ທ.ທອງລຸນຮຽກຮ້ອງຮ່ວມກັນ ແກ້ ບັນຫາ

ສົມເນ
2016-09-25
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປ ລາວ ຮຽກຮ້ອງ ຜູ້ນໍາໃນໂລກ ຮ່ວມກັນ ແກ້ໄຂບັນຫາ ທ້າທາຍຕ່າງໆ
ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປ ລາວ ຮຽກຮ້ອງ ຜູ້ນໍາໃນໂລກ ຮ່ວມກັນ ແກ້ໄຂບັນຫາ ທ້າທາຍຕ່າງໆ
Courtesy of UN Photo

ໃນຕອນບ່າຍ ຂອງ ວັນທີ 23 ກັນຍາ 2016 ນີ້ ນາຍົກ ຣັຖມົນຕຣີ ສປປ ລາວ ທ່ານ ທອງລຸນ ສີສຸລິດ ຫົວໜ້າ ຜູ້ແທນ ສປປ ລາວ ທີ່ເຂົ້າຮ່ວມ ກອງປະຊຸມ ປະຈຳປີ ຂອງ ສະມັດຊາໃຫຍ່ ອົງການ ສະຫະ ປະຊາຊາຕ ສະໄໝ ທີ 71 ທີ່ ນະຄອນ ນີວຢອກ ສະຫະຣັຖ ອະເມຣິກາ ໄດ້ຖແລງຕໍ່ ກອງປະຊຸມ ໂດຍຂຶ້ນຕົ້ນ ດ້ວຍການກ່າວ ເຖິງ ບັນຫາ ທ້າທາຍ ທີ່ ໂລກ ກໍາລັງ ປະເຊີນຢູ່, ໃນນັ້ນ ກໍມີ ການ ກໍ່ການຮ້າຍ, ຄວາມທຸກຍາກ ການປ່ຽນແປງ ຂອງ ດິນຟ້າ ອາກາດ ເສຖກິດໂລກ ບໍ່ໝັ້ນຄົງ ແລະ ຮຽກຮ້ອງ ໃຫ້ແກ້ໄຂ ບັນຫາ ທ້າທາຍ ຕ່າງໆ ຮ່ວມກັນ: ....ສຽງ ...

ທ່ານ ທອງລຸນ ຖແລງວ່າ ການແກ້ໄຂ ບັນຫາ ທ້າທາຍ ທີ່ກ່າວມານັ້ນ ຈະຕ້ອງສືບຕໍ່ ປະຕິບັດ ຕາມຫລັກການ ພື້ນຖານ ສະຫະປະຊາ -ຊາຕ, ສົ່ງເສີມ ການພັທນາ ຊ່ວຍເຫລືອ ຊຶ່ງກັນ ແລະກັນ ແລະ ຈັດຕັ້ງ ປະຕິບັດ ວາຣະ 2030 ເພື່ອ ການພັທນາ ແບບຍືນຍົງ. ພ້ອມນັ້ນ ທ່ານ ທອງລຸນ ຂໍໃຫ້ແກ້ໄຂ ບັນຫາ ການຂັດແຍ້ງ ຕ່າງໆ ຂອງພາກພື້ນ ແລະ ສາກົນ ດ້ວຍສັນຕິ ວິທີ: ສຽງ ...

ທ່ານ ທອງລຸນໄດ້ ກ່າວຢໍ້າວ່າ ວ່າ ອົງການ ສະຫະປະຊາຊາຕ ຕ້ອງໄດ້ ເພີ້ມທະວີ ຄວາມເຂັ້ມແຂງ ແລະ ຄວາມສັກສິດ ໃນ ການແກ້ໄຂ ບັນຫາ ສໍາຄັນ ຂອງໂລກ ແລະວ່າ ສປປ ລາວ ຂໍຢືນຍັນ ໃນ ເຈຕະນາຣົມ ສືບຕໍ່ໃຫ້ ຄວາມຮ່ວມມື ກັບວົງ ຄະນາຍາຕ ສາກົນ ໃນການ ສ້າງ ໂລກ ໃຫ້ມີຄວາມສງົບ ຄວາມເປັນທັມ ແລະ ວັດທະນາ ຖາວອນ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

ສອນ

ຈາກ ປາກຊັນ

ຢາກໄດ້ແຕ່ເງີນສ້າງຮັ່ງຄູນມີ ສໍ້ລາດອັດຕາອັດຫູອັດປາກ ປະຊາຊົນຜູ້ໃດປາກວ່າ ພັກລັດສໍ້ລາດຜູ້ນັ້ນເສຍຊີວິດ ນີ້ແມ່ນນະໂຍກົນອຸບາຍພັກລັດ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 30, 2016 09:52 AM

ລາວ

ຈາກ ວຽງຈັນ

ການແກ້ໄຂ້ບ້ານເມືອງ ມັນຊິຍາກຫຍັງ ກໍພາກັນສໍ້ລາດ ແຕ່ສູງສຸດຮອດລຸ່ມສຸດ ໃຜກິນໄດ້ກໍກິນເລີດກິນຈົນບໍ່ຢາກກິນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 30, 2016 09:51 AM

ເຈລະໄນ

ຈາກ ສປປລາວ

ຕົວຕະລົກສົກສວຍໂອກາດ ຂອງສັງຄົມຍຸກໂລກາພິວັດ ຄ້າງຢູ່ໃນ ສປປລາວ ແທ້ໆ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 26, 2016 03:02 PM

Lao oz

ຈາກ Victoria

ຮຽກຮ້ອງໃຫ້ພັທນາແບບຍຶນຍົງ ເປັນຫຍັງຈຶ່ງຕັດໄມ້ທຳລາຍປ່າ ສ້າວເຂື່ອນເຕັມບ້ານເຕັມເມືອງ ຮຽກຮ້ອງໃຫ້ແກ້ໄຂ ບັນຫາຢ່າງສັນຕິ ແຕ່ພາຍໃນປະເທດຊໍ້າພັດປາບປາມ ປະຊາຊົນ ອູ້ມຫາຍສາບສູນຢ່າງ ສົມບັດ ສົມພອນ ຢ່າສັງສອນ ໂລກ ເຮັດຊາດໂຕເອງໃຫ້ມັນຫລ້ອນກ່ອນ ອາຍເຂົາ


Sep 26, 2016 03:38 AM

ເຕັມຫນ້າ