ວຽດນາມເຂົ້າມາຢູ່ລາວ ຫຼາຍຂຶ້ນ

ຈໍາປາທອງ
2017-03-26
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ປ້າຍໂຄສະນາ ຮ້ານຄ້າ ຂອງຊາວວຽດນາມ ໃນນະຄອນຫຼວງວຽງຈັນ
ປ້າຍໂຄສະນາ ຮ້ານຄ້າ ຂອງຊາວວຽດນາມ ໃນນະຄອນຫຼວງວຽງຈັນ
RFA

ຫລາຍປີມານີ້ປາກົດວ່າ ຊາວວຽດນາມ ເປັນຈຳນວນຫຼວງຫຼາຍ ເຂົ້າມາຕັ້ງຖິ່ນຖານ ແລະ ທຳມາຫາກິນ ທັງຖືກຕ້ອງຕາມກົດໝາຍ ແລະ ຜິດກົດໝາຍ ຢູ່ໃນທຸກແຂວງຂອງລາວ ແລະ ມີຈຳນວນຫລາຍຂຶ້ນ ນຳເລື້ອຍໆ ແມ່ນແຕ່ ໃນເມືອງນ້ອຍໆ, ຕົວຢ່າງເມືອງຊຽງເງິນ ແຂວງ ຫຼວງພຣະບາງ ກໍຢາກວ່າ ຢູ່ແຕ່ລະບ້ານ ກໍມີໝົດ. ຕາມຄຳເວົ້າຂອງ ເຈົ້າໜ້າທີ່ ແຂວງຫຼວງພຣະບາງ ຕໍ່ວິທຍຸເອເຊັຽເສຣີ ໃນມື້ວັນທີ 24 ມິນາ ນີ້ວ່າ:

"ຢ່າງວ່າແຕ່ລະບ້ານ ກໍຢາກມີໝົດນໍ ຂະເຈົ້າກໍມາ ມາຫັ້ນກໍມາແຕ່ດົນແລ້ວ ແຕ່ວ່າມາບາງຄົນຫັ້ນ ກໍມາປະມານ 4-5 ປີ 6-7 ປີ ມາແລ້ວ ກໍມາຕັ້ງຮ້ານ ມາເຊົ່າເຮືອນ ມາຫຍັງຢູ່ ບາງຄົນ ກໍໄດ້ເມັຽລາວ ບາງຄົນ ກໍແມ່ນຄອບຄົວ ວຽດນາມ ຫັ້ນເລີຍ ມາຫາເງິນຈັ່ງຊີ້ ບາງເທື່ອ ກໍຜົວ ກໍເປັນສ້ອມແປງ ຣົດຈັກອີ່ຫຍັງຊີ້ ປະມານນີ້ ໜິນະ".

ນາງເວົ້າວ່າຄົນວຽດນາມ ທີ່ເຂົ້າມາຢູ່ເມືອງຊຽງເງິນ ນີ້ສ່ວນໃຫຍ່ ຈະເລີ້ມຕົ້ນເປັນ ກຳມະກອນ ບາງຄົນກໍມາເປັນ ພໍ່ຄ້າແມ່ຄ້າ ເລາະຊື້ ເຄື່ອງຂອງເກົ່າຕາມບ້ານ ເມື່ອມາຢູ່ ໄດ້ລະຍະນຶ່ງແລ້ວ ກໍມັກຈະຊັກຊວນ ຍາດຕິພີ່ນ້ອງມາຈາກ ປະເທດວຽດນາມ ເຂົ້າມາຢູ່ນຳ ຂນະທີ່ ຈຳນວນນຶ່ງ ກໍເອົາຜົວເອົາເມັຽລາວ ແບບບໍ່ໄດ້ ຈົດທະບຽນຕາມຣະບຽບ ກົດໝາຍ ມີລູກມີເຕົ້າ ໂດຍບໍ່ຄິດ ຈະກັບຄືນໄປ ວຽດນາມ ອີກ.

ນາງກ່າວຕື່ມວ່າ ຊາວວຽດນາມ ທີ່ມາຕັ້ງຖິ່ນຖານ ຖາວອນ ແລະທຳມາຫາກິນ ຢູ່ເມືອງຊຽງເງິນ ນີ້ກໍເຮັດໃຫ້ ປະຊາຊົນລາວ ໃນພື່ນທີ່ ບໍ່ພໍໃຈ ໃນຫຼາຍເຣຶ່ອງ ເປັນຕົ້ນເຣຶ່ອງ ເປີດຮ້ານຕ່າງໆ ຮວມທັງຮ້ານ ເສີມສວຍ, ຮ້ານແປງຣົດແຂ່ງ ຄົນລາວ:

