ທ່ານ Nhim Vanda ເຈົ້າໜ້າທີ່ ຣະດັບສູງ ຂອງຣັຖບາລ ກັມພູຊາ ແລະ ຮອງປະທານ ຜູ້ທີ່ໜື່ງຂອງ ຄນະກັມມະກາຣ ດ້ານປ້ອງກັນພັຍ ທັມມະຊາຕ ແລະ ເຊື້ອໂຣຄ ຕິດຕໍ່ແຫ່ງຊາຕ ໄດ້ແຈ້ງຕໍ່ທາງ ກອງປະຊຸມວ່າ ທາງກາຣກ່ຽວຂ້ອງ ກັມພູຊາ ພ້ອມທີ່ຈະຮ່ວມມື ກັບທາງອົງກາຣ ທີ່ກ່ຽວຂ້ອງ ຕ່າງໆ ດັ່ງທີ່ໄດ້ ປະຕິບັຕ ມາແຕ່ຄາວ ກ່ອນ ເຊັ່ນໃນປີ 2005 ທາງກາຣ ກັມພູຊາ ກໍໄດ້ເຊັນໃນ ຂໍ້ສັນຍາດ້ານ ກາຣແລກປ່ຽນ ຂໍ້ມູລ ຕ່າງໆກັບນາໆ ປະເທສ ກ່ຽວກັບກາຣ ປ້ອງກັນພັຍພິບັຕ ແລະ ກາຣແພ່ຣະບາດ ຂອງເຊື້ອໂຣຄຕ່າງໆ.

ພ້ອມດຽວກັນ ທ່ານ Nhim Vanda ກໍຢືນຢັນວ່າ ທາງກາຣ ກັມພູຊາ ແລະ ທາງສູນປ້ອງກັນ ພັຍພິບັຕ ປະຈຳເຂຕ ເອເຊັຽ ຍັງຈະປະສານງານ ກັນໃນຂັ້ນ ຕໍ່ໆໄປ ພ້ອມກັບທີ່ຈະ ຮັບເປັນເຈົ້າພາບ ຈັດກອງປະຊຸມ ຂື້ນຕື່ມ ໃນອະນາຄົຕ.

ໃນຂນະດຽວກັນ ທ່ານ Stephane Rousseau ຜູ້ອຳນວຍກາຣ ປະຈຳເຂຕ ພູມີພາຄ ຂອງທະນາຄາຣ ພັທນາເອເຊັຽ ກໍຢືນຢັນທີ່ ຈະໃຫ້ຄວາມຮ່ວມມື ແລະ ປະສານງານ ຫາວິທີທາງ ປ້ອງກັນບັນຫາ ພັຍທັມມະຊາຕ ທີ່ອາຈເກີດຂື້ນ ໃນ ອະນາຄົຕນັ້ນ.