ຄົນວຽດນາມຢູ່ລາວ ແບບຜິດກົດໝາຍ

ມະນີຈັນ
2017-07-06
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທົ່ງນາປູກເຂົ້າ ຂອງຊາວວຽດນາມ ໃນລາວ
ທົ່ງນາປູກເຂົ້າ ຂອງຊາວວຽດນາມ ໃນລາວ
Public Domain

ຊາວວຽດນາມ ເຂົ້າມາຕັ້ງຖິ່ນຖານ ແບບບໍ່ຖືກຕ້ອງ ຕາມກົດໝາຍ ເປັນຈໍານວນຫຼາຍ ຢູ່ບໍຣິເວນ ຊາຍແດນ ລາວ-ວຽດນາມ ໃນແຂວງ ຜົ້ງສາລີ ໃນຣະດູເຮັດນາ ແລະ ຮັບຈ້າງ ຕັດໄມ້ ໂດຍບໍ່ໄດ້ຮັບ ອະນຸຍາດ ຈາກທາງການ. ພວກເຂົາເຈົ້າ ເຂົ້າມາຢູ່ໃນເຂດ ຫ່າງໄກ ຈາກ ການກວດກາ ຂອງເຈົ້າໜ້າທີ່ ບ່ອນທີ່ເຈົ້າໜ້າທີ່ ເຂົ້າໄປບໍ່ເຖິງ, ດັ່ງຊາວບ້ານຫ້ວຍຈິກ, ເມືອງໃໝ່ ແຂວງຜົ້ງສາລີ ກ່າວເມື່ອວັນທີ 5 ກໍຣະກະດານີ້ ວ່າ:

"ມີໆ ແຕ່ວ່າບ່ອນຫ່າງໄກ ສອກຫລີກ. ໄກຄົນໄປບໍ່ຮອດ ຢູ່ຫ່າງໄກສອກຫລີກ ມັນມີຈຸນັ້ນ ເຂົ້າມາຈ້າງປາດໄມ້ບໍ່ ມາຂຸດດິນ ມາດໍານາ ມີອັນນັ້ນ ມາເປັນຣະດູ ເຂົາກໍກັບຄືນ ເມືອດອກ ຍາດພີ່ນ້ອງເຂົາ ເອົາເຂົ້າມາ ບໍ່ມີບັດ ບໍ່ມີໃບດອກຫັ້ນນະ."

ປັດຈຸບັນ ຊາວວຽດນາມ ທີ່ເຂົ້າມາອາສັຍ ຢູ່ເຂດເທສບານ ເມືອງຕ່າງໆ ທົ່ວແຂວງຜົ້ງສາລີ ຖືກທາງການລາວ ໃຫ້ຂຶ້ນທະບຽນ ແລະ ມີໃບອະນຸຍາດ ໃຫ້ຢູ່ໄດ້ຊົ່ວຄາວ 3 ເດືອນຫາ 6 ເດືອນ. ເຈົ້າໜ້າທີ່ເມືອງໃໝ່ ຊຶ່ງເປັນເມືອງ ຊາຍແດນ ຕິດກັບ ແຂວງດຽນບຽນຟູ ຂອງວຽດນາມ ຢືນຢັນວ່າ ຊາວວຽດນາມ ຈໍານວນຫຼວງຫຼາຍ ເຂົ້າມາອາສັຍ ຢູ່ໃນເມືອງໃໝ່ນີ້ ແລະທາງການລາວ ກໍໃຫ້ພວກເຂົາເຈົ້າ ຂຶ້ນທະບຽນຊົ່ວຄາວໝົດແລ້ວ. ບໍ່ມີຊາວວຽດນາມ ຢູ່ແບບຜິດກົດໝາຍນັ້ນແລ້ວ.

"ຢູ່ເມືອງໃໝ່ນີ້ ກະບໍ່ມີໃດ໊ ບໍ່ເຫັນໆ ຄົນທີ່ມາຕັ້ງພູມລໍາເນົາ ຜິດກົດໝາຍນີ້ລະບໍ່ມີ."

ແຕ່ໜັງສືພິມ ກອງທັບ ປະຊາຊົນລາວ ຣາຍງານວ່າ ພົລຕຣີ ຄໍາລຽງ ອຸທະໄກສອນ, ຮອງຫົວໜ້າ ກົມໃຫຍ່ ເສນາທິການ ກອງທັບ ປະຊາຊົນລາວ, ກ່າວໃນກອງປະຊຸມ ທະຫານ ແຂວງຜົ້ງສາລີ ເມື່ອອາທິດແລ້ວນີ້ວ່າ ແຂວງຜົ້ງສາລີ ມີຄົນວຽດນາມ ເຂົ້າມາຕັ້ງພູມລໍາເນົາ ຢ່າງບໍ່ໄດ້ຮັບ ອະນຸຍາດ ແລະ ແຕ່ງດອງ ກັບຄົນລາວ ແບບບໍ່ຖືກຕ້ອງ ຕາມກົດໝາຍ ຫຼາຍ, ທະຫານ ແລະ ຕໍາຣວດ ຄວນຕິດຕາມ ແລະ ແກ້ໄຂບັນຫາດັ່ງກ່າວ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

Dear Laos,
Vietnamese help you win the war and you owe them everything. They can move to Laos and get the green light from Lao government. There are more to come. Besides they are your brothers. Good luck.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 10, 2017 06:19 PM

ຄ.ນະຄຳມ່ວນ

ຈາກ ທ່າແຂກ

ຖືກຫລືພິດກົດຫມາຍຄົນວຽດນາມ ເຂົາກໍ່ຮູ້ດີຢູ່ແລ້ວວ່າ: ການເຊັນສັນຍາສັນມິດພົວພັນສາກົນກຳມະຊີບແບບຮອບດ້ານ ໂດຍ:ໄກສອນພົມວິຫານ ແລະຟາມວັນດົ່ງ ຄໍ ສໍ 1977 ນັ້ນ, ພວກເຂົາຮູ້ດີວ່າ: ສປປລາວແດງ ກໍ່ເປັນສ່ວນຶ່ງອັນຖືກກົດຫມາຍ ທີ່ພວກເຂົາເຈົ້າ ສາມາດທຳມາຫາກິນລ້ຽງຊີບໄດ້ຢ່າງສະບາຍ, ພັກ-ຣັຖ ສປປລາວແດງ ກໍ່ກິນນ້ຳຍ້ອຽສອກຂອງພວກແກວ ຫມົດນັ້ນແລ້ວຈະຕໍ່ວ່າໄດ້ແນວໄດອີກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 10, 2017 05:47 PM

ເຕັມຫນ້າ