ກຸ່ມປະທ້ວງຮົງກົງ ປະທະ ຕໍາຣວດ

ອະວາຣີ
2014-11-30
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
 ກຸ່ມປະທ້ວງຮົງກົງ ປະທະ ກັບ ຕໍາຣວດ
ກຸ່ມປະທ້ວງຮົງກົງ ປະທະ ກັບ ຕໍາຣວດ
EyePress/Don Hills

 

ໃນ ຮົງກົງ ພວກປະທ້ວງ ແລະ ເຈົ້າໜ້າທີ່ ຕຳຣວດ ເກີດ ປະທະ ກັນອີກ ຢູ່ຕໍ່ໜ້າ ສໍານັກງານ ຫ້ອງການ ຣັຖບານ ວັນທີ 1 ທັນວາ  2014 ນີ້. ເຫດການ ເກີດຂຶ້ນ ຫລັງຈາກ ພວກ ປະທ້ວງ ຫລາຍ ຮ້ອຍຄົນ ພຍາຍາມ ຈະເດີນ ຂະບວນ ອ້ອມ ຫ້ອງການ ຣັຖບານ. ເຈົ້າໜ້າທີ່ ຕຳຣວດ ສີດ ນ້ຳພິກໄທ ໃສ່ ພວກ ປະທ້ວງ ແລະ ໃຊ້ ໄມ້ຄ້ອນ ໄລ່ຕີ ເພື່ອ ຂັບໄລ່ ພວກ ປະທ້ວງ. ຜົນປະກົດ ວ່ານັກ ປະທ້ວງ ຄົນນຶ່ງ ໄດ້ ຮັບບາດເຈັບ ໜ້າແຕກ ເລືອດໄຫລ ແລະ ຖືກ ເຈົ້າໜ້າທີ່ ລາກແກ່ ໜີ ອອກຈາກ ບໍຣິເວນ. ໃນຂນະ ດຽວກັນ ພວກ ປະທ້ວງ ອື່ນໆ ກໍແກວ່ງ ໝວກ ກັນກະທົບແລະ ຂວດນ້ຳໃສ່ ຕຳຣວດ.

ພວກປະທ້ວງ ຮ້ອງໂຮ ຂື້ນວ່າ ພວກເຂົາ ຕ້ອງການ ປະຊາທິປະໄຕ ອັນແທ້ຈິງ. ທ້າວ Kelvin Lau ນັກ ປະທ້ວງ ຄົນນຶ່ງ ເວົ້າວ່າ ເຂົາແຮງ ຢາກ ປະທ້ວງ ເພາະ ເຈົ້າໜ້າທີ່ ໃຊ້ ອຳນາດ ເກີນ ຂອບເຂດ. ໃນ ມື້ດຽວກັນ ພວກ ປະທ້ວງ ອີກ 2-3 ພັນ ຄົນ ກໍໂຮມ ຊຸມນຸມ ຢູ່ ສວນ ສາທາຣະນະ ຕາມາ ໃກ້ໆກັບ ຕຶກ ສະພາ ແຫ່ງຊາດ ຮົງກົງ. ນັກຂ່າວ ຂອງ ວິທຍຸ ເອເຊັຽ ເສຣີ ຣາຍງານ ວ່າ ເມື່ອ ປະມານ ເວລາ 11 ໂມງກາງ ຄືນ ຈຳນວນ ພວກ ປະທ້ວງ ໄດ້ ເພີ້ມຂື້ນ ເປັນ ປະມານ 1 ໝື່ນ ຄົນ.

ກ່ອນໜ້າ ນີ້ ໂຄສົກ ເຈົ້າໜ້າທີ່ ຕຳຣວດ ປະກາດ ເຕືອນ ພວກ ປະທ້ວງ ວ່າ ຖ້າພວກ ປະທ້ວງ ຂັດຂືນ ການ ປະຕິບັດ ໜ້າທີ່ ຂອງ ຕຳຣວດ ເຊັ່ນ ໄດ້ບຸກ ໂຈມຕີ ເຈົ້າໜ້າທີ່ ຕັນຖນົນ ຫົນທາງ ແລະ ປິດລ້ອມ ສຳນັກງານ ຫ້ອງການ ຣັຖບານ, ເຈົ້າໜ້າທີ່ ຕຳຣວດ ຈຳເປັນ ຕ້ອງໃຊ້ ມາດຕະການ ຂັບໄລ່ ພວກ ປະທ້ວງ.

ນັກຮຽນ ນັກ ສຶກສາ ແລະ ຊາວຮົງກົງ ເລີ້ມ ປະທ້ວງ ຮຽກຮ້ອງ ໃຫ້ມີການ ເລືອກຕັ້ງ ເອົາຜູ້ນຳ ຮົງກົງ ຢ່າງ ເສຣີ ນັບແຕ່ເດືອນ ກັນຍາ ເປັນຕົ້ນມາ. ໃນເບື້ອງຕົ້ນ ມີພວກ ປະທ້ວງ ເຂົ້າຮ່ວມ ຫລາຍ ໝື່ນ ຄົນ ແຕ່ ປັດຈຸບັນ ຈຳນວນ ໄດ້ຫລຸດ ໜ້ອຍ ຖອຍລົງ ແຕ່ແລ້ວ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມ່ວນ

ຈາກ ທ່າແຂກ

ສັງຄົມໄດ ມີການກົດ ຄວາມດັນ ມີການທະວີຄູນ ເປັນຫລາຍເທົ່າ, ມີແຕ່ສ້າງ ຄວາມຍຸຕຕິທັມ ເທົ່ານັ້ນ ຈຶ່ງເຮັດໃຫ້ ສັງຄົມ ມີຄວາມ ສງົບສຸຂ ແລະ ສັນຕິສຸຂ ແບບ ວັດທະນະຖາວອນ ຕໍ່ໄປໄດ້ໃນ ອານາຄົດ ຂ້າງຫນ້າ ທີ່ຈະມາເຖິງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 02, 2014 10:07 AM

ເຕັມຫນ້າ