ທາງການລາວ ວ່າບໍ່ຮູ້ເຣື້ອງ ທ.ໂກຕີ

ຈໍາປາທອງ
2017-08-02
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ່ານ ໂກຕີ ຫລື ວຸດທິພົງ ກົດທໍາມະຄຸນ ທີ່ຖືກຄົນກຸ່ມນຶ່ງ ເຂົ້າໄປຈັບຢູ່ບ້ານພັກ ຂອງຜູ້ກ່ຽວແຫ່ງນຶ່ງ ໃນປະເທສລາວ ເມື່ອວັນທີ 29 ກໍຣະກະດາ 2017
ທ່ານ ໂກຕີ ຫລື ວຸດທິພົງ ກົດທໍາມະຄຸນ ທີ່ຖືກຄົນກຸ່ມນຶ່ງ ເຂົ້າໄປຈັບຢູ່ບ້ານພັກ ຂອງຜູ້ກ່ຽວແຫ່ງນຶ່ງ ໃນປະເທສລາວ ເມື່ອວັນທີ 29 ກໍຣະກະດາ 2017
AFP

ເຈົ້າໜ້າທີ່ທາງການລາວ ເວົ້າວ່າ ບໍ່ຮູ້ເຣື້ອງ ກ່ຽວກັບ ທ່ານ ໂກຕີ ຫລື ວຸດທິພົງ ກົດທໍາມະຄຸນ ຜູ້ຕ້ອງຫາ ທີ່ທາງການໄທ ອອກໝາຍຈັບ ຊຶ່ງຖືກຄົນກຸ່ມນຶ່ງ ເຂົ້າໄປຈັບ ຢູ່ບ້ານພັກ ຂອງຜູ້ກ່ຽວແຫ່ງນຶ່ງໃນ ນະຄອນຫຼວງວຽງຈັນ ປະເທສລາວ ເມື່ອວັນທີ 29 ກໍຣະກະດາ 2017 ຕາມທີ່ຫລາຍ ສື່ສັງຄົມ ໃນປະເທສໄທ ຣາຍງານ ແລະວ່າ ເປັນໄປໄດ້ທີ່ຂ່າວ ດັ່ງກ່າວ ບໍ່ມີມູນຄວາມຈິງ, ຕາມຄໍາເວົ້າຂອງ ເຈົ້າໜ້າທີ່ ຕໍາຣວດລາວ ໃນວັນທີ 1 ສິງຫາ ນີ້:

"ໂຕນີ້ກະບໍ່ແນ່ ກະບໍ່ແນ່ວ່າ ມາຫລືບໍ່ມາ ກະບໍ່ໄດ້ຂໍ້ມູນໂຕນີ້ ຢ່າງລະອຽດ ດອກມັນບໍ່ໄດ້ມີ ຂໍ້ມູນຫຍັງດອກ ແຕ່ວ່າກະເວົ້າສຸມສີ່ ສຸມຫ້າ ໄປຊື່ໆຕິບໍ".

ເມື່ອກ່ອນໜ້ານີ້ ພົນເອກ ສະເຫລີມໄຊ ສິດທິສາດ ຜູ້ບັນຊາການທະຫານບົກຂອງໄທ ໄດ້ກ່າວຕໍ່ສື່ມວນຊົນ ວ່າບໍ່ໄດ້ຮັບ ຣາຍງານກ່ຽວກັບ ຂ່າວດັ່ງກ່າວ, ທ່ານບໍ່ຮູ້ໃນ ເຣຶ່ອງນີ້:

"ທ່ານກ່າວວ່າ ບໍ່ມີ,ບໍ່ມີ ຂ້າພະເຈົ້າບໍ່ຮູ້, ຖ້າຢູ່ໃນລາວ ຂ້າພະເຈົ້າ ກະບໍ່ຮູ້, ພຽງແຕ່ວ່າ ເຮົາບໍ່ຮູ້ຣາຍລະອຽດວ່າ ຂໍ້ມູນທີ່ໄດ້ຮັບ ຈະແທ້ຫຼືບໍ່ ຢ່າງໃດ, ແລະວ່າ ທີ່ສໍາຄັນກໍຄື ເປັນ ເຣຶ່ອງຣະຫວ່າງ ປະເທສ".

ສໍາລັບຂໍ້ຫາຕາມໝາຍຈັບ ໂກຕີ ທີ່ເປັນຜູ້ຕ້ອງຫາ ຂອງທາງການໄທ ນັ້ນຄືມີອາວຸດສົງຄາມ ໄວ້ໃນຄອບຄອງ ເພື່ອກໍ່ເຫດຮຸນແຮງ ທ.ໂກຕີ ອະດີດເຄີຍເປັນແກນນໍາ ຂອງກຸ່ມ ແນວຮ່ວມ ປະຊາທິປິໄຕ ຕໍ່ຕ້ານ ຜະເດັດການ ແຫ່ງຊາດ ຫລື ກຸ່ມຄົນເສື້ອແດງ ໃນ ປະເທສໄທ.

ຕາມກະແສຂ່າວວ່າ ໂກຕີ ໄດ້ຫລົບໜີໄປຢູ່ ສປປລາວ ຈົນກະທັ້ງຖືກ ຄົນໃສ່ຊຸດດໍາ ກຸ່ມນຶ່ງປະມານ 10 ຄົນ ໄປຈັບຢູ່ບ້ານພັກ ແລະນໍາ ຕົວຂ້າມໄປ ໄທແລ້ວ. ແຕ່ຂ່າວນັ້ນ ບໍ່ໄດ້ບອກ ໃຫ້ຮູ້ວ່າ ຈັບຢູ່ໃສ,ບ້ານໃດ,ເມືອງໃດ. ພຽງແຕ່ບອກວ່າ ຢູ່ນະຄອນຫຼວງວຽງຈັນ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

VT585

ຈາກ KENGKOK

ຄັນບໍ່ບີບຫມາກອັນທະຂອງສປປລ ຈ້າງເຈົ້າ ຫ້າຊາດກໍ່ບໍ່ໄດ້ ຄວາມເທດຈິງຈາກເຂົາ. ຄຳງ່າຍໆທີ່ພວກເພິນແກ້ດໂຕ ເອົາຕົວລອດ ມີແຕ່ວ່າ ໄອດົ້ງໂນ ບໍ່ຮູ້ບໍ່ເຫັນ ແລະກໍ່ແລ້ວກັນໄປພວກທີ່ຖືກເຄາະຮ້າຍ ກໍ່ຕ້ອງຮັບກຳຂອງຕົວເອງຕໍ່ໄປ. ຢ່າໄດ້ຄິດວ່າກົດຫມາຍ ຈະຄູ້ມຄອງທ່ານຕະຫລອດ ຮັກສາຕົວເອງໃວ້ນັ້ນລະດີທີ່ສຸດ. ຄອມມັນກະຍັງແດງຄືເກົ່ານັ້ນລະ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2017 02:04 PM

(

What? Lao authorities know nothing about Ko Tee ? They lie, lie , lie and lie. Remember Sombath they know nothing about that too huh. Never trust commies Free World countries.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 03, 2017 09:12 AM

ເຕັມຫນ້າ