ນ້ຳເທີນສອງ

2007-09-07

ການສ້າງເຂື່ອນນ້ຳເທີນເປັນວິທີນຶ່ງຂອງຣັຖບານລາວທີ ຈະຊ່ອຍລຸດຜ່ອນຄວາມຍາກຈົນຂອງປະຊາຊົນລາວ. ຖ່າຍພາບໂດຍ: RFA

ກະຣຸນາຊົມພາບຖ່າຍກ່ຽວກັບນ້ຳເທີນ

ມື້ນີ້ເຣື້ອງທີ່ຂ້າພະເຈົ້າຈະນຳມາສເນີກໍ່ຄືເຣື້ອງຣາຍໃດ້ ທີ່ຣັຖບານລລາວຈະໃດ້ຮັບຈາກ ການຂາຍໄຟຟ້າ ຈາກເຂື່ອນນ້ຳເທີນສອງ ແລະກາຣບໍຣິຫາຣຣາຍໃດ້ດັ່ງກ່າວ.

ສປປລາວຢູ່ໃນຈຳນວນປະເທສທີ່ທຸກຍາກທີ່ສຸດໃນໂລກ ຄິດສເລັ່ຍ ຣາຍໃດ້ຂອງຄົນລາວ ຜູ້ນຶ່ງ ບໍ່ຮອດນຶ່ງ dollar ສາຫະຣັຖຕໍ່ມື້. ໂຄງກາລພັທນາໄດໆ ກໍ່ຕ້ອງອາໃສການ ຊ່ວຍເຫລືອຈາກຕ່າງປະເທສ ອົງການພັທນາສາກົລ ຫລື ສຖາບັນການເງິນຣະຫວ່າງຊາຕ.

ຜົລການວິຈັຍຂອງທະນາຄາລໂລກ ກ່ຽວກັບທາງເລືອກຕ່າງໆ ສຳຣັບພັທນາສປປລາວ ໃຫ້ໃດ້ໄວ ຊີ້ໄຫ້ເຫັນວ່າແມ່ນກາຣສ້າງເຂື່ອນໄຟຟ້າແບບຍືນຍົງ ບໍ່ວ່າທາງດ້ານ ສພາບ ແວດລ້ອມ ດ້ານສັງຄົມ ຫລື ເສຖກິຈ ຊຶ່ງຈະເປັນສ່ວນປະກອບອັນສຳຄັນ ໃນຍຸທສາຕ ການຂຍາຍຕົວຂອງສປປລາວ ຊຶ່ງກົງກັບທັສນະຂອງ ທ່ານ ສົມດີ ດວງດີ ຮອງຣັຖມົນຕຣີກາລຄັງ

ຕາມແຜນທີ່ວາງໄວ້ ໂຄງການນ້ຳເທີນສອງ ຈະສ້າງຣາຍໄດ້ຈາກກາຣຂາຍໄຟຟ້າໄຫ້ແກ່ ກາຣໄຟຟ້າຝ່າຍຜລິຕແຫ່ງປະເທສໄທ ຫລື Egat ຕົກເປັນເງິນຈຳນວນ 13 ລ້ານ US dollar ຕໍ່ປີ ໃນປີທຳອິດທີ່ເຣີ້ມຜລິຕໄຟຟ້າ ແລະຈະຄອ່ຍເພີ້ມຂຶ້ນເປັນ 150 ລ້ານ ຕໍ່ປີ ໃນປີ 2033. ຕາມຄວາມເຫັນຂອງທະນາຄາຣໂລກ ຖ້າຣາຍໃດ້ດັ່ງກ່າວ ຫາກນຳໄປໄຊ້ແບບມີປະສິທຜົລ ແບບຜູ້ມີຄວາມຮັບຜິດຊອບ ແລະແບບໂປ່ງໄສ ໂຄງການນ້ຳເທີນສອງກໍ່ຈະສາມາຖເປັນສ່ວນປະກອບໃນການບັນເທົາຄວາມທຸກຍາກ ແລະການພີທັກຮັກສາສັຕແລະພືຊພັນນາໆປະເພທ ໃນລາວໃວ້ໃດ້ຫລາຍຂຶ້ນເລື້ອຍໆ.

ຕາມການປະເມີນໃນປັຈຈຸບັນ ໂຄງການນ້ຳເທີນສອງຈະເພີ້ມຣາຍໄດ້ຂອງສປປລາວ ຂຶ້ນຕື່ມປີລະປະມານ 5% ໃນຮະຍະ 10 ປີທຳອິດທີ່ໂຄງການເຣີ້ມຂຶ້ນ ຊຶ່ງຖ້າຫາກວ່າ ຣາຍໃດ້ທີ່ເພີ້ມສູງຂຶ້ນນີ້ ຖືກນຳໄປໃຊ້ເພື່ອປັບປຸງສະພາບການໃນດ້ານສາທາຣະນະສຸຂ ແລະການສຶກສາຕາມແຜນການແລ້ວ ງົປະມານເພື່ອໄຊ້ຈ່າຍໃນສອງດ້ານນີ້ກໍ່ຈະສູງຂຶ້ນ ຕື່ມ ຣະຫວ່າງ 25% ຫາ 30% ໃນປີທຳອິດທີ່ໂຄງການຖືກປະຕິບັຕ.

