ​ເສີມກຳ​ລັງ​ທະ​ຫານ ​ພ້ອມ​ອາ​ວຸດ​ຄົບ​ຊຸດ ຕາມ​ຊາຍ​ແດນ ຈຳ​ນວນ 30 ນາຍຂຶ້ນ​ໄປ ເພື່ອ​ຂົ່ມ​ຂູ່ ​ທະ​ຫານ​ກຳ​ພູຊາ, ແຕ່​ທາງ​ການ​ລາວ ກໍ​ປະ​ຕິ​ເສດ​ວ່າ ບໍ່​ໄດ້​ມີ​ ການ​ເສີມ​ ກຳ​ລັງທະ​ຫານ ແຕ່ເປັນ​ພຽງ ​ການ​ປະ​ຕິ​ບັດ​ໜ້າ​ທີ່​ ຕາມ​ວິ​ຊາ​ສະ​ເພາະ​ໂດຍ​ທົ່ວ​ໄປເທົ່າ​ນັ້ນ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

Kmer

The non-college educated leader with hot temper tends to use forces or threats to use forces to resolve the conflicts in violation of the United Nations charter's principles. He can be compared to the crapaud buffle that puffs up to scare the snake!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 17, 2017 03:22 PM

ຕາມໃຈ

ອັນໃດກະບໍ່ຮູ້ ອັນໃດກະບໍ່ຈັກ ...ບໍ່ຕ້ອງຮູ້ຫຍັງດອກ ພາກັນກັນນັ່ງດົມຢາບ້າຢູ່ຫັ້ນ ຄືຈະພໍແລ້ວໃນຊີວິດນີ້.ເຂົາອອກຂ່າວ ກັນທົ່ວໂລກ ວ່າຜູ້ນຳລາວບໍ່ມີນ້ຳຢາ ປົກປ້ອງຜືນແຜ່ນດິນ ຂອງຕົນບໍ່ໄດ້ ...ໃຜຢາກໄດ້ບ່ອນໃດມາຊີ້ເອົາໂລດ !



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 17, 2017 03:21 PM

ເດັກລາວ

ສະຫາຍທອງລຸນ ຖືກ ຮຸນເຊັນ ເອົາມາຢຽບຫນ້າ ໃນການສ້າງບາລະມີຫາຄະແນນນິຍົມ ກ່ອນມີການເລືອກຕັ້ງ ທົ່ວປະເທດໃນຂະເມນ. ຫນ້າສັງເວດທີ່ຜູ້ນຳລາວຖືກແຕ່ ປະເທດຂ້າງບ້ານ ມາເອົາປຽບແລະຢຽບຢຳ່ ແບບບໍ່ມີສັກສີ ຫລົງເຫລືອຢູ່.ບາດ ປຊຊ ລາວເວົ້າແຮງ ໄອແຮງຫນ້ອຍຫນຶ່ງກໍຖືກຈັບແລ້ວ ບາດຊາດອື່ນມາຢຽບຫນ້າ ກັບໄດ້ແຕ່ນັ່ງອົມຂີ້ແຂ້ວ ກອດຫົວເຄົາ ເປົາຫົວຄວາຍເທົ່ານັ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 15, 2017 02:44 PM

(

Go go Sweet Old Boys go ! Deep down inside commie Hun Sen will go to war with plainly clear commie Laos. Let you two start now.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2017 02:04 PM

ຄ.ນະຄຳມວ່ນ

ຈາກ ທ່າແຂກ

ເຫັນດີນຳທາ່ນ ນາຍົກ ຮູນເຊັນ ເພາະເຖິງແນວມັນກໍ່ຫລີກບໍ່ພົ້ນ ສົງຄາມສຳລອງຢູ່ແລ້ວ ລະຫວາ່ງກຳພູຊາ ແລະ ສປປລາວ ນີ້, ເພາະວ່າຄວາຍຊົນຄວາຍແພ້ຫົວຫຍ່າ ແຜດ ແທ້ໆ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2017 02:03 PM

ເບິ່ງຄວາມເຫັນທັງໝົດ.

ເຕັມຫນ້າ