ທັມມະຊາດ ເລີ້ມຊຸດໂຊມ

2013-02-21
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-mekong
ທ່າເຮືອ ໃນແມ່ນໍ້າຂອງ ເຂດປາກແບ່ງ ຣະຫວ່າງ ຫຼວງພຣະບາງ ຫ້ວຍຊາຍ
Our_web

ການຂຸດຄົ້ນ ບໍ່ແຮ່ ສົ່ງ ຜົນກະທົບ ໃສ່ສິ່ງແວດລ້ອມ ແລະ ຊີວິດ ການເປັນຢູ່ ຂອງ ປະຊາຊົນ.

ທາງການລາວ ຮັບວ່າ ການພັທນາ ໂດຍສະເພາະ ການຂຸດຄົ້ນ ບໍ່ຄໍາ ສົ່ງ ຜົນກະທົບ ໃສ່ ສິ່ງແວດລ້ອມ ແລະ ຊີວິດ ການເປັນຢູ່ ຂອງ ປະຊາຊົນ ແທ້, ແຕ່ກໍຢາກໃຫ້ ບໍຣິສັດ ລົງທຶນ ຮັບຜິດຊອບ ແກ້ໄຂ
ຊີວິດ ການເປັນຢູ່ ຂອງ ປະຊາຊົນ ເຊັ່ນກັນ. ທ່ານໄດ້ກ່າວ:

"ສິ່ງແວດລ້ອມ ທັງດ້ານສັງຄົມ ສ່ວນຫລາຍແລ້ວ ການພັທນາ ການຂຸດຄົ້ນ ຕ່າງໆ ຊັພຍາກອນ ທັມະຊາດ ມັນກໍມີ ບັນຫາ ຈໍານວນນຶ່ງ ທີ່ແຕະຕ້ອງ ເຖິງ ດ້ານຊີວິດ ການເປັນຢູ່ ຂອງ ປະຊາຊົນ ແລະ ທາງສັງຄົມ".

ທ່ານວ່າ ການຂຸດຄົ້ນ ບໍ່ຄໍາ ທີ່ຢູ່ໃກ້ ໂຕເມືອງນັ້ນ ເຮັດໃຫ້ດິນ ເຈື່ອນໃສ່ ທົ່ງໄຮ່ ທົ່ງນາ ຂອງ ປະຊາຊົນ ຕລອດຮອດ ລະບົບ ຊົລປະທານ ກໍເພພັງ. ຮ້າຍໄປກວ່ານັ້ນ ມີສາຣພິດ ປະເພດ ບາຫອດ ແລະ ຊາຍຢານາຍ ໄຫລລົງສູ່ ທັມມະຊາດ ແລະ ຫ້ວຍໜອງ ຄອງບຶງ ຊຶ່ງເປັນ ອັນຕຣາຍ ແກ່ ສິ່ງແວດລ້ອມ ແລະ ຕໍ່ຊີວິດ ການເປັນຢູ່ ຂອງ ປະຊາຊົນ ໃນເຂດນັ້ນ ໃນ ລະຍະຍາວ. ບັນຫາ ທີ່ເກີດຂຶ້ນ ນີ້ ບາງ ບໍຣິສັດ ກໍຊ່ວຍແກ້ໄຂ ແຕ່ບາງ ບໍຣິສັດ ກໍບໍ່ເອົາ ຫົວຊາ ຈຶ່ງຢາກ ຮຽກຮ້ອງ ໃຫ້ເອົາໃຈໃສ່ ຊ່ວຍເຫລືອ ປະຊາຊົນ ຕື່ມ. ທ່ານກ່າວອີກວ່າ:

"ໃຫ້ບໍຣິສັດ ຂຸດຄົ້ນ ແກ້ໄຂ ກ່ຽວກັບ ເຣື້ອງຊີວິດ ການເປັນຢູ່ ໃຫ້ແກ່ ປະຊາຊົນ ເຂົາເຈົ້າ, ບ່ອນໃດ ແກ້ໄຂໄດ້ ກໍໃຫ້ແກ້ ບ່ອນໃດ ທີ່ແກ້ໄຂ ບໍ່ໄດ້ ກໍຊົດເຊີຽ ໃຫ້ເງິນ ແກ່ເຂົາເຈົ້າ".

ທາງການ ບໍ່ແຮ່ວ່າ ສັນຍາ ການຂຸດຄົ້ນ ບໍ່ແຮ່ ໃດໆກໍດີ ທາງ ບໍຣິສັດ ຕ້ອງຈ່າຍຄ່າ ຊົດເຊີຽ ໃຫ້ແກ່ ປະຊາຊົນ ທີ່ ຖືກເສັຽຫາຍ, ພ້ອມດຽວກັນ ນັ້ນ ຕ້ອງເຮັດໃຫ້ ສິ່ງແວດລ້ອມ ກັບຄືນສູ່ ສະພາບເດີມ, ແຕ່ວ່າໃນ ໂຕຈິງ ແລ້ວ ບໍຣິສັດ ຂຸດຄົ້ນ ບໍ່ແຮ່ ບໍ່ຄ່ອຍ ປະຕິບັດ ຕາມສັນຍາ ທີ່ເຊັນກັນ.