ລາວທຸກຄົນມີສິດສມັກ ເລືອກຕັ້ງ

ສິດນີ
2016-01-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ສະຖາບັນ ສູງສຸດ ສະພາ ແຫ່ງຊາດ ສປປ ລາວ
ສະຖາບັນ ສູງສຸດ ສະພາ ແຫ່ງຊາດ ສປປ ລາວ
LPDR

ເຈົ້າຫນ້າທີ່ ສະພາ ແຫ່ງຊາດລາວ ເວົ້າວ່າ ການເລືອກຕັ້ງ ສະມາຊິກ ສະພາ ແຫ່ງຊາດ ຊຸດທີ 8 ແລະ ສະມາຊິກ ສະພາ ຂັ້ນແຂວງ ເທື່ອທຳອິດ ໃນ ວັນທີ 20 ມິນາ ປີ 2016 ນີ້ ຈະເປີດໃຫ້ ທຸກພາກສ່ວນ ບໍ່ຈຳເປັນ ຕ້ອງເປັນ ສະມາຊິກ ຂອງພັກ. ດັ່ງທ່ານ ກ່າວຕໍ່ ເອເຊັຽ ເສຣີ ໃນວັນທີ 8 ມົກກະຣາ ນີ້ວ່າ:

"ມັນກໍຫຼາຍ ພາກສ່ວນ ເພິ່ນເປີດກວ້າງ ແລ້ວນະ ນັກ ທຸຣະກິດ ກໍໄດ້ ຫຍັງກໍໄດ້ ມີແຕ່ວ່າຄົບ ມາຕຖານ ກໍໄດ້ໂລດ ອາຍຸ 21 ປີ ຂື້ນໄປ ກະສາມາດ ບໍ່ໆ ບໍ່ຈຳເປັນ ປະຊາຊົນ ທົ່ວໄປ ສມັກໄດ້ ໂລດ".

ທ່ານວ່າ ການເລືອກຕັ້ງ ເທື່ອນີ້ຈະໃຊ້ ຫລັກເກນ ທີ່ເຄີຍໃຊ້ ຜ່ານມາ ໂດຍຈະໄລ່ ຈຳນວນ ສະມາຊິກ ສະພາ ຕໍ່ ອັດຕຣາສັດສ່ວນ ຂອງ ພົລເມືອງ 50 ພັນ ຄົນຕໍ່ ສະມາຊິກ ສະພາ 1 ຄົນ. ທ່ານກ່າວ ເພີ້ມວ່າ:

"ຕົວເລກ ນີ້ມັນກໍຕາມ ຣັຖທັມມະນູນ ຫັ້ນແຫລະ, 50 ພັນຄົນຕໍ່ ສະມາຊິກ ສະພາ 1 ຄົນ ອັດຕຣາ ຕົວນີ້ ແມ່ນຄືເກົ່າ".

ສຳລັບ ສະມາຊິກ ສະພາ ຂັ້ນ ແຂວງນັ້ນ ກໍຈະຄິດໄລ່ ແບບດຽວກັນ ຊຶ່ງ ແຕ່ລະແຂວງ ຈະມີ ສະມາຊິກ ສະພາ ບໍ່ຕ່ຳກວ່າ 15 ຄົນ. ເຈົ້າຫນ້າທີ່ ສະພາ ແຫ່ງຊາດ ທ່ານນີ້ ເວົ້າວ່າ ໃນ ປັດຈຸບັນ ທາງການ ກຳລັງ ຕຣຽມເປີດຮັບ ຜູ້ສມັກ ຫນັງສືພິມ ທາງການ ລາວ ຣາຍງານວ່າ, ໃນ ອາທິດ ຜ່ານມາ ຄນະກັມມະການ ເລືອກຕັ້ງ ແຫ່ງຊາດ ໄດ້ປະຊຸມ ຕຣຽມການ ເລືອກຕັ້ງ ຄາດວ່າ ການເລືອກຕັ້ງ ເທື່ອນີ້ ຈະມີຜູ້ສມັກ ເຖິງ 700 ຄົນ ແລະ ຈະເລືອກເຂົ້າເປັນ ສະມາຊິກ ສະພາ ປະມານ 150 ຄົນ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

Lao

ຈາກ V/T

They're voting just for them famalies! Having anybody saw a lao poeple putting paper in the box like Mr thongloun or thongsing and yathortou? No that's a F same like they was doing before not going to be changing anything.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:26 AM

ດວງດີ

ຈາກ ວຽງຈັນ

ມີແຕ່ພວກມັກທິດສະດີ ສະລາດສ່ອງໃສ ໄປຕາມປ່ອງລ່ອງຕາມ ແນວແກວແດງສັ່ງນັ້ນລະຕີ້ ທີ່ມີຄວາມທະເຍີທະຍານ ຢາກຈະສະມັກ ເປັນສະມາຊິກສະພາ ແຕ່ລະຂັ້ນ ຕາມພວກເພິ່ນ ຕ້ອງການ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 17, 2016 02:33 PM

ສີສົມເດດ ສີຫານາດ

ຈາກ ຝຮັ່ງເສດ

ການເລືອກຕັ້ງໃນສປປລາວ : ເຈົ້າຫນ້າທີ່ ສະພາ ແຫ່ງຊາດລາວ ເວົ້າວ່າ ການເລືອກຕັ້ງ ສະມາຊິກ ສະພາ ແຫ່ງຊາດ ຊຸດທີ 8 ແລະ ສະມາຊິກ ສະພາ ຂັ້ນແຂວງ ເທື່ອທຳອິດ ໃນ ວັນທີ 20 ມິນາ ປີ 2016 ນີ້ ຈະເປີດໃຫ້ ທຸກພາກສ່ວນ ບໍ່ຈຳເປັນ ຕ້ອງເປັນ ສະມາຊິກ ຂອງພັກ. ດັ່ງທ່ານ ກ່າວຕໍ່ ເອເຊັຽ ເສຣີ ໃນວັນທີ 8 ມົກກະຣາ ນີ້ວ່າ:

"ມັນກໍຫຼາຍ ພາກສ່ວນ ເພິ່ນເປີດກວ້າງ ແລ້ວນະ ນັກ ທຸຣະກິດ ກໍໄດ້ ຫຍັງກໍໄດ້ ມີແຕ່ວ່າຄົບ ມາຕຖານ ກໍໄດ້ໂລດ ອາຍຸ 21 ປີ ຂື້ນໄປ ກະສາມາດ ບໍ່ໆ ບໍ່ຈຳເປັນ ປະຊາຊົນ ທົ່ວໄປ ສມັກໄດ້ ໂລດ".

ຢາກຖາມ ທາງການສະພາແຫ່ງຊາດວ່າ
໑.“ເພິ່ນໄດ້ເປີດໃຫ້ມີ ຫລາຍພັກການເມືອງ ແລ້ວແມ່ນບໍ?
໒.ຄຳວ່າເປີດກວ້າງຫມາຍຄວາມວ່າ ເພີ່ນຊີບໍ່ທຳການເລືອກຕັ້ງແບບຮ່ວມສູນ ແບບຣັດທິຄອມມຸຍນີດ ເຮັດແບບຄັ້ງທີຜ່ານມາ ແລ້ວແມ່ນບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 12, 2016 03:54 PM

ທອງລູນ

ຈາກ ໄຊຟອງ

ປາກງັບຂື້ນງັບລົງ ມັນງ່າຽ ແຕ່ພາກປະຕິບັດ ມັນບໍ່ແມ່ນດັ່ງເວົ້າ ເພາະວ່າ ເວລາໄປນັບຄະແນນນັ້ນ ບໍ່ມີຄົນນອກ ທີ່ຈະມີສິດ ໄປນັບນໍາພັກລັດ ສະນັ້ນ ຜູ້ທີ່ຈະໄດ້ຮັບເລືອກຕັ້ງ ຄົງເໝືອນເດີມ ພຽງແຕ່ເຮັດຕົບຕາ ຄົນຕ່າງຊາຕ ແລະ ຄົນທີ່ໂງ່ເທົ່ານັ້ນ.
ຂໍຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 12, 2016 03:42 PM

Lao

ຈາກ Lao

Hope! When they're opening the vote box, make sure a front of all Lao poeple and I will believe you.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 12, 2016 03:39 PM

ເບິ່ງຄວາມເຫັນທັງໝົດ.

ເຕັມຫນ້າ