"ວຽດນາມາສ່ວນຫຼາຍກໍມີແຕ່ວ່າ ມາເຮັດຮ້ານເສີມສວຍ ແລ້ວກໍສ້ອມແປງ ບ່ອນໃດທີ່ວ່າ ສະຖານທີ່ເໝາະສົມ ແລ້ວຂະເຈົ້າກໍເລືອກເຊົ່າ ແລ້ວກໍເປີດຮ້ານ ເບິ່ງໄປແງ່ນຶ່ງ ກໍຂະເຈົ້າມາແລ້ວ ແບບວ່າ ເຮັດໃຫ້ອາຊີບ ບ່ອນນຶ່ງ ອາຊີບນີ້ ນີ້ແຫລະນໍ ຄັນຖ້າຄົນລາວ ເຮັດກໍໄດ້ ຮ້ານຄົນລາວ ກໍມີແຕ່ວ່າ ວຽດນາມ ມາແລ້ວກໍເຂົາເຈົ້າ ກໍແຍ້ງລູກຄ້າ ອີ່ຫຍັງ ປະມານນີ້".

ປັດຈຸບັນຖືວ່າຊາວວຽດນາມ ເຂົ້າມາຢູ່ປະເທດລາວ ຫຼາຍຂຶ້ນນຳເລື້ອຍໆ ແມ່ນແຕ່ຢູ່ ເມືອງນ້ອຍໆກໍມີຫຼາຍ ແລະຄາດວ່າ ຈະມີຈຳນວນ ເພີ້ມຂຶ້ນ ນຳເລື້ອຍໆ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

ລາວ/ລາວ

ຈາກ ວຽງຈັນ

ນີ້ມີມາແຕ່ຊາວປີຜ່ານມາມັນເປັນຮີດຄອງ ທີ່ສືບທອດກັນມາຕາມແນວທາງ ຂອງສັນຍາພິເສດຂອງອ້າຍນ້ອງລາວວຽດ ເວົ້າມາຜູ້ຂຽນນີ້ເບື່ອຜູ້ນຳລາວນີ້ແທ້ໆ ພໍແນມເຫັນມັນນຸ່ງສົ້ງເສື້ອແລະໃສ່ໝວກກະລ່ອມຂອງວຽດກົງ ຂີ່ລົດຈັກຂາຍເຄື່ອງ ແລະຮັບຊື້ກວດນໍ້າປາເປົ່າ ທີ່ຜູ້ນຳລາວຊຸດກ່ອນກິນໝົດແລ້ວຖີ້ມຊະຊາຍ ຈັ່ງແມ່ນຂ້ອຍເບື່ອຕື່ຂືນອີກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2017 01:46 PM

ສວ

ຈາກ ລາວ

ແລ້ວຄືໄດ້ຍີນວ່າຈະກວດລ້າງ ແລະຈົດທະບຽນຄົນຕ່າງດ້າວບໍ່ແມ່ນບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2017 01:44 PM

ຄ.ນະຄຳມວ່ນ

ຈາກ ທ່າແຂກ

ນັບຕັ້ງແຕ່ນີ້ຕໍ່ໄປ, ພວກແກວນັບມື້ຈະເຂົ້າມາຢູ່ດິນລາວ ເປັນທະວີຄູນເພາະວ່າ: ບຸນຍັງ ວໍລະຈິດ ປະທານປະເທສ ແລະ ເລຂາທິການພັກຄອມມູຍນິຕລາວ ແລະ ທອງລຸນ ສີສຸລິດ ນາຍົກ ຣັຖມຸນຕຣີ ສປປລາວ ກໍ່ແມ່ນ ແກວໃຫ້ຫນ້າທີ່ ແລ້ວຈະປະຕິບັດຕາມຄວາມຕ້ອງ ທຸກສິ່ງທຸກຢ່າງຂອງແກວ ຕ້ອງການ, ສະນັ້ນຈຶ່ງເປັນສິດພິເສດ ຂອງປະຊາຊົນແກວເຂົ້າມາຕັ້ງຖິ່ນຖານ ໄດ້ຕາມສະບາຍໃຈທູກຢ່າງ ນັ້ນລະ ພີ່ນ້ອງລາວເຮົາເອີຍ, ພວກມັນຍັງອຳສິ່ງດຽວຄື ບໍ່ປະກາດເປັນຫົວເມືອງຂຶ້ນ ແບບໃຫມ່ຂອງເຂົາເທົ່ານັ້ນແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 30, 2017 04:15 PM

lao mekhong

ຈາກ Viengchan

The lao pdr is surely open it country to welcome more Vietnamese and Chinese to settle in Laos. Now is approximately 3 millions people are Vietnamese and almost one million are Chinese.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 28, 2017 01:09 PM

ຜູ້ອ່ານທີ່ບໍ່ອອກຊື່

Lao government will never stop Vietnamese from coming to Laos. Vietnamese commies helped Lao commies to seize power in 1975. If 2-3 million Vietnamese want settle in Laos they will be warmly welcome.


Mar 27, 2017 01:33 PM

ເບິ່ງຄວາມເຫັນທັງໝົດ.

ເຕັມຫນ້າ