ພັກປະຕິວັດລາວປະຊຸມ ເດືອນໜ້າ

ສິດນີ
2015-12-28
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທໍານຽບປະທານປະເທດ ສປປ ລາວ ທີ່ນະຄອນຫລວງວຽງຈັນ
ທໍານຽບປະທານປະເທດ ສປປ ລາວ ທີ່ນະຄອນຫລວງວຽງຈັນ
Wikipedia

ພັກ ປະຊາຊົນ ປະຕິວັດ ລາວ ຕຣຽມ ຈັດ ກອງປະຊຸມ ຄົບຄນະ ບໍຣິຫານ ສູນກາງ ພັກ ເທື່ອ ສຸດທ້າຍ ຂອງ ສມັຍທີ 9 ແລະ ຈະຈັດ ກອງປະຊຸມ ໃຫຍ່ ຄັ້ງທີ 10 ໃນກາງ ເດືອນຫນ້າ ເພື່ອ ແຕ່ງຕັ້ງ ເລຂາທິການ ພັກ ຄົນໃຫມ່ ແທນ ທ່ານ ຈູມມະລີ ໄຊຍະສອນ ເລຂາທິການ ພັກ ຄົນ ປັດຈຸບັນ ແລະ ກັມມະການ ກົມການເມືອງ ສູນກາງພັກ ຊຸດໃຫມ່. ດັ່ງ ເຈົ້າຫນ້າທີ່ ຄນະ ໂຄສະນາ ອົບຮົມ ສູນກາງພັກ ເປີດເຜີຍ ຕໍ່ ເອເຊັຽເສຣີ ໃນມື້ວັນ ທີ 28 ທັນວາ ນີ້ວ່າ:

"ປະມານ ກາງເດືອນ 1 ນີ້ແຫລະ ກໍຈະແມ່ນ ຜູ້ໃຫມ່ ຖ້າຍັງໄດ້ ຜູ້ເກົ່າຢູ່ ກໍແມ່ນ ຜູ້ເກົ່າ ຖ້າ ເພິ່ນ ສມັກເດ້".

ໃນ ປັດຈຸບັນ ຍັງບໍ່ຮູ້ ແນ່ວ່າ ທ່ານ ຈູມມະລີ ໄຊຍະສອນ ຈະໄດ້ຮັບ ເລືອກເປັນ ເລຂາທິການ ໃຫຍ່ ຂອງພັກ ອີກ ສມັຍນຶ່ງ ໄດ້ບໍ ເພາະ ຕາມກົດຫມາຍ ສະບັບ ປັບປຸງ ປີ 2015 ທີ່ຫາກໍຜ່ານ ສະພາ ໃນອາທິດ ກ່ອນ ຣະບຸວ່າ ຜູ້ມີ ສິດຮັບ ຕຳແຫນ່ງ ປະທານ ປະເທດ ບໍ່ເກີນສອງສມັຍ ຫລື ບໍ່ເກີນ 10 ປີ. ໃນ ຣະຍະ 40 ປີ ຜ່ານມາ ສ່ວນໃຫຍ່ ຜູ້ທີ່ເປັນ ເລຂາທີການ ໃຫຍ່ ຂອງພັກ ຈະເປັນ ປະທານ ປະເທດ ນຳ.

ທ່ານ ທອງສິງ ທັມມະວົງ ນາຍົກ ຣັຖມົນຕຣີ ລາວ ກ່າວຕໍ່ ກອງປະຊຸມ ສະພາ ແຫ່ງຊາດ ໃນ ອາທິດ ທີ່ ຜ່ານມາວ່າ ປີ 2016  ພັກ ປະຊາຊົນ ປະຕິວັດລາວ ຈະມີວຽກ ງານສຳຄັນ ຫລາຍຢ່າງ ນຶ່ງໃນນັ້ນ ກໍແມ່ນ ການຈັດ ກອງປະຊຸມ ໃຫຍ່ ພັກ ຄັ້ງ ທີ 10 ຈື່ງຢາກໃຫ້ ບັນດາສະຫາຍ ເອົາໃຈໃສ່ ໃນການຮັກສາ ຄວາມສງົບ ເພື່ອໃຫ້ ກອງ ປະຊຸມ ດັ່ງກ່າວ ມີບັນຍາກາດ ດີ ແລະ ປະສົບ ຄວາມສຳເຣັດ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ເກດສະດົງ

ຈາກ ວຽງຈັນ

ດີຫລືຮ້າຍ ໄລຍະ 40 ປີ ຜ່ານມາແລ້ວຍົກໆ, ປະຊາຊົນລາວເຮົາ ຕ້ອງຮູ້ລົດລະປະວາງ ຄວາມທຸກຂ໌, ຈົ່ງສ້າງຕົນເອງ ໃຫ້ເປັນທີ່ເພິ່ງ ຂອງຕົນເອງໃຫ້ໄດ້, ບໍ່ຕ້ອງໄປໃສ່ໃຈ ນຳພັກ-ລັດ ແສນໂຫດຮ້າຍ ສາມານ ຊາຕານ ທຸກຮູບແບບ ນັ້ນອີກເລີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2015 11:08 AM

ເຕັມຫນ້າ