ທ່ານ Ma Zhaoxu ໂຄສົກກະຊວງ ກາຣຕ່າງປະເທສຈີນ ໄດ້ແຈ້ງຕໍ່ທາງ ອົງກາຣຂ່າວຊິນຮົ໊ວວ່າ: ປະຊາຊົນຈີນ ທຸກໆຊົນເຜົ່າຕ່າງ ກໍມີຄວາມພາກພູມໃຈ ໃນກາຣມີສິທທິ ປະຕິບັຕ ຕາມກາຣເຊື່ອຖືສາສນາ ຂອງຂະເຈົ້າ ດັ່ງທີ່ຣະບຸໄວ້ ໃນກົດໝາຍ ກາຣຄຸ້ມຄອງຂອງ ປະຊາຊົນຊາວຈີນ.

ໃນມື້ວັນຈັນ ຜ່ານມານີ້ ທາງກະຊວງກາຣ ຕ່າງປະເທສຂອງ ສະຫະຣັຖ ໄດ້ນຳເອົາຜົລ ກາຣສຳຣວຈທາງດ້ານ ສິທທິຂອງກາຣ ເຊື່ອຖືທາງສາສນາ ຕາມບັນດາ ປະເທສຕ່າງໆ ໃນທົ່ວໂລກ ຊຶ່ງໄດ້ເນັ້ນເຖິງ ກາຣປາບປາມ ປະຊາຊົນຂອງ ທາງເຈົ້າໜ້າທີ່ຈີນ ໃນຣະຍະທີ່ ຜ່ານມາຢູ່ຄືເກົ່າ ໂດຽສະເພາະ ໃນເຂຕແຄວ້ນ Tibet ແລະ Xinjiang.

ໃນຂນະດຽວກັນນັ້ນ ໃນຣາຍງານດ້ານ ອິສຣະພາບຂອງ ກາຣເຊື່ອຖືສາສນາ ດັ່ງກ່າວ ຍັງໄດ້ຈັດຫລາຍໆ ປະເທສເຂົ້າໃນບັນຊີ ປະເທສທີ່ໜ້າ ເປັນຫ່ວງເຊັ່ນ: ອີຫຣ່ານ ພະມ້າ ເກົາຫລີ ເໜືອ Saudi Arabia, Sudan ແລະ Uzbekistan ທີ່ທາງກາຣ ສະຫະຣັຖ ຈະໄດ້ເອົາໃຈໃສ່ ແລະຕິດຕາມຢ່າງ ໃກ້ຊິດ ໃນຂັ້ນຕໍ່ໄປຕື່ມອີກ.