ພັກ ມີຊື່ຜູ້ເລືອກຕັ້ງແລ້ວ

ສິດນີ
2016-01-13
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ການເລືອກຕັ້ງສະມາຊິກສະພາ ຊຸດທີ 6 ຂອງ ສປປ ລາວ
ການເລືອກຕັ້ງສະມາຊິກສະພາ ຊຸດທີ 6 ຂອງ ສປປ ລາວ
RFA

ສະມາຊິກ ສະພາ ແຫ່ງຊາດ ທ່ານນຶ່ງ ທີ່ ແຂວງ ອັດຕະປື ເວົ້າວ່າ ປັດຈຸບັນ ບັນດາ ແຂວງຕ່າງໆ ໃນ ທົ່ວປະເທດ ກຳລັງ ຮິບໂຮມ ຣາຍຊື່ ຜູ້ສມັກ ເລືອກຕັ້ງເປັນ ສະມາຊິກ ສະພາ ແຫ່ງຊາດ ຊຸດທີ 8 ແລະ ສະພາ ຂັ້ນແຂວງ ເທື່ອ ທຳອິດ ຊຶ່ງ ຜູ້ສມັກ ທັງຫມົດ ແມ່ນ ພັກ ຄັດເລືອກ ມາໃຫ້ກ່ອນແລ້ວ. ດັ່ງທ່ານ ກ່າວ ຕໍ່ເອເຊັຽ ເສຣີ ໃນ ມື້ວັນທີ 12 ມົກກະຣາ ນີ້ວ່າ:

"ອັນນຶ່ງ ເພິ່ນໄດ້ສັນຫາ ຢູ່ໃນຮອງ ເຈົ້າແຂວງ ຜແນກການ ອ້ອມຂ້າງ ຂອງ ແຂວງເຮົານີ້ ໂດຍສະເພາະ ເນັ້ນໃສ່ ແນວລາວ ສ້າງຊາດ ຊາຍຫນຸ່ມ ຍິງສາວ ກຳມະບານ ພາຍຫລັງທີ່ ເພິ່ນຄັດແລ້ວ ຈັ່ງ ມາສມັກ ທີຫລັງ ກໍຢາກຍາກ ໜ້ອຍນຶ່ງ ເພາະວ່າ ທາງ ຄນະໄດ້ຄັດ ເລືອກ ແລ້ວ ພວກເຮົາ ກໍເຮັດຕາມ ມະຕິ ຂອງຄນະ ກັມມະການ ເລືອກຕັ້ງ ແຫ່ງຊາດ".

ທ່ານ ກ່າວຕື່ມວ່າ ທາງການ ໄດ້ ເປີດໂອກາດ ໃຫ້ ພາກສ່ວນ ຕ່າງໆ ແລະ ປະຊາຊົນ ໂດຍທົ່ວໄປ ສາມາດ ຮັບສມັກ ເລືອກຕັ້ງໄດ້ ເຊັ່ນກັນ ແຕ່ອາດຈະຍາກ ທີ່ ຈະມີຜູ້ ປ່ອນບັດ ເລືອກເອົາ. ເອເຊັຽ ເສຣີ ກໍໄດ້ສອບຖາມ ໄປຍັງ ຫ້ອງການ ສະມາຊິກ ສະພາ ແຫ່ງຊາດ ໃນແຂວງ ອື່ນໆ ເປັນຕົ້ນ ແຂວງ ໄຊຍະບູຣີ ກໍໄດ້ຮັບ ຄຳຕອບ ແບບດຽວກັນ ເຈົ້າຫນ້າທີ່ ນາງນຶ່ງ ເວົ້າວ່າ, ກຳລັງ ຮິບໂຮມ ຣາຍຊື່ ຜູ້ສມັກ ເມື່ອປະກາດ ຣາຍຊື່ ຢ່າງເປັນ ທາງການແລ້ວ ກໍຈະເລີ້ມ ໃຫ້ຜູ້ສມັກ ຫາສຽງໄດ້, ຊຶ່ງ ກົດຣະບຽບ ການຫາ ສຽງ ກໍຕ້ອງໃຫ້ ສອດຄ່ອງ ຕາມ ນະໂຍບາຍ ຂອງ ພັກ-ຣັຖ. ດັ່ງ ຍານາງ ກ່າວ ຕອນນຶ່ງວ່າ:

"ມັນຈະເປັນ ຄນະ ໄປຫັ້ນແຫຼະເນາະ ເຮົານີ້ມັນ ພັກດຽວ ບໍ່ແມ່ນວ່າ ໄປເລາະ ໂຄສະນາ ຫາສຽງ ເອົາຜູ້ດຽວ ແມ່ນ ເປັນ ໄປບໍ່ໄດ້ ຕົວນີ້ ພວກເຮົາຕ້ອງ ມີຣະບຽບ ຫລັກການ ມີການນຳ".

ນາງວ່າ ສຳລັບ ການສັນຫາ ຜູ້ສມັກ ທີ່ແຂວງ ໄຊຍະບູຣີ ເກືອບ ຈະສຳເຣັດແລ້ວ ຂນະນີ້ ມີຣາຍຊື່ ຜູ້ສມັກ ສະມາຊິກ ສະພາ ແຫ່ງຊາດ ຢ່າງນ້ອຍ 12 ຄົນ ສະພາ ຂັ້ນແຂວງ 39 ຄົນ ການເລືອກຕັ້ງ ທັງສອງ ສະພາ ຈະມີຂຶ້ນ ພ້ອມກັນ ວັນທີ 20 ມິນາ ປີ ນີ້.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

ດວງດີ

ຈາກ ວຽງຈັນ

ການລາກຕັ້ງນັ້ນແລ້ວ ເປັນວິທີການຂອງພັກນຳພາ ລັດຄູ່ມຄອງ ປະຊາຊົນເປັນເຈົ້າ ມີປະຊາທິປະໄຕລວມສູນ ຢ່າງສົມບູນແບບດີ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 17, 2016 02:31 PM

kuv

ຈາກ xeev khuam

we laos people don't believed your corruption communist party government we don't wanted to vote you, we lost our time to vote the lying people like you, the people who we loved to vote for our president can't win the vote because the communist party so corruption the vote. We are not stupid like 25 years ago


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 15, 2016 11:01 AM

ເຕັມຫນ້າ