ນັບ​ແຕ່ ທາງ​ກາຣ ສປປລາວ ​​ໄດ້ຫັນ ​ມາ​ເອົາ​ໃຈ​​ໃສ່ ​ຕໍ່ບັນຫາ​ ພາວະ​ໂລກ​ຮ້ອນ ຢ່າງ​ເອົາ​ຈີ​ງ​ເອົາ​ຈັງ ​ຈົນ​ເປັນ​ ນະ​ໂຍບາຍ ​ບໍຣິມະ​ສິທ ສຳຄັນ ​ອັນ​ດັບ​ຕົ້ນຕໍ່ ​ສີ່​ງ​ແວດ​ລ້ອມ ຊື່​ງປະຊາຊົນ ​ແລະ ​ພາຄສ່ວນ​ຂອງຣັຖບາ​ລ ກໍ​​ໃຫ້​ ຄວາມ​ຮ່ວມ​ມື ​ເປັນ​ຢ່າງ​ດີ ​ໂດຽ​​ເຣີ່ມ ຈາກ​ກາຣປູກ​ ຈີ​ຕສຳນຶກ​ ໃຫ້​ກັບ ​ປະຊາຊົນ​ແລະ ​ຮ້ານ​ຄ້າ ​ຕາມ​ສະຖານ​ທີ່​ ຕ່າງໆ ​ໂດຽສະ​ເພາະ ​ຢູ່​ໃນ​​ເຂ​ຕ ​ແຂວງ​ຫລວງ​ພຣະບາງ ​ທີ່​​ໃຫ້ກາຣສນັບ​ສນູນ ພ້ອມ​ກັບ​ ສົ່ງ​ເສີມ ​ໃຫ້​ປະຊາຊົນ ​ໃຊ້​ຖົງ​ເຈັ້ຽ ​ແທນ​ຖົງ​ພລາສຕິກ ກ່ຽວ​ກັບ ​ເຣື່ອງນີ້ ​ເຈົ້າໜ້າ​ທີ່​ກົມ​ສີ່​ງ​ແວດ​ລ້ອມ ​ໄດ້​ກ່າວ​ ໃຫ້​ຄໍາເຫັນ ​ວ່າ:

“ປັຈຈຸ​ບັນ ​ກໍ​ຍັງ​ໃຊ້​ຢູ່ ກໍ​ຄ່ອຍໆ​ ປັບ​ໄປ​ເນ໊າະ ສ່ວນ​ມາກ ​ຢູ່​ບັນດາ ​ຫ້າງ​ຮ້ານ Supermarket ບໍ​ຫລື​ວ່າ​ຮ້ານ​ຕລາດມືດ ​ຕ່າງໆ ສ່ວນ​ມາກ ​ເຂົາ​ເຈົ້າ ​ໃຊ້​ຖົງ​ເຈັ້ຽສາ ທີ່​ (​ເຮັດ) ທຳ​ ດ້ວຍ​ກະດາ​ສສາ ​ເນ໊າະ ​ແກ່​ນັກ​ທ່ອງ​ທ່ຽວ ​ເນ໊າະ”

ເຈົ້າໜ້າ​ທີ່ລາວ​ ດັ່ງກ່າວ ​ໄດ້​ໃຫ້ ກາຣອະທິບາຍ ​ເພີ່ມ​ວ່າ: ທາງ​ກາຣລາວ ​ແມ່ນ​ໃຫ້​ຄວາມ​ສຳຄັນ ​ໃນ​ດ້ານ​ກາຣຮັກສາ ​ສີ່​ງ​ແວດ​ລ້ອມ ​ດ້ວຍ​ກາຣ​ເຜີຽ​ແຜ່ ​ໃຫ້​ປະຊາຊົນ ​ເຣີ່ມຈາກ​ເຂ​ຕ​ ເມືອງ​ທີ່​ນິຍົມ ໃຊ້​ຖົງ​ປລາສຕິກ ​ນັ້ນ​ ໃຫ້​ລຸດຜ່ອນ ​ແລະ ​ຫັນປ່ຽນ​ ໄປ​ໃຊ້​ຖົງ​ເຈັ້ຽ ທີ່​ສາມາດ​ລະລາຍ ​ໄປ​ຕາມ​ທັມມະ​ຊາຕ ​ໄດ້​ງ່າຍ.

ສປປລາວ ກໍ​ເປັນ​ໜື່ງ ​ໃນ​ປະ​ເທດ​ ສະມາຊິກ ​ທີ່​ຕ້ອງ ​ປະຕິບັຕ ຕາມ​ກົດຣະບຽບ ບໍ່​ໃຫ້​ເກີດ​ ປາກົດກາຣ​ແບບ​ເຮືອນ​ແກ້ວ​ ເຖີງ​ແມ່ນ​ວ່າ ລາວ​ບໍ່​ໄດ້ ​ເປັນ​ປະ​ເທດ ​ຕົ້ນ​ເຫ​ຕ ກໍ​ຕາມ ​ແຕ່​ກໍ​ຫາກ​ ໄດ້​ຮັບ​ ຜົລກະທົບ​ຈາກ​ປະ​ເທດ​ ເພື່ອນ​ບ້ານ ​ໂດຽກົງ. ສ່ວນ​ ຜົລກະທົບ ​ຈາກ​ພາວະ​ ໂລກ​ຮ້ອນ ​ທີ່​ທາງລາວ​ ໄດ້​ຮັບ​ນັ້ນ ກໍ​ເຫັນ​ໄດ້ ​ຈາກ​ສະພາບ ​ແຫ້ງ​ແລ້ງ ​ແມ້ກະທັ້ງ ຕາມ​ແມ່ນ້ຳລຳເຊ ​ຕ່າງໆ ​ກໍ​ແຫ້ງ​ຂອດ ​ໄປ​ຕາມໆ​ກັນ ​ເຮັດ​ໃຫ້ ​ຊາວ​ກະສິກອນ​ລາວ ​ຕ້ອງ​ໄດ້​ຮັບ ​ຄວາມ​ລຳບາກ ​ໂດຽສະ​ເພາ​ະ ທີ່​ບໍ່ສາມາດ ​ຈະໄດ້​ຮັບ ​ຜົລຜລິ​ຕ ຕາມ​ຄາດໝາຍ ​ໃນ​ແຕ່ລະ ຣະດູ​ກາຣ ​ເກັບ​ກ່ຽວ ​ຂອງ​ແຕ່ລະ​ປີ.