ຣາຍງານສິດທິມະນຸສໃນລາວ

ສົມເນ
2014.02.28
F-john ທ່ານ John F. Kerry ຣັຖມົນຕຣີ ການຕ່າງປະເທດ ສະຫະຣັດ ອະເມຣິກາ
US State department

 

ທ່ານ John Kerry ຮັຖມົນຕຣີຕ່າງປະເທດສະຫະຣັຖຖະແຫລງໃນຣາຍງານການປະຕິບັດສິດທິມະນຸດປີ2013ໃນທົ່ວໂລກໃນວັນທີ27ກຸມພາ ວ່າ:ປີນີ້ຄົບຮອບຂີດໝາຍ 65 ປີຂອງການປະກາດສິດທິມະນຸດສາກົນ.ທ່ານວ່າຣາຍງານຂອງກະຊວງການຕ່າງປະເທດສະຫະຣັຖອະເມຣິກາ ກ່ຽວກັບການປະຕິບັດສິດທິມະນຸດໃນແຕ່ລະປະເທດນັ້ນໄດ້ເນັ້ນໃສ່ການສືບຕໍ່ສະແຫວງຫາສິດທິເສຣີພາບແລະຄວາມສະເໝີພາບແບບມີສັກ ສີຂອງສິດທິມະນຸດ.

ສໍາລັບການປະຕິບັດສິດທິມະນຸດໃນລາວ,ຣາຍງານໄດ້ຣະບຸໂດຍຫຍໍ້ວ່າສປປລາວຍັງເປັນຣັຖຜະເດັດການປົກຄອງໂດຍພັກດຽວພັກປະຊາຊົນ ປະຕິວັດລາວທີ່ຣັຖທັມມະນູນຮັບຮູ້.ການເລືອກຕັ້ງເມື່ອປີ2011ຖືວ່າບໍ່ເສຣີບໍ່ເປັນທັມ.ອໍານາດການປົກຄອງຄວບຄຸມກໍາລັງຮັກສາຄວາມປອດພັຍ ຢ່າງມີປະສິດທິພາບ,ເຈົ້າໜ້າທີ່ຮັກສາຄວາມປອດພັຍບາງຄົນໃຊ້ອໍານາດເກີນຂອບທາງສິດທິມະນຸດ.

ບັນຫາສິດທິມະນຸດໂຕທີ່ສໍາຄັນທີ່ສຸດຍັງມີຢູ່ຕໍ່ໄປ.ຣັຖບານປະຕິເສດບໍ່ໃຫ້ປະຊາຊົນມີສິດໃນການປ່ຽນຣັຖບານ,ສະພາບຄຸກຂັງໃນບາງແຫ່ງຍັງ ໂຫດຫ້ຽມຢູ່,ແລະການສໍ່ຣາສບັງຫລວງໃນວົງການຕໍາຫຣວດແລະສານເຮັດໃຫ້ຂາດຂັ້ນຕອນການດໍາເນີນການກະທໍາຜິດແລະການຈັບກຸມຫລື ກັກໂຕບຸກຄົນແບບຕາມອໍາເພີໃຈ.

ບັນຫາສິດທິມະນຸດອື່ນໆກໍມີການໃຊ້ຄວາມຮຸນແຮງຕໍ່ນັກໂທດໂດຍເຈົ້າໜ້າທີ່ຕໍາຫຣວດແລະເຈົ້າໜ້າທີ່ຮັກສາຄວາມປອດພັຍບາງຈໍານວນ. ຣັຖບານຣະເມີດສິດເສຣີພາບການປາກເວົ້າການອອກຂ່າວການໂຮມຊຸມນຸມການສະມາຄົມຕລອດຮອດສິດທິສ່ວນບຸກຄົນ.ຣັຖບານຈໍາກັດສິດ ທິເສຣີພາບດ້ານວິຊາການຈໍາກັດເສຣີພາບດ້ານສາສນາໃນທ້ອງຖິ່ນບັນຫາການຄ້າມະນຸດການຈໍາແນກໃນສັງຄົມດ້ານເພດວັຍແລະຕໍ່ຜູ້ຕິດ ເຊື້ອໂຣຄHIV ແລະເປັນ AIDS.ຣັຖບານບໍ່ເອົາມາຕການດໍາເນີນຄະດີແລະລົງໂທດພະນັກງານຣັຖເຈົ້າໜ້າທີ່ຕໍາຫຣວດແລະເຈົ້າໜ້າທີ່ຮັກ ສາຄວາມປອດພັຍທີ່ເຮັດຄວາມຜິດໃນການໃຊ້ອໍານາດເກີນຂອບເຂດ.ຣາຍງານການປະຕິບັດສິດທິມະນຸດໃນລາວມີທັງໝົດ26ໜ້າເຈັ້ຽ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.