ເມື່ອເວົ້າເຖິງຜົນລປະໂຍດຊທີ່ຈະໃດ້ຮັບຈາກກາຣຂາຍໄຟຟ້າຂອງໂຄງກາຣນ້ຳເທີນສອງນີ້ ແລ້ວ ຄົງບໍ່ມີຜູ້ໃດຄັ່ດຄ້ານວ່າມັນເປັນການດີ ເພື່ອຊ່ວຍພັທນາປະເທສລາວໄຫ້ຫລຸດພົ້ນ ຈາກຄວາມຍາກຈົນ. ແຕ່ໃນເວລາດຽວກັນ ເກືອບທຸກຄົນກໍ່ເວົ້າອອກມາເກືອບເປັນສຽງ ດຽວກັນວ່າ ຂາດຄວາມເຊື່ອໝັນໃນການບໍຣິຫາຣຂອງທາງການສປປລາວ ຢ້ານວ່າເມື່ອ ມີຣາຍໄດ້ແລ້ວ ເງິນເຫລົ່ານັ້ນຈະບໍ່ຖືກນຳໄປໃຊ້ຕາມແຜນການທີ່ວາງໄວ້ ຫລືຖ້ານຳໄປ ໃຊ້ກໍ່ຈະບໍ່ເຕັມເມັດເຕັມຫນ່ວຍ ຢ້ານມີກາຣຣົ່ວໄຫລແບບບໍ່ມີຫົວມີຂາຫລາຍກວ່າ ດັ່ງທີ່ເຫັນໆກັນຢູ່ໃນປັຈຈຸບັນ.

ກ່ຽວກັບເຣື້ອງນີ້ ຍານາງ ທິພກອນ ຈັນທະວົງສາ ຮອງອາທິບໍດີກະຊວງກາຣຄັງແລະນຶ່ງ ໃນຈຳນວນສະມາຊິກຂອງກັມມະການຣບໍຣິຫາຣຣາຍໄດ້ເວົ້າວ່າ ຣັຖບາລສປປລາວກຳລັງ ພະຍາຍາມເສີມສ້າງຄວາມສາມາຖຂອງຕົນໃນດ້ານການບໍຣິຫາຣງົປມານທີ່ຈະໄດ້ມາໃນອະນາຄົຕ ແລະເວົ້າຕໍ່ໄປອີກວ່າ

ນາງເວົ້າວ່າ ມີຫລາຍຄົນໃນຫ້ອງປະຊຸມນີ້ກັງວົນນຳເຣື່ອງການສໍ້ຣາຊບັງຫລວງ ນາງແຈ້ງໃຫ້ຊາບວ່າ ສຳນັກງານນາຍົກຣັຖມົນຕຣີໄດ້ອອກດຳຣັດສບັບນຶ່ງ ວ່າດ້ວຍກາຣ ສໍ້ຣາຊບັງຫລວງ ແລະຊຶ່ງໃນອີກບໍ່ດົນ ກໍ່ຈະຖືກຍົກຂຶ້ນເປັນກົດຫມາຍ. ຫລັງຈາກຮັບຟັງການບັຣະຍາຍ ກ່ຽວກັບມາຕະການຕ່າງໆທີ່ທາງກາຣລາວວາງໄວ້ ເພື່ອ ປ້ອງກັນບໍ່ໄຫ້ມີກາຣຮົ່ວໄຫລ ຫລືສໍ້ຣາຊບັງຫລວງ ແລ້ວຂ້າພະເຈົ້າກໍ່ໄດ້ຕັ້ງຄຳຖາມຕໍ່ຜູ້ຕ່າງ ຫນ້າທະນາຄາຣໂລກວ່າ ໃນກໍຣະນີທີ່ຣັຖບານສປປລາວບໍ່ປະຕິບັດຕາມກົດຫມາຍ ຂອງຕົນເອງ ດັ່ງທີ່ເຄີຍເປັນມາ ທາງທະນາຄາຣໂລກຈະເຮັດແນວໃດ ທ່ານ Christian Delvoie ຜູ້ອຳນວຍການຝ່າຍໂຄງສ້າງພື້ນຖານ ສຳຣັບໂຂງເຂຕເອເຊັຍຕາເວັນອອກ ຂອງທະນາຄາຣ ໂລກຕອບວ່າ

ທ່ານເວົ້າວ່າ ໃນທຸກໆໂຄງການຊຶ່ງທະນາຄາຣໂລກເປັນຜູ້ອອກເງິນນັ້ນ ທັນທີ່ທີ່ເຫັນວ່າມີ ກາຣສໍ້ຣາຊບັງຫລວງ ທະນາຄານຣກໍ່ຈະໄປຫາຣັຖບານລປະເທດສນັ້ນໂລດ ແລະຍົກເລີກ ໂຄງກາຣທີ່ມີການໂກງກິນ ຫລັງຈາກນັ້ນກໍ່ມີກາຣກວດບັນຊີ ກາຣສຳຣວຈເບິ່ງ ແລະອື່ນໆ ທະນາຄາຣມີຫລາຍມາຕະການທີ່ຈະນຳອອກປະຕິບັຕໄດ້ ຢ່າງບໍ່ຕ້ອງສົງໄສ.

ນອກຈາກນັ້ນ ທ່ານ Urooj Malik ຜູ້ອຳນວຍກາຣຝ່າຍໂຄງສ້າງພື້ນຖານ ປະຈຳທະນາຄາຣພັທນາເອເຊັຍ ຊຶ່ງກໍ່ມີສ່ວນຮ່ວມ ໃນໂຄງກາຣນ້ຳເທີນສອງນີ້ເຊັ່ນກັນ ອາທິບາຍເພີ້ມເຕີມກ່ຽວກັບບັນຫາການຣສໍ້ຣາຊບັງຫລວງວ່າ

ທ່ານ Malik ວົ້າວ່າເມື່ອບໍ່ນານມານີ້ ທະນາຄານພັທນາເອເຊັຍໄດ້ໃຊ້ນະໂຍບາຍ ໄຫ້ການຊ່ວຍເຫລືອ ໂດຍອ້າງອີງໃສ່ພາຄປະຕິບັຕຂອງຜູ້ຮັບ ຊຶ່ງໝາຍຄວາມວ່າ ທະນາຄາຣປະເມີນເບິ່ງການປະຕິບັຕຕົວຈິງຂອງແຕ່ລະປະເທສ ອ້າງອີງໃສ່ກາຣປະຕິບັຕ ໃນຫລາຍດ້ານ ເຊັ່ນການຄົງຕົວຂອງຫລັກເກນເສຖກິຈມະຫາພາຄ ກາຣປະຕິຮູປໃນດ້ານ ການປົກຄອງ ການຣວີເຄາະສ່ວນປະກອບຂອງທຸຣະກິຈ ແລະຕໍ່ໆໄປ.

ໂຄງການຣນ້ຳເທີນສອງເປັນໂຄງກາຣໃຫຍ່ ບໍ່ພຽງແຕ່ໃນຣະດັບສປປລາວ ແຕ່ໃນຮະດັບ ຂົງເຂຕເອເຊັຍຕາເວັນອອກສຽງໄຕ້ອີກ ແລະຈະມີມູລຄ່າປະມານ 1 ພັນ ລ້ານ US dollars ດັດແປງ ແກ້ໄຂ ປັບປຸງມາເຖິງເກືອບ 10 ປີແລ້ວ. ມາເຖິງປັຈຈຸບັນ ມີຫລາຍ ສິ່ງຫລາຍຢ່າງສໍສແດງໄຫ້ເຫັນວ່າຣັຖບານສປປລາວ ແລະ ບໍຣິສັທລົງທຶນໃນໂຄງການ ຄົງຈະບໍ່ຍອມຖອຍຫລັງ ຍ້ອນວ່າໃດ້ທຸ້ມເທທັງປັດໃຈ ເຫື່ອແຮງແລະເວລາໄປຫລາຍແລ້ວ ສ່ວນສຖາບັນກາຣເງິນທັງຫລາຍທີ່ກ່ຽວຂ້ອງກໍ່ປາກົດວ່າພໍ່ໃຈນຳມາຕະກາຣຕ່າງໆທີ່ຂຽນໄວ້ ໃນເອກສາຣຕ່າງໆ. ຕໍ່ນີ້ໄປກໍ່ຄົງມີແຕ່ລໍຖ້າເບິ່ງຕໍ່ໄປວ່າແມ່ນຫຍັງຈະເກີດຂຶ້ນ.

ຍ້ອນແນວໂນ້ມທີ່ກ່າວມາແລ້ວ ຂ້າພະເຈົ້າຈຶ່ງຢາກນຳເອົາຊໍ້ມູລຕ່າງໆ ມາເວົ້າສູ່ທ່ານຟັງ ຂໍ້ມູລທີ່ກ່ຽວຂ້ອງໂດຍກົງກັບປະຊາຊົນລາວ ຜູ້ທີ່ຈະໃດ້ຮັບຜົນສະທ້ອນຈາກໂຄງກາຣ ທັງຜົລດີແລະຜົລຮ້າຍ ເຊັ່ນດຽວກັບສິທທິຂອງຊາວລາວທັງຫລາຍ ທີ່ເປັນຜູ້ຄວນຈະໃດ້ຮັບ ຜົລປະໂຍຊຈາກ ໂຄງກາຣນີ້.

ສບາຍດີ