3 ຣັຖມົນຕຣີປ້ອງກັນ ປະເທດ ຈະພົບກັນ

ຈໍາປາທອງ
2018-01-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ່ານ ພົນໂທ ຈັນສະໝອນ ຈັນຍາລາດ (ຜູ້ທີສອງຈາກຂວາມື) ຣັຖມົນຕຣີ ກະຊວງປ້ອງກັນປະເທດ ສປປ ລາວ
ທ່ານ ພົນໂທ ຈັນສະໝອນ ຈັນຍາລາດ (ຜູ້ທີສອງຈາກຂວາມື) ຣັຖມົນຕຣີ ກະຊວງປ້ອງກັນປະເທດ ສປປ ລາວ
screen captured from Russian Embassy in Laos FB page

ຣັຖມົນຕຣີກະຊວງປ້ອງກັນປະເທສ ສປປລາວ ວຽດນາມ ແລະກຳພູຊາ ຈະປະຊຸມປຶກສາຫາລື ໃນບັນຫາຊາຍແດນ ຣະຫວ່າງ ສາມປະເທດ ທີ່ນະຄອນຫລວງວຽງຈັນ ໃນອາທິດໜ້ານີ້.

ກະຊວງປ້ອງກັນປະເທດກຳພູຊາ ເວົ້າໃນມື້ວານນີ້ວ່າ ທ່ານ ເຕບານ ຣັຖມົນຕຣີປ້ອງກັນປະເທດກຳພູຊາ ຈະເດີນທາງໄປລາວເພື່ອເຂົ້າຮ່ວມ ກອງປະຊຸມ ດັ່ງກ່າວ ກັບປະເທດເພື່ອນບ້ານ ລາວ ແລະວຽດນາມ ແຕ່ມື້ວັນເສົາ ຫາມື້ວັນພຸດ ຂອງອາທີດຫນ້າ.

ສໍາລັບສປປລາວ ອາດຈະເວົ້າເຣື້ອງຄວາມຂັດແຍ່ງ ທາງດ້ານຊາຍແດນ ທີ່ຍັງບໍ່ທັນລົງລອຍກັນ ຢູ່ໃນເວລານີ້ ຊຶ່ງສະແດງອອກຢູ່ໃນຄໍາເວົ້າ ຂອງ ເຈົ້າຫນ້າທີ່ລາວ ຜູ້ບໍ່ປະສົງອອກຊື່ ທ່ານນຶ່ງ ຕໍ່ວິທຍຸເອເຊັຍເສຣີ ວ່າງຫຼັງໆມານີ້ວ່າ.

"ກອງປະຊຸມຣະຫວ່າງຈຳປາສັກ ກັບຊຽງແຕງ ຫັ້ນສຳເຣັດແລ້ວ, ເນື້ອໃນກອງປະຊຸມ ທີ່ຊິເອົາກັນຈັ່ງໃດ ລະຖືວ່າຍັງບໍ່ລົງລອຍກັນເທື່ອ. ຜົລການປະຊຸມຫັ້ນກະຍັງ ບໍ່ທັນໄດ້ຣະບຸຣະອຽດນ່າ ເພາະວ່າຖືວ່າບໍ່ມີແນວ ຕົກລົງກັນໄດ້, ເວົ້າກັນແນວນັ້ນໂລດ ບໍ່ມີແນວຕົກລົງກັນໄດ້. ພວກເຮົາຫັ້ນສເນີໃຫ້ ກຳພູຊາ ອອກຈາກຂອບເຂດ ຊາຍແດນເບື້ອງລະ 50 ແມັດ, ມັນກະຍັງບໍ່ອອກ."

ໃນຣະຫວ່າງກອງປະຊຸມດັ່ງກ່າວ ທ່ານ ເຕບານ ຈະໄດ້ແຍກພົບພໍ້ຫາລືກ່ຽວກັບບັນຫາດັ່ງກ່າວ ຕ່າງຫາກກັບ ຣັຖມົນຕຣີ ປ້ອງກັນ ປະເທດ ຂອງ ສປປລາວ ແລະກັບຣັຖມົນຕຣີ ປ້ອງກັນປະເທດ ວຽດນາມ ຕ່າງຫາກ ຖແລງການຂອງກະຊວງ ປ້ອງກັນປະເທດ ກຳພູຊາ ຣະບຸວ່າ ສາມຝ່າຍຈະໄດ້ລົງນາມ ໃນຂໍ້ຕົກລົງກ່ຽວກັບ ການຮ່ວມມື ຣະຫວ່າງສາມປະເທດ ພາຍຫລັງສີ້ນສຸດ ກອງປະຊຸມນັ້ນ.

ໂຄສົກກະຊວງປ້ອງກັນປະເທດກຳພູຊາ ຖແລງວ່າກອງປະຊຸມ ຈະເນັ້ນໃສ່ການຮ່ວມມື ໃນດ້ານການປ້ອງກັນຄວາມປອດພັຍ ຕາມແນວ ຊາຍແດນ ຣະຫວ່າງ ສາມປະເທດ.

ສຳລັບກັບວຽດນາມ ກຳພູຊາກໍມີບັນຫາ ທາງດ້ານຊາຍແດນ ຊຶ່ງເມື່ອຫລັງໆມານີ້ ວຽດນາມ ໄດ້ປິດຖນົນ ທີ່ໄປຫາ ແຂວງຣັດຕະນະຄີຣີ ຂອງກຳພູຊາ ຍ້ອນວຽດນາມ ເຂົ້າໃຈວ່າ ຊາວກຳພູຊາ ລ່ວງລ້ຳເຂົ້າໄປໃນເຂດແດນຂອງຕົນ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