ນໍ້າຂອງບົກຄອງຊີພລໍາບາກ

2013-02-22
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
f-mekong
ນໍ້າຂອງ ໃນເຂດ ພາກໃຕ້ ຂອງລາວ
RFA/VS

ນໍ້າຂອງ ບົກແຫ້ງ ສົ່ງຜົລກະທົບ ຕໍ່ການ ທໍາມາ ຫາກິນ ຂອງ ປະຊາຊົນ ຕາມລຳ ແມ່ນ້ຳຂອງ.

ສະພາບອາກາດ ທີ່ປ່ຽນແປງ ຢ່າງຮຸນແຮງ, ຝົນຕົກບໍ່ຖືກ ຕາມຣະດູການ ເຮັດໃຫ້ ແມ່ນໍ້າຂອງ ຂືຶ້ນລົງ ບໍ່ປົກກະຕິ ໃນຂະນະ ດຽວກັນ ການສ້າງເຂື່ອນ ໃນລໍານໍ້າ ສາຂາຕ່າງໆ ທີ່ໄຫລລົງສູ່ ແມ່ນໍ້າຂອງ ກໍເປັນ ສາເຫດນື່ງ ທີ່ເຮັດໃຫ້ ນ້ຳຂອງ ບົກແຫ້ງ. ປະຊາຊົນ ທີ່ຫາລ້ຽງຊີພ ຕາມລຳ ແມ່ນ້ຳຂອງ ດັ່ງຊາວປະມົງ ໄດ້ຮັບ ຄວາມເດືອດຮ້ອນ, ມີຊາວບ້ານ ຊື່ວ່ານາຍໂຈ້ຍ ເຄີຍຫາປາ ໃນແມ່ນ້ຳຂອງ ມາໄດ້ 20 ກວ່າປີ ໃນເຂດວັດໄຕທ່າ ນະຄອນຫລວງ ວຽງຈັນ ເວົ້າກັບ ເອເຊັຽເສຣີ ວ່າ:

"ຫາໄດ້ແຕ່ກະ ບໍ່ຫລາຍ ຫາກຍາກຫັ້ນແຫລະ ໄດ້ປາກະໂຕ ປະມານ 3 ນີ້ວ ໂຕໃຫຍ່ ມັນບໍ່ມີແລ້ວ ມັນຫມົດແລ້ວ ມັນມີແຕ່ ໂຕນ້ອຍ ກຸ້ມກິນຢູ່ ແຕ່ວ່າ ບໍ່ເຫລືອຂາຍ ກະຊີ່ຫາປາ ຄືເກົ່າ ຄັນບໍ່ຫາ ກະບໍ່ມີແນວ ຊີ່ກິນ ເພາະຫາ ແນວອື່ນ ມັນບໍ່ໄດ້".

ເລົາເວົ້າອີກວ່າ ຫລາຍຄົນ ກໍເຊົາເຮັດ ອາຊີພ ນີ້ແລ້ວ ໄປເປັນ ກັມມະກອນ ບາງຄົນ ກໍເຮັດປູກຝັງ ລ້ຽງສັດ ຖ້າມີທີ່ດິນ ແຕ່ເລົາເອງ ຍັງຄົງຈະຍຶດ ອາຊີພ ຫາປາຕໍ່ໄປ ເພາະບໍ່ເຄີຍ ເຮັດແນວອື່ນ ມາກອ່ນ. ໃນກໍຣະນີ ຂອງ ທ້າວໂຈ້ຍ ເປັນພຽງ ສ່ວນນຶ່ງ ຂອງ ປະຊາຊົນລາວ ທີ່ໄດ້ຮັບ ຜົລກະທົບ ຈາກພັຍແຫ້ງແລ້ງ ຂອງ ແມ່ນ້ຳຂອງ.

ໃນເຂດພາກໃຕ້ ແຂວງ ສີພັນດອນ ຊື່ງເປັນເຂດ ທີ່ປະຊາຊົນ ສ່ວນໃຫຍ່ ຫາປາ ເປັນອາຫານ ໃນແຕ່ມື້ ແຮ່ງໄດ້ຮັບ ຜົລກະທົບ ຫລາຍ ບໍ່ຮູ້ວ່າ ຂະເຈົ້າ ຈະຢູ່ຢ່າງໃດ ແລະ ໃນຂັ້ນຕໍ່ໄປ ຫາກເຂື່ອນ ໄຊຍະບູຣີ ແລະ ເຂື່ອນ ດອນສະຫົງ ສ້າງ ສໍາເຣັດລົງ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຄົນລາວ

ຈາກ ປະເທດລາວ

ການສ້າງເຄ່ືອນ ເຂົາກະມີການສຳຫຼວດ ຜົນກະທົບ ຢ່າງລະອຽດ ແລະ ມີຫຼາຍໆພາກສ່ວນ ເຫັນດີເຫັນພ້ອມ (ຍົກເວັ້ນ ຄົນລາວລືມຊາດ ຫຼື ກັບເມືອລາວບໍ່ໄດ້ ຢ້ານຂາດຄ ທີ່ເຮັດວຽກ ອາເມລິກາ) ໃນການສ້າງ ແລະ ການສ້າງກໍ່ສ້າງ ຢູ່ໃນດິນລາວ ເຮົາເອງ ບໍ່ໄດ້ສ້າງ ໃສ່ກະບານຫົວຜູ້ໃດ. ເລື່ອງປາ ເລື່ອງບົກແຫ້ງ ມັນກະເປັນ ທຳມະຊາດ ຂອງມັນ, ຜູ້ເຮັດ ອາຊີບຫາປາບໍ່ໄດ້ ແຕ່ມີໄຟຟ້າ ເຮັດການລ້ຽງປາ ແທນກະໄດ້ ທ່ານບໍ່ຕ້ອງ ຫ່ວງດອກ


edited_by_staff

Feb 25, 2013 10:41 AM