ພົບສົບຜູ້ທີ່ສູນຫາຍຢູ່ນໍ້າຊອງ

ມະນີຈັນ
2014.08.15
f-vangvieng ນ້ຳຖ້ວມ ເມືອງວັງວຽງ ຄັ້ງນີ້ ທາງການວ່າ ມີປະຊາຊົນ ໄດ້ຮັບຜົລກະທົບ ປະມານ 700 ຄອບຄົວ
Citizen Journalist

 

ເຈົ້າໜ້າທີ່ ເມືອງ ວັງວຽງ ແຂວງ ວຽງຈັນ ເປີດເຜີຍ ວ່າ ພາຍຫລັງ ອອກ ຊອກຫາ ຜູ້ທີ່ ສູນຫາຍໄປ ໃນຊ່ວງ ນໍ້າຖ້ວມ ກະທັນຫັນ ຈຶ່ງ ໄດ້ພົບ ສົບ ຜູ້ກ່ຽວ ແລ້ວ ຢູ່ ນ້ຳຊອງ ແລະ ຈໍານວນ ຜູ້ ເສັຽຊີວິດ ຈາກພັຍ ນ້ຳຖ້ວມ ໃນລາວ ປີນີ້ຮວມ 4 ຄົນ ແລ້ວ:

"ຄົນຕົກນ້ຳ ຄົນສູນຫາຍ ຢູ່ນ້ຳ ພົບແລ້ວ ເສັຽຊີວິດ ເຂດຜາຕັ້ງ ເລກທີ 13 ນີ້ແຫລະ ບ້ານໂພໄຊ".

ທ່ານກ່າວ ຕື່ມວ່າ ເມື່ອວັນທີ 5 ສິງຫາ 2014 ຜູ້ເສັຽຊີວິດ ໄດ້ອອກໄປ ຫາປາ ຢູ່ຕາມນ້ຳຊອງ ເຂດ ບ້ານໂພໄຊ ຂນະທີ່ ຝົນ ຕົກໜັກ ແລະ ເກີດນ້ຳໄຫລຊຸ ເຮັດໃຫ້ຜູ້ກ່ຽວ ຖືກນ້ຳ ພັດໄປ ຈົນເຖິງ ວັນທີ 13 ສິງຫາ ຈຶ່ງ ພົບສົບ.

ນ້ຳຖ້ວມ ເມືອງວັງວຽງ ຄັ້ງນີ້ ທ່ານວ່າ ມີ ປະຊາຊົນ ໄດ້ຮັບ ຜົລກະທົບ ປະມານ 700 ຄອບຄົວ ຫົນທາງ ຫລາຍສາຍ ເປ່ເພ ເສົາໄຟຟ້າ ຫັກ ເຮັດໃຫ້ ປະຊາຊົນ ບໍ່ມີ ໄຟຟ້າໃຊ້ ແລະ ເນື້ອທີ່ ປູກຝັງ ໄດ້ຮັບຄວາມ ເສັຽຫາຍ.

ໃນຈຳນວນ 4 ຄົນ ທີ່ ເສັຽຊີວິດ ຈາກ ພັຍນ້ຳຖ້ວມ ໃນລາວ ປີນີ້ 2 ຄົນ ຢູ່ແຂວງ ຈຳປາສັກ ເປັນເດັກນ້ອຍ 1 ຄົນ. ສ່ວນອີກ 2 ຄົນ ເສັຽຊີວິດ ຢູ່ນ້ຳຊອງ ເມືອງວັງວຽງ ແຂວງວຽງຈັນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.