ຫລັງ​ຈາກ ​ຫ້ອງການ ​ແຂວງ​ສວັນນະ​ເຂດ​ ໄດ້​ຮັບ​ ການ​ປະ​ທ້ວງ ​ຈາກ​ປະຊາຊົນ​ ກ່ຽວ​ກັບ ​ກິ່ນ​ເໝັນ ​ຈາກ​ໂຮງງານ ທາງການ​ແຂວງ​ ຊຶ່ງ​ລວມທັງ ​ເຈົ້າໜ້າ​ທີ່ ​ສະພາບ​ແວດລ້ອມ ກໍ​ໄດ້​ ປະຊຸມ​ກັນ ​ແລະ ຕົກລົງ​ສ​ເນີ​ ໃຫ້​ທາງ​ໂຮງງານ​ ຢາສູບ​ ແກ້​ໄຂ ​ບັນຫາ ​ກິ່ນ​ເໝັນ ​ໂດຍດ່ວນ ດັ່ງ ທ່ານ ໜູ​ຄຳ ອຸຜະ​ໄຊ ຫົວໜ້າ​ຫ້ອງການ ​ສະພາບ​ແວດ​ລ້ອມ ​ແຂວງ​ສວັນນະ​ເຂດ ​ໄດ້​ກ່າວ ​ວ່າ:

“ທ່ານ​ເວົ້າວ່າ ທ່ານ​ເຈົ້າ ແຂວງ​ ໄດ້​ສ​ເນີ ​ບັນຫາ​ຕ່າງໆ ​ຕໍ່​ໂຮງງານ​ຈີນ ​ໃນ​ການ​ແກ້​ໄຂ ​ປັບປຸງ ​ໃນຣະຍະ​ຜ່ານ​ມາ ມັນ​ແກ້ ​ບໍ່​ໄດ້. ດຽວ​ນີ້ ​ພວກ​ເຮົາ ​ຕ້ອງການ​ ໃຫ້​ແກ້​ໄຂ ​ໃຫ້​ເອົາ​ ພາກສ່ວນ ​ທີ່​ເປັນ​ຣະບົບຢາ​ອອກ​ ຈະ​ໄດ້​ບໍ່ ​ໂຮງງານ​ຈີນ ​ກໍ​ວ່າ ການ​ລົງທຶນ ກໍ​ຫລາຍ​ແລ້ວ ຖ້າ​ເອົາ​ອອກ ​ຈະ​ເອົາ​ເງິນ ​ມາ​ຈາ​ໃສ​ມາ​ເຮັດ​.”

ໃນ​ຂະນະ​ດຽວ​ກັນ ທາງ​ການ​ ແຂວງສວັນນະ​ເຂດ ກໍ​ໄດ້​ສ​ເນີ​ໃຫ້ ​ຣັຖບານ​ລາວ ​ແລະ ​ໂຮງງານ​ຢາສູບ​ເຊີນ​ເອົາ​ ນັກວິຊາການ ​ຈາ​ກຜ​ແນ​ກ ມົນ​ລະ​ພິດ ກົມ​ສິ່ງ​ແວດ​ລ້ອມ ກະຊວງ​ອຸດສາຫະກັມ ມາ​ສຶກສາ​ສຳຣວດ​ເບິ່ງ​ຢ່າງ​ຄັກ​ແນ່ ​ອີກ​; ​ແຕ່​ເຈົ້າໜ້າ​ທີ່​ ແຂວງ​ສວັນນະ​ເຂດ ​ຄິດ​ວ່າ ​ທາງ​ໂຮງງານ​ ຢາສູບ​ ຄົງຈະ​ບໍ່​ເຫັນ​ດີ​ເຫັນ​ພ້ອມ​ກັບ ​ຂໍ້ສ​ເນີ​ດັ່ງກ່າວ​ ດັ່ງ ທ່ານ ໜູ​ຄຳ ​ໄດ້​ກ່າວ​ອີກ​ວ່າ:

“ພວກ​ເຮົາ ​ກໍ​ຢາກ​ ປະສານ​ສົມທົບ ​ກັນ​ວ່າ ຈະ​ເຊີ​ນ ຖ້າ​ເຊີນ ​ກໍ​ຕ້ອງ ​ໂຮງງານ ​ເປັນ​ຜູ້​ເສັຍ​ເງິນ​ ຄ້າ​ງົບປະມານ ​ຕ່າງໆ ຂ້າ​ເຈົ້າ ບໍ່​ຢາກ​ຍອມຮັບ.